السلام عليكم ورحمة الله وبركاته


ومساء الخير لاعضاء الشموخ جميعا

اقدم لكم هذه القصيده عسى ان تنال على اعجابكم

واقول فيها:






حسبي على كلوديا حنّا ** بنت العجوز العراقيّه

إن كان من عقب ماتبنّا ** نرجع لرد الهجينيّه

القلب ياشيخ عاقبنّا ** لعيون فرخ النداويّه

والنفس عييت تطاوعنّا ** لو قلت يالنفس منهيّه

ياشيخ لو شفت ماشفنّا ** ريمٍ من الريم عفريّه

كاشف لنا العين والسنّا ** وحجاج عينيه وشفيّه

والي على الراس والمتنّا**مثل البكار الغرابيه

لتطلق الي لك محنّا ** وترخص بهاذي وهاذيّه

ويصيبك المس والجنّا ** وتسري لبغداد رجليّه

وتفارق حدود دولتنّا ** وتنسى ديار السعوديّه

وتجاذب الصوت والونّا ** بروس المشاريف عصريّه

وتبدل المد والغنّا ** ب يامل قلبٍ ويابنيّه

والقلب تونس به الكنّا ** من عقب نود الجنوبيّه

وتلاحي الورق لاغنّا ** فوق البساتين جبريّه

وإن ذقت ياشيخ ماذقنّا ** من كاس سم الهواويّه

اتقول ياليتنا كنّا ** ما بين جيان واشغيّه

ولاشفت بالعين مشغلنّا ** مادام مافيه ماويّه




وسلامتكم