أستأذنك وأقول لك شكرا على الدرس الأخيـر
وأنا الحقيقة فاهمك ما عـاد يلزمنـي دروس
واضح كثير إن الهوى حده معك دربٍ قصيـر
وإن أخرك مثل أولك منه يجي ضيق النفوس
وليا تفرْق شملنا خله يصيـر اللـي يصيـر
يكفيني إن الوقت قدامي غدا وجهـه عبـوس
جيتك وحلمي العمر يجمعنا سوى شرٍ وخيـر
ما قلت تزرع بيني وبين الفرح حربٍ ضروس
عطشت مواعيدك وفا.... ملْ الصبر مني كثير
تعبت أخلي الحزن لعيونك على عمري يدوس
وأشوف روحي تنتهي ينتابهـا حـزنٍ كبيـر
صعبٍ معاناتي بها يحكي القلم فوق الطـروس
درسك خيانة وأعتذر وياك لا يمكـن أسيـر
ولا شك ينهار الغلا لا صار ينهش فيه سوس
سالم الصقور