شعتني هالبروق اللي تشعلل فالسماء بالنور=واناظر من ورى الشباك فـي روعـة مناشيهـا
كتمـت الحـزن والضيقـه وعبـراتٍ تـدك الـزور=وفجـاه سالـت الدمـعـه ورمــش العـيـن حاديـهـا
اطالع يمنه ويسره واداري خاطـري المكسـور=وأهــدي النـفـس واقنعـهـا واروضـهـا واحاكـيـهـا
الا ياقـلـبـي يـالـلـي فالمـديـنـه عــايــش مـجـبــور=غــــدا مـابـيــن غـــــار وبــيـــن نــيـــرانٍ يـصـالـيـهـا
الا ياوجد حالـي وجـد منهـو فالسجـن مقهـور=صــدر الامــر الــوزاري وودّع الدنـيـا ومافيـهـا
على الله تفرج الضيقه واسير بخايعٍ ممطور=علـى وجــه الـثـرى مـالـت زهــوره فــي روابيـهـا