عرض مشاركة واحدة
  رقم المشاركة : [1 (permalink)]  
قديم 09-09-2011, 06:55 PM

سعد الهبداني

شاعر

 بيانات الاتصال بالعضو
 اخر مواضيع العضو
  سعد الهبداني غير متواجد حالياً  
الملف الشخصي



 
افتراضي ماتدري أني احبك

ماتدري أني أحبك حيل وأموت فيك

وأعشق واهواك واجلب كل شيء إلرضاك

ولو تطلب العين هذي يالغلا قبل ذيك

اقووول خذها فديتك جعل عيني فداك

ولو تطلب المستحيل اقسم بربي يجيك

اجيب لك ماطلبته يالدلع يالملاك

أنت الذهب ياذهب كل البشر تهتويك

يادر ياللول يامرجان كلن هواك

أنت الحلا ياحلا وصل الحلا مبتليك

سبحان من بالحلا يانور عيني بلاك

ربي عطاك الجمال اليوسفي وش عليك

صعبن على كل بنت أن تاصل للمستواك

حطيت قلبي وتفكيري بقبضة يديك

أرحم أسيرن اخذته تحت حكمة يداك

إلين خليتني يانور عيني هليك

حبك مشابي على درب الخطر والهلاك

وقربك يداوي جريحن يالغلا يحتريك

تعال داو الجريح اللي بعمره شراك

بالقلب يامهجة الخفاق مالك شريك

والله فلا يسكنه مادمت حين سواك

أموت في هرجك المعسول من شفتيك

واموت لاشفت زولك يوم تقصر أخطاك

واموت لاسلهمت يازين غمازتيك

جعلي فدا للعيون اللي تزود بهاك

لاقلت للي ياسعد فزت اضلوعي إليك

أحس كني من الفرحه بوضع أرتباك

لبيه ياللي غديت لعرش قلبي مليك

لبى فؤادك ولبى ماتقوله أشفاك

ولبي هدب عينك اللي ياصل لحاجبيك

وأن طولت غيبتك والله ماانسى غلاك

ماتدري أني عليك أغار من والديك

وأغار لأمن سمعت أحدن بأسمك دعاك

واغار حتى من انسام الهواء تعتريك

وعلى خدودك أغار أن لامستها يداك

قلبي خذيته من أضلوعي وروح لديك

هسترت به كل ماقفيت روح وراك

لو كان ماجيتني قلبي يروح ويجيك

لو رحت لأقصاء بقاع الأرض روح معاك

كم للي سنه يامعذب خاطري برتجيك

تكفى طلبتك تعال ارجع لمنهو رجاك

عزالله أني أنا أموت منك وعليك

وأن مت من سبتك يوم القيامه جزاك

الشاعر سعد الهبداني

جميع الحقوق محفوظة وحتى لاتتعرض للمسائلة القانونية بسبب مخالفة قانون حماية الملكية الفكرية يجب ذكر :
- المصدر :
شبكة الشموخ الأدبية - الكاتب : سعد الهبداني - القسم : منتدى الشعر الشعبي
- رابط الموضوع الأصلي : ماتدري أني احبك

رد مع اقتباس
 

ظ„ظٹظ†ظƒط§طھ - ط¯ط¹ظ… : SEO by vBSEO 3.5.1