يام العيون الناعسة كان تدرين = اني غريق الحزن من بعد فرقاك

واني عليل ٍ طايح ٍ بين نارين = واني اخذت الهم من كف يمناك

صرت احسب الساعات بشهور وسنين = وصرت ابتدع بالشعر واكتبك واقراك

صرت التقي بالناس وتشوفك العين = وتهزني اشواق روحي بذكراك

شعري بكاه الهم ليتك تحسين = لين انجلت سحب الاماني بجفواك

ولين احترق قلبي من اللي تسوين = وجهزتلي تابوت حبك وبلواك

ورماح بعدك هيجتبي براكين = ودموعي اللي تسهر بشف لقياك

ويلي لو ادري لغرامي تخونين = كان انتهى ما فات واحيا بلياك