والله ان الشوق يذبح =وان درب العشق يفضح
والغلا يحرق ظميري=كل ماتطري عليه
صرت احبك ليه مدري=واكتم اجروحي بصدري
لو أجامل لو أكابر=الغرام اكبر بليه
اعشقك مافيه مانع=وبغرامك صرت قانع
ولو تبي عينك فديتك=اعتبرها لك هديه
ماطلبت الا وجودك=ولا كرهت الا صدودك
ولا هويت الا انت وحدك=بين ذيك وبين ذيه
في عيوني ياعيوني=مسكنك داخل جفوني
مستحيل انسا غلاتك=لو يُقال الكون ليه
لو تزود لي عذابي=أو تدمر لي شبابي
اعتبرها شي عادي=كل ماسويت بيه
انا ملكك في يدينك=اعتبرني مثل عينك
بس باقي شي واحد=زيد في حبك شوووويه