لا تحسبني خاتم ٍ وسط يمناك = يومك تصد وتفتخر في تجافيك
إن جيت مجبول ٍ على الود حياك = وإن بعتنا بعناك من غير تشكيك
ما أخضع لحكمك وأقهرك وأتحداك= ما دام في هجرك تواصل تماديك
أنسى الغرام وماضي الود وأسلاك = يا خاين الخلان بانت مراميك
الله كشف مستور خافي خفاياك = وأخطاك غطت في عيوني حسانيك
فرقاك صارت مطلبي عقب لاماك= ولا عاد لي رغبة وشف ٍ بطاريك
شطبت لأسمك وأنتهت معك ذكراك =وأكس ٍ على حاضرك وأيام ماضيك