|
أمي نوف ...!!! أمّي نوف فداها القلبْ فداها الشّوف فدتْها روحي الغرّه وكلْ غالي لها في القلب مكانهْ عاليهْ في الجوف لها دايم مودّه مفعمه تْلالي لها قلب ٍ يسعى بالسّعَد وِيْطوف وينثر در من الإحساس همّالي لها روح ٍ تجول بخاطر ٍ ملهوف تعطـّر كل فيافي الكون ولا تْبالي لها كلمه صدوقه وْما تَعَرْف الخوف تقول الحق بلا تظليل وجْدالي لها روعه تخلي القلب كالمخطوف تأسر كلْ من عاشرها فى الحالي لها دمعه تهز الحاني المشغوف تعز العم ~ والأقراب ~ والخالي أمومه ما يشابه نوعها معروف تعطي فوق طاقتها بْقدر عالي كم وكم ولا تهتم بأي ظْروف تتعب حالها وتشغل لها البالي تفرح من فرحنا والهنا معطوف منها نستمد قوه بِلا اقلالي فريده مالها بين البشر موصوف سبحان اللي كوّنها ~ بإجلالي ألا يا ربي تحميها مْن آيْ صْروف وتبقى في ذرى مغلينها ظْلالي أمي نوف فداها القلب فداها الشوف فدتها روحي الغرّه وكلْ غالي : جوهر الراوي |
جوهر الله يعطيك العافيه ع الشعر الجميل الجزل |
قصيده رائعه ........... صح لسانك ............. تحياتى |
شمس الشموخ مرورك عاطر وزاهر وبالود عامر وأسعدني جدا بارك الله فيك كل الود والورد لك مع التحيه |
الغالي جوهر الرويلي كيف حالك عزيزي واشتقنالك يالغالي وصح الله السانك على المشاعر الاكثر من رائعه ابو احمد |
الرائع جوهر الراوي صح الله لسانك وأجــدت في بيانك وبقي التمـــيز والاقتـــدار عنوانك وأعلى الرحمــن شــــــأنك وكيانك |
قصيده رائعه في حق الام الغاليه الاستاذ الكريم جوهر سلمت يداك وحفظها الله لك ارق التحايامسيووو |
:)تستاهل امي نوف وكل الامهات الله يخليهم لنا ويرحم اموتنا صح لسانك ياجوهر قصيدة تستحق الثناء تحياتي |
| الساعة الآن 02:43 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011