شعر شعبي عراقي

[عاشق ألرافدين]

طويناها صفحتك ونتهه الموضوع

فعل ماضي صفيت وخلصت المده

اشتتوقع ابوس اجدامك من تروح

واسحك كبريائي واطلب النجده

صح جدمي عثر من شفت طولك لاح

لاكن مانخيتك من طحت عمده

توكيت اعله جرحي وماطلبت العون

لان ادري اليطيح اكفوفه لتسنده

صح الكمر اكبر ونجوم ازغار

بس تحله السمه مو بالكمر وحده

واذا ساكت تره مو لان ماكو السان

مرات الصمت من الحجي ابده

وكف المايصافح كفك بالحساس

لا تعتب عليه وتنتخي بزنده

من اكتب شعر لاتعتقد بطران

البلابل بالقفص من ظيمهه مغرده

ماصدك بعد دمعاتك من اطيح

هم يهمل دمعهه العين لو رمده

روح بلا وداع وكل اثر ماريد

اليكتب علرمل يعرف قدر كتبه



حبي وتقديري ... عاشق الرافدين

[احلام الماضي]

صح لسآآآنك ولاهنت أبيآت في منتهي الجمال
الله يعطيك العافيه

[عاشق ألرافدين]

أحلام الماضي .. تسلمي وشاكر لمرورك الكريم وردك الجميل

حبي وتقديري ... عاشق الرافدين

[ذكرى الغالي]

سلمت يداك التي صاااغت هذه الرائعه
تقديري واحترامي لشخصك
وبوحك الراقي
ذكرى الغالي

[عادل بوبدر]

صح لسانك
وتشرفت بالتواجد عند هذه الرائعة

عادل بوبدر

[الشيماء]

استاذ عاشق

احسنت الاختيار

الشعر العراقي جميل جدا ومعبر بشكل لا يوصف

بس هاي الملعون شمسويه بيك اللي بعد متكدر تسامحه وتغفرلها
ويجوز العكس

ههههههههههههههههههههه
الله سبحانه هو العالم بما خفي

ننتظر المزيد من الشعر العراق بكل انواعه
وياريت يكون من قلمك الذهبي

دمت بخير

[سامي احمد]

القدير

عاشق الرافدين

صح الله السانك واعلى شانك
تقبل الورد

سامي احمد

[مشعل الشعلاني]