السلام عليكم ورحمة الله وبركاته
اليكم هذا النص من الارشيف القديم وعساه يعجبكم
عـدى شهر يا شـوق وأنااتحـراك=أنـطـر رجوعك كل ساعـة ودقيـقه
العـين تـذرف دمعها بـعـد فرقـاك=وبـين الضلوع العوج شبت حريقه
والكـون كـلـه صـارعـتمـة بـلياك=يانورعـمري يا ضيـاه وبريـقه
ياليت أعـرف أسـباب صدك وفرقاك=يا للي سرقت القـلب مني سريـقة
طال انتظاري يا حبـيبي برجواك=والهجـر روحي ياالغلا ماتطـيقه
يا شـوق قل وش فيك كثرت خطاياك=الـحب ويـنه والعهـود الوثيقـه
وردتني ياصاحبي حوض الأدراك=وبهـدلتني من بين كل الخليقـه
ولا اذكراني يـوم قـصرت وياك=حتى تعاملني بهذي الطريقة
أنشدك باالله ياريش العين وش جاك=تكفى تصارحني بقـول الحقيـقة
أذا تبينا ياالغـلا لاعـدمناك=مابـيك تتركني بهم (ن)وضيـقه
واذا انت عايف قول لي روح مابقاك=وكلآ عـلى ماقـيل يـمـشي طريقه
وعـساك يابـن الـناس تسعـد بدنياك=واللـه يعـين اللي مـفارق عشـيـقه
وانا با أحاول ياعـسى أقـدرأنـساك=وتبرى جروح(ن)وسط قلبي عـميقه
الإهداءات
عدى شهر ياشوق وانا اتحراك 
العرض العادي
المواضيع المتشابهه الموضوع: عدى شهر ياشوق وانا اتحراك 
