مُعتَكفَ ذِكَرَىٌ

[ذكرى الغالي]

مُعتَكفَ , ذِكَرَيآتّ

مُعتَكفَ ذِكَرَىٌ

---

lEujQ;tQ `A;QvQnR

[ذكرى الغالي]

بعـتـذر للشعر كتاب ورواه=من زلل حرفي ومن قولٍ هزيل مَاتَجِد من حزم بعض إللي تراه=وماترى فيني سوى خلقٍ جميل كل طيبٍ ماخذٍ مني حلاه=والردي ماله على مثلي سبيل يامغلِّب حالك آرجو الإنتباه=إحسب حسابك ترى باعي طويل هيه يا غادي ترى للناس جاه=لا تخادعني تقول إنك زميل كل عاقل له بهالدنيا كماه=والذي ماله عقل ماله خليل جيت لجل الشعر ما قصدي سواه=لو تبي غيره بتلقالك بديل إنطلق في جو من مثلك غواه=ناس لو تسمع صدا الورقا تميل لا توهم بي ترى خلفي دهاه=هم هل الصولات والسيف الصقيل لو وصل شعري لعالي مستواه=مايغر المدح ذي الخلق الأصيل زايد إعجابك بحرفي وش وراه=ما كتبته للرسايل والطبيل آه من جهال هذا الوقت آه=مستحيل أرخي جناحي مستحيل شاعرٍ كالنجم عالي في سماه=شامخٍ ماله على الساحه مثيل وشاعرٍ خلف الحروف السود تاه=والقصد واضح ولايبغى دليل

[جوهر الراوي]

الحمد لله أنني زرت الصفحة بعد إسمك يا ذكرى الغالي

أسأل الله أن يستجيب دعاءك الجميل المنظوم

ولك بالمثل وجميع من يزور معتكفك الوردي العاطر

بل أتمنى لمن يزوروا الصفحة من بعدي وصاحبة الصفحة أيضا
أن يكونوا ( أسعد مني أضعافاً مضاعفه )


كل الود والورد لك

[ذكرى الغالي]

الراقي
جوهر الراوي
على الرحب والسعه
اسعدني حضورك وشرفني
ممتنه لك

[ذكرى الغالي]

ناديت وينك ..؟؟
وانت قدام عيني
مع كل رمشة عين اناديك وينك ..؟؟

[ذكرى الغالي]

ودي اقول الحكاية الحكايه جرح ضعف و جرح قوه قوتي ميزه وضعفي روعتي=وإن لحقني نقص لله الكمال استمد من طيب اصلي عزتي=نايفه عالي شموخي كالجبال إن عشق قلبي صدق بمحبتي=وإن عشيري مال عنه القلب مال لا إنكسرله لا ولا احني قامتي=عيبٍ اخضع له وأنا بنت الرجال غصب ادآري عن عيونه عبرتي=مابي يلمح دموعي بأي حال وإن نزل دمعي وبل مخدتي=مابقى فيني على الظلم إحتمال خان ماقدر عطاي وعشرتي=ماحفظ عهدي قطع حبل الوصال كنت اظن عنده هناي وراحتي=وآثري أطرد لي سراب في خيال كم تسبب في العذاب ولوعتي=كم تمادى في خطاه ولا يزال آآه ياكثر الطعون وحسرتي=ماترك للود في قلبي مجال احمد الله ماخسرت بدنيتي=كان ماني ربح ماهو رأس مال كل جرح وكل فرح في نظـرعــيني تشــوّه

[ذكرى الغالي]

أنا مليت من ظلمك ولاظنك علي شفقان
علامك ياحزن واقف مابين الفرح وأيامي

وش إللي راح من عمري..؟؟
وش الباقي من السلوان..؟؟
قضى عمري وأنا مدري اطالع موقع أقدامي..!!
بقلمي ذكرى الغالي

[ذكرى الغالي]

لاتكابر سيدي عَطنِي مجال
لِمني بجنووون لاتطري النوى

عِيش بِإحساسك معي علم وخيال
إسكن بقلبي وبعيوني سوى

يِعلم الله لك غلا فوق الخيال
لا لمحتك نور فرحي لي ضوى

بقلمي ذكرى الغالي