بنت الوفي

[مها الجهني]

والله وأنا بنت الوفي كاسب الطيب
‏اللي يمد الطيب من طيب كفه

‏إني مقرّي في علو المراقيب
‏مشراف ماغيري من البيض لفه

‏ويا الليّ تدور في خفاية عذاريب
‏وتنقض هروجك مثل نقض المهفه

‏ماابحثك لاني أعرف المواجيب
‏مااتبع هروج المبغضين المسفه

‏اللي علاقتهم على الشك والريب
‏أهل العقول الناقصة والمخفه

‏خلاني اكشف ماتبين من العيب
‏مايعرفون الحق ولاهم بصفه

‏لكنني شمت ورقيت المهاضيب
‏وتركت قاع الأرض للي تضفه

‏والطايلة والواجبة والتراحيب
‏للي أنا غاية مرامه وشفه

‏مالي بغيره ياقصيدي مطاليب
‏اللي يرف القلب له الف رفه

‏وأنا همومي بالليالي محاضيب
‏جاني بقلبي من غثاها محفه

‏وكسبت! منها فالصعيبة تجاريب
‏زادتني فوق الصبر حشمة وعفه

‏لاني من أهل الطيب متوارثة طيب
‏وترجح موازيني على كل كفه

‏#مها_الجهني

[عبدالعزيز الفدغوش]

كل حروف الترحيب والتقدير تقف اجلالا
واحتراما لاشراقة الزميلة الشاعرة القديرة
مها الجهني والتي انضمت الى شبكة الشموخ الأدبية

[عبدالعزيز الفدغوش]

الرائعة مها الجهني
صح لسانك وأعلى الرحمن قدرك وشأنك
وأبدعتي في سمو حرفك وقوة بيانك

[نور العمر]

،


مها الجهني .. حياك الله
بيننا في الشموخ بانضمام
من هم بمثلك نفخر ، صح
لسانك وفكرك وقلمك ودمت
ودام الجمال في نبضك ..


،

[عبده حكمي]

والنعم فيك شاعرتنا مها الجهني وفي الوفي كاسب الطيب
حفظكم الله جميعاً وأبقاكم في خير وسعادة
أبدعت وتميّزت نص جميل ونخبوي لا عدمناك

[فهد البدر]

صح لسانك شاعرتنا
وبيض الله وجهك
واعلى شانك

[ضامية الود]

اختي الغاليه هلا وغلا فيج

والف نعم بالطيبين

وصح لسانج وعتلا شانج