【♥آبيڪً تحس في همي وتلمس ر۶ــشه الڪًفيـטּ ♥】

[عهود المحبه]

كئيبه ليلة البارح " توآرت " بإنكسآر اثنين
انا والقلب من غلطه ماهي من ضمن غلطاتي



عبث منها بدون اسباب " تشلع " مهجتي نصفين
وانا في عشقــــهآ حتى حرمت العين غفواتي




رجاء لا تشيلين "العتب " كان الهدف حرفين
اذا ما تعرفيها مو خطايه اسمعــــي الاتي



على ذاك الطريق "المنتمي" للشك والتخمين
مشيت وياكثر ما بعثــرت فالناس نظرآتي


اناظر في الوجوه "والملامــح" طيب وبعدين
انا من وين الاقي لك طريــق يحث خطوآتي


اقول هناك لا يمكن "هنــا" يمكن هناك تبين
شعاع الضي واشــراق الامل وتلملم شتآتي



رسمتك حلم "غايب "عن حياتي من يجي عامين
لقيتك علم وايدينك تعــطر كل صفحاتي




وجيت انثر لك "احسآسي" وشوقي واحتراقي لين
تركتك في وضــوح تشوف حزني وانكساراتي




ابيك تحس في همي وتلمــس" رعشة الكفين"
ابيك تحس في وجـــدي عليك وجمر زفراتي




لاني كنت احسب الحظ مثل "سهيل" للسارين
سريت ولا لقيت سهيــــل في كل اتجاهاتي




لقيتك للأسف "لاهي" ولا تدري وصلت منين
وقسوة قلبــك اسقتني جفاك المجحف العاتي




"فمان الله" برحل والجروح تعانــق السكين
بســافر بالالم من شان ما ارضخ لاجل رغباتي




ابرحل عنك واترك لك "حكايه" داخل {..القوسين..}
تمتع بعدها باللي تطــــــــوله من معاناتي




مصير "الشـــوق" يعثى في حنايا مهجتك وتلين
بوقت فيه يا بعـــــدي عليك وصعب جياتي




انا يوم اشتكيت من "الولــع" ومن السهر والبين
ظننت انك تحس بثورة اوجاعـــــي ولوعاتي




اثاري "الشـــوق " ما يرحم ونار الصد عن نارين
كواني جمرها الحــــارق وانا في غمرة اسكاتي




عشان اني صبرت اتزيد" جرحك " في الحشا جرحين
وانا ما كنت اظــــن الصبر يخلف فيك هقواتي




ابصبر لين يشكي"الصبر" من صبري وبصــبر زين
و اروح بعيــــد وادفن صرخة احزاني وآهاتي




على الله" والجــروح" اللي بقلبي عن ثلاث سنين
عســــى ربي يخفف نزفهـــا وتجف دمعاتي




ولكن لو تلاقينـــــا و"خانتني" دموع العين
ترى ماهو بكـــا هذا عتب ذاتي علــى ذاتي

[مـحـمـد الـعـونـي]

.
.
.



لاني كنت احسب الحظ مثل "سهيل" للسارين
سريت ولا لقيت سهيــــل في كل اتجاهاتي


,,,

يا سلام عليج اداريتنا (( عهود ..

يسلم ذوقج الراقي .. و صح لسان راعيها

[عبدالعزيز الفدغوش]

الرائعة عهود

اختيار موفق بوركت جهودك

[عهود المحبه]

محمد العوني

شاكرة لك مرورك الرائع عزيزي

الله يعطيك العافيه

تحيتي لك

[ماجد العريض]

على الله" والجــروح" اللي بقلبي عن ثلاث سنين
عســــى ربي يخفف نزفهـــا وتجف دمعاتي


اختيار موفق عهود

تحياتي لك

[عهود المحبه]

ابوسعد

شاكرة لك مرورك الرائع عزيزي

الله يعطيك العافيه

تحيتي لك

[عهود المحبه]

ماجد

شاكرة لك مرورك الرائع عزيزي

الله يعطيك العافيه

تحيتي لك

[احلام الماضي]

الرائعة عهود

اختيار موفق بوركت جهودك