ريح الخزامى والنفل

[فــرج الدهمشي]

السلام عليكم ورحمة الله وبركاته
أبيات من الأرشيف لذكرى أجمل فصول السنه فصل الربيع أتمنى أن ينال رضائكم ,

يا حمود شـب النـار زوّد لهايبـه
وأحمس لنا بن ٍ مـع الهيـل ذايبـه



مع تمرة ٍ مرباه فـي نقـرة الحسـا
وصفر الدلال اللي من البن رايبـه



بأرضٍ كساها الزين بالعشب ربعت
والديم يسقي وسمها مـن سكايبـه



وريح الخزامى والنفل عبقه أنتشـر
وفاح الشذا عبر النسيـم وهبايبـه



مع رفقة ٍ دايم على الطيـب عزهـا
تجمع رفاقـات الخفـوق وقرايبـه



هذي مناة الروح عنـدي وشفّهـا
تنسى الهموم اللي على الصدر صايبه



ياالله ياللّي خالق الارض والسمـا
تفرج هموم اللي شكا من مصايبـه



والحمد للي بأمـره الأرض ربعـت
وخلا عليها الغيث تمطـر سحايبـه

[مسيوبوتاميا]

صح السانك
نص رائع
سلمت يداك

مسيووو

[عبدالعزيز الفدغوش]

الرائع فرج الدهمشي

صح الله لسانك وأجــدت في بيانك

وبقي التمـــيز والاقتـــدار عنوانك

وأعلى الرحمــن شــــــأنك وكيانك

[احلام الماضي]

صــح لسانك وأعتلا شانك

مهما نقول لن نوفــي حقك في المديح والأطــراء

تسلم يمناك ويسلم قلبك وقريحتك على الابيات الرائعه

[نادر الروقي]

هذي مناة الروح عنـدي وشفّهـا
تنسى الهموم اللي على الصدر صايبه

اشهد بالله انها مناة وطراة الحياه ربيع وبر ورجالٍ شرواك
صح لسانك لين ترضى على هالشامخه
عزالله انك هيضتنا بوقت القيض

بس الله يجيب الخير ويسوق فضله

[الشايب]

صح لسانك ولا هنت

بانتظار ما هو جديد ورائع كروعة حضورك

دمت بود

[ضاامية الود]

اخوي فرج الدهمشي اولا هلابك

ومن طول الغيبات جب الغنايم

وصح لسانك وقلبك وحروف قلمك

علي الرائعه وبوح راقي

تحياتي لك

[فيلسوف الكويت]

صح الله لسانك

وأعلى من شانك

لا خلا ولا عدم ... على هالرائعة

تقبل مني أغلى تحية فيلسوف الكويت