ما قلتلك اشيائي الحلوه قليل .. !؟

[رواء السالمي]

قصيده لـ الشااعر مشعل دهيم

من اكثر القصائد القريبه لقلبي

ولها سرها الغامض

و احببت تشاركوني روعتها ..


ماقلتلك ؟!
وحدك غديت النور .. والباقي ظلام !
وان السهر لابانت خيوط الفجر .. يبدا ينام !
يتركني بروحي اطيّر من حنيني / لك حمام !
وأحمله شوق وسلام ..

وماقلتلك !!
انت الوحيد اللي اشوفه ذنب
مهما ارتكبته / مااحس انه حراام !

/

وماقلتلك

ان الحنين رماح .. وان الغياب أحباب !
وإن الشعر مفتاح .. وإن القلوب .. أبواب !

وإن الهنى ماله على قلبي دروووب !
وان الحزن فيني بنى / بلدان وهمومي [شعوب ]

وإن الشعر مالي غنى عنّه .. وعنّه ماأتوب ..
وإن الحنين اللي بنا .. أطهر مساحات الذنوب ..

وإن الشعر ../ مثل الحزن قسمة ونصيب !
وإن المنافي ..مع مرور الوقت تصبح ديرة أولاد الغريب !

وإن الصبر .. مهما يواصلنا يجي يوم [ ويغيب ] !

يمكن لأنه مثلنا !
والا الصبر مل الصبر ..
مدري ولكن قلتلك ..
ماقلتلك !

أشيائي الحلوه قليل !
وإنك أحد أشيائي الحلوه القليل !
معاك احس إني سهر ليله طوويل
ألقابه لحزني .. خليل !
وأحس في صبري حطب .. وأيّام غيباتك فتيل !
ماادري متى يجتاحني هذا الملل ؟!
وأحرق من سنين الصبر !

وماقلتلك !!

لو جيتني مرّه مطر !
تلقاني بدوٍ تنتظر !
يستبشرون ان جت مقاديمك تغنّي عن حضورك يمّهم !

من طهرهم ..

البرق في تعريفهم يعني الحياة ..
والغيم صوته أغنيات !
من غبت عنهم عايشين بهمّهم !
تفرقوا .. وصاروا شتات !
وانت الوحيد اللي تجي وتلمهم !

وماقلتلك !

أشياء (3) باقيه ماقلتلك ..
إنّك مثل حزني .. قدر
وإنّك مثل ليلي سهر
وإنّك عمر ..
والعمر مرّه بالعمر !
والعمر مرّه بالعمر !!

[ذكرى الغالي]

يروق لي ماراق لك ياغاالية
صح لسان الشاعر
وسلمت يدآك من كل سوء
لك من الأعماق إمتناناً جم
ومن التقدير ماللحرف يلجم
ذكرى الغاليܓܨ

[عبدالعزيز الفدغوش]

الرائعة راء

صح الله لسانك ولسان الشاعر مشعل دهيم

ونص جميل واختيار موفق وبوركت جهودك

[أشجان التميمي]

[عالية التميمي]

[شعاع الصباح]

[رواء السالمي]

يٌشرفني اعجابكم بها ..

*قُبله*

[الجفول]