هل تفعلينها لوطلبها منك ليلة الدخله؟؟؟!!!!

[نوف الشموخ]

ليلة , لوطلبها , أنك , الدخله؟؟؟!!!! , تفعلينها

هل تفعلينها لوطلبها منك ليلة الدخله؟؟؟!!!!

* السلام عليكم *
لقد لفت انتباهي هذا الموضوع فلذا احببت ان نتناقش حول رد فعل كل واحد منا
بدووون خجل هل تفعلينها لوطلبها منك ليلة الدخله؟؟؟!!!!

قصة واقعية حصلت في ليلة الدخله

اول شي انا وضعت القصه
لاعرف ماهي ردودكم على مافعله هذا الرجل بعروسه


اليكم القصه ..

شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :

الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره
((طبعاً الديرة تبعد حوالي 300 كم))
الزوج : المهم تعشيتوا
المتصل : لا والله
الزوج : كم عددكم ؟
المتصل : عشرة
الزوج : اقولك (حرام وطلاق عشاكم الليلة عندي) قل تم
المتصل : يا ابن الحلال مايصير انت عريس جد و.. و..
المهم مافيه فايده الزوج مصر الا يتعشون عنده
الزوج : يالله انا انتظركم مع السلامه
وقفل الخط
الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح السوق وراجع
((على بالها يبي يجيب عشاء جاهز))
بعد ربع ساعه رجع الزوج ومعه اغراض العشاء
قالت الزوجه وش ذا
قال الله يسلمك قومي سوي العشاء لزملاي في العمل جايين من بعيد ولا تعشوا
،،،وفي أثناء الحوار،،، والا الباب يدق
قال هم ذولا وصلوا يالله همه يا مره وراح عند ربعه يقهويهم
المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء وتعشوا وراحوا لديرتهم المسكينه متضايقه


والمفاجأة ... ؟؟؟؟؟؟؟؟؟؟



يدخل زوجها عليها ويرمي لها (50000) خمسين ألف ريال قال هذا حقك قالت وشوا حقه قال الرهان اللي بيني وبين زملاي العشرة على كل واحد
(5000) بأنك تطبخين ليلة الدخلة وش يكون ردة فعلك موافقه والا .. لا وانتي من كسب الرهان وتمت ليلتهم على خير وصاروا اسعد زوجين


ايه رأيكم
لو مكانها وش بتسووون!!!

---

ig jtugdkih g,'gfih lk; gdgm hg]ogi???!!!! g,'gfih Hk; hg]ogi???!!!!

[دهمشي]

نترك الرأي للحريم

أما لو أنا أحد يراهني من مبلغ مثل هذا آخذه وأتزوج الثانية

كل الشكر لك

[عبدالعزيز الفدغوش]

الرائعة نوف

أحسنت اختيار القصة النادرة الحدوث في هذا الزمن

[مهرة الشموخ]

ههههههههههههههههه

لا تعليق أمحق ليلة بس عن نفسي أقوم اطبخ احسن من إنه يعصب ويخرعني

يسلموووووووو نوف بس انتي ما قلتي رايج؟؟؟

[نوف الشموخ]

هههههههههههههه

لافي انت تزوج الاولى وماعليك ازوجك الثانيه اختي عبير

تحياتي

[نوف الشموخ]

بوسعد

تسلملي يارب واهم شي انها اعجبتك يابعدي

تحياتي

[نوف الشموخ]

هههههههههههههه

مهره نورتي بتواجدك خيتو
ومن ناحيتي وبكل مصداقية بسويله لان ضيوفه ضيوفي ولازم ابيض وجه زود ماهو ابيض

تحياتي

[عهود المحبه]

نوف

الصراحه بسوي العشاء يعني اخليه يطلقني من اول يوم لا طبعا

وكلها عشاء اطبخيه وخلصنا السالفه وبعدين حرام يتفشل قدام ضيوفه

شكرا لك يالغلا