|
رد: ديوان الامير الشاعر محمد الاحمد السديري رحمه الله ابو زيد ياليت الدهر ما غدى به ابو زيد ياليت الدهر ما غدى به ياليت نفسه توهبت هبوبها رحل عن الدنيا وذكراه باقية وسط المجالس معجزاته حكوا بها ابو زيد نطاح الامور الصعايب لولا الشهود الناس ما صدقوا بها الله من ناس تذكر محمد إليا ابتلتهم مشكلة وابتلوا بها |
رد: ديوان الامير الشاعر محمد الاحمد السديري رحمه الله لولا الهرم والفقر والثالث الموت لولا الهرم والفقر والثالث الموت يالادمي بلكون ياعضم شانك سخرت ذرات الهوا تفهم الصوت وخليتها اطوع من تحرك بنانك جماد تكلمها وهي وسط تابوت تاخذ وتعطي ما صدر من بيانك وعزمت من فوق القمر تبني بيوت من يقهرك لوهو طويل زمانك لولا الثلاث وشان من قر الفوت نفذت كل اللي يقوله لسانك |
رد: ديوان الامير الشاعر محمد الاحمد السديري رحمه الله يالادمي دنياك هذي تعذبك يالادمي دنياك يالله انا من جود حسناك طالبك عفوك ومدك حيث منت بخيلى يالادمي دنياك هذي تعذبك لوطفت فيها مالقيت الدليلى كل على مذهب امامه يخاطبك يبيك من زايد ذنوبه تشيلى واليا عصيت اهل المذاهب تعتبك كل يقول ابيك يمي تجيلى واليا عصيت اهل المذاهب تعاتبك كل يقول ابيك يمي تجيلي ولو انتحيت بعيد بالسؤتطلبك وكل بصاعه من ذنوبه يكيلي احد يصحح لك حديثه ويرهبك واحد يقول الحق عندي نزيلي واحد يخيفيك في كلامه ويدبك وابليس يضحك له وهو مستشيلي الناس عوجان المناطق تكذبك وعن الصحيح الكذب معهم بديلي ان مارضيت بقولهم نتف شاربك وتكبر ذنوبك لوغناك تهليلي ناس على درب الفضيله تحاربك وعلى دروب الشر تهذل هذيلى ودروبهم عسرات عوج وتتعبك ما تستوي لك لا ولا تستويلي ينبيك عن دنياك ماضي تجاربك وعزي لحالك كان عرفك قليلى اتبع نبيك واترك اللي مجنبك واقضب مماشى سنته لا تعيلى اللي بغار الثور للرشد يندبك وابوبكر عنده نديم وخليلى نصايحه للرشد حذرا تغايبك هرجه صحيح وكل فعله جميلي سنة نبيك للفضيله تقربك المصطفى ماله شبيه وعديلي واحذرك عن نقالة السو تقربك ومن يتبع العايل لزوم يعيلى لوانت ما تغضب ترى الناس تغضبك وعقب المعزه يجعلوانك ذليلى وترى ردي العرق للعيب يجذبك وتصير بدروب الردا له عميلي وبنت الردي حذراك حذراك تعجبك واحذر تصير لمثل هذي حليلى وعن ما يعيب النسل عرب مناسبك وعليك في بنت الحصان الاصيلي يجي ولدها فارق عن قرايبك ويقف في وجه الخصيم القبيلي ان كبرت القالات بالفعل يعجبك ويبرد همومك كان قلبك غليلي مثل القطامي في هداده يشببك والدم من مخلاب كفه يسيلي ليا صارما صلبين الارياء مكاسبك تراك بين الناس تبقى هزيلي وترى دروب الخبث يالعبد تذهبك ويفوت عمرك ما تحصل حصيلي احذر يابن حوا تطمن لحاجبك الا لرب للخلايق يزيلي الي بعفوه عن عذابه يرغبك وعينه لكل الخلق دايم تخيلى في لوحه المحفوظ يا لعبد مذهبك نزل بحق وكل ما به فضيلى ومعاشر الخايب مع الناس يذربك وتصبح قليل الميز عقلك هبيلى ومعاشر الطيب على الطيب يجلبك ويرقيك للعليا بظل ظليلي لا تقرب الأجرب بالامراض يعطبك يصير جسمك مثل جسمه عليلي ممشا الخفامن صافي العقل يسلبك ويصير لك يم الرذيله سبيلي وعن مارد الانذال نزه مشاربك واشرب نظيف لوورادك طويلي ولياك تنسى يابن الأ جواد واجبك والي يروم المجد حمله ثقيلي يا لادمي وان كان كبرت مصايبك ازبن على محي ا لبلاد المحيلى ازبن على رب بعرشه يراقبك وناجه وبعد العسر يره جليلي ناجه ولاجل ارضاه وجه ركايبك وخلك لعلام السرايردخيلي هو الذي ينجيك من كود صايبك ويذريك من كربات هول مهيلي يا لعبد مكن عند ربك مقضبك وفكر وقدر وانتبه لاتميلي ولحدمن الخلاق يالعبد حاجبك هو الذي مده وعفوه جزيلى وهو الذي في ما فعلته يحسابك وهو الذي بارزاق عبده كفيلى |
رد: ديوان الامير الشاعر محمد الاحمد السديري رحمه الله قالوا تتوب قالوا تتوب وقلت بالطرف مصيوب والله ماتوب وصافي الخد ماتاب قالوا تحملت الموائيم وذنوب قلت الذنوب الها موازين وحساب قالوا ترى مايفعل العبد مكتوب قلت افهم اللي تذكرونه يالاصحاب قالواجهلت وبان بك كل عذروب وكشفت سرك بين قومك والاحباب قلت الهوى لقلوب الاحباب مرغوب ايات حب صورت وسط الالباب قالوا بعقلك ضايع الفكر منكوب قلت الموده ماتداويها الاطباب عقلي معي ماني من العقل مسلوب انا الغريق وكل شي له اسباب انا غريق مع هل الحب منسوب مع زمرة العشاق بالحب منصاب ما طاب لي زادن ولا اريد مشروب اليا صفا لي صاحبي عسل الانياب يغضى بعينه وافهم العلم مقلوب واسري عليه بليلتن نورها غاب يرخص لي الغالي اليا حل ماجوب وعن القرايب حط لي ستر وحجاب وابعد عن الشكه ولا نوش له ثوب الاالحديث وقرعة الناب بالناب اخاف يصبح زين الاوصاف معيوب وهو عليه من النقا كل جلباب مما يعيبه طاهر العرض محجوب ولا حكوافيه البعيدين واقراب عليه وجدي فايقن وجد يعقوب وقلبي من اسبابه بوسط الحشا ذاب كان انكم تدرون بللي شفا ايوب وجدي سطى بالقلب والحب غلاب يلومني من لاشكا حب نبنوب طفلن قرونه ماتغطيه الاسلاب طفلن نهب عقلي بضحكات وعجوب فتان لقلوب العشاشيق نهاب اصبح هو الغالب وانا منه مغلوب غدا بعقلي بين شاري وجلاب ان كان شفته صفق القلب مرعوب وفتحت له بالقلب بابن ورى باب وان غاب عنى يصبح القلب متعوب بالصدر كنه بين لاوى وجذاب والدمع من فوق النظيرين مسكوب يخضر بدار ممحله عقب الاجداب اسمه بصفحة مولع القلب مكتوب دايم يصور لي خياله ولا غاب |
رد: ديوان الامير الشاعر محمد الاحمد السديري رحمه الله قالوا علامك قلت مطعون قالوا علامك قالوا علامك باكي قلت مطعون شوفو نزيف الدم مني تتالا قالوا من اللي صوبك قالت عافون قالوعدؤك قالت ياناس لالا هذا الحبيب الي له القلب مرهون هذا حيات لبروح بدر الكمالا يا عاذلين القلب لالاتعذلون وحيات رب فوق عرشه تعالا اني فلا انسى واحدفيه مفتون بيني وبينه نازح البعد حالا فتان صاب الفاب كون بثر كون مملوح اخذ كل البها والجمالا كنه الى حرك قوامه على الهون غصن الى هب الهوا فيه مالا قلبي لقلبه لو تنحيت مرهون غيره حرام ونور عيني حلالا |
رد: ديوان الامير الشاعر محمد الاحمد السديري رحمه الله شي بقلبي ياملا حاير فيه شىء بقلبى ياملا حاير فيه شىء تحير به العقول الفهامي مخفيه بفوادى و لا ودى ابديه وادور الخيرات شرق وشامي احترت به ما شفت شىء يحاليه واليوم أنشد عنه مانى بكامي سيل حدر مع وادى غير واديه مدرى حلال ماه والا حرامي كانه حلال جايز شرب صافيه وش حلله يامفسرين الحلامي هاتوا تفاصيله وهاتوا معانيه نبى الدليل اللى عليه الكلامي نبي دليل يفهم الدرب ماشيه يمشي به التايه بليل الظلامي يمشي به التايه ويقدى مواطيه ويشرب قراح الما ليا صار ضامي لاشك هجسي يوم خلا مماشيه انه حرام ومنه زود الاثامي احرم من الزقوم مره وحاليه وشربه على الضامى يزيد الهيامي الله من قلب همومه تقزيه تدك به مثل الجراد التهامي من ما جرى قامت تتله مشاحيه تل الرشا من فوق هدف المقامي روابع قامت تصيبه وتخطيه شاف الهوايل واختلاف الاسامي ما يسمع الداعى ليا قام يدعيه يعوم فى بحر من الهم طامي ما ينتبه للى بصوته يناديه يزيد همه يوم كل ينامي يشوف وقت ماعرفناتواليه وقت يشيب منه ابن الفطامي هذا زمان كاثرات بلاويه الغيم يقلب فيه عج وكتامي يا بعد شرب الما على كبد راجيه ما سيل الغبرا زعوج الجهامي انبيك يا من كلمة الحق ترضيه اعطيك ما ينفعك وافهم كلامي قصر يذلك لا تقابل مبانيه خله عسى شامخ طويله هدامي خله عسى ما صاب اغادير يفنيه يودع منازله الطويله رجامي لوزان مدخاله وطالت حواميه شيد على الخيبه قليل الرحامي وحى يوريك المذ له وتغليه أنا أشهدأنك ميت القلب عامي من لا يودك لا توده وترجيه ارفع مقامك ياعزيز المقامي ارفع مقامك عن عدوك وتوذيه ويلحقك من تركت رفيقك ملامي حق الرفيق وواجبه لاتخليه يلزمك مثل الوالدين الحشامي اخترعزيز الجار والحق يعطيه شبل على هرج يقوله يحامي مادك به عرج المذ له وطاريه يسبق على فعل الفضيله شمامي ومن قارب الاجرب بالامراض يعديه عدواه تسطي باللحم والعظامي درب السلامه بينات مماشيه ودرب العطب يرث عليك اللكامي ابعد وقلبك نازح البعد يشفيه وتلقى عن الدار البغيضه مقامي دار بدار وداعى الذل عاصيه ولا تقبل الذ له نفوس الكرامي الذل موت حايمات ضواميه ادخل على منزل فروض الصيامي عن مقعد بالذل عينك تراعيه الموت عند الذل امان وسلامي يرضى المذ له من تردت هقاويه والذل يجفل منه قلب العصامي والعبد له رب عن الناس يغنيه ولو لاه ماصاب الهدف كل رامي |
رد: ديوان الامير الشاعر محمد الاحمد السديري رحمه الله عفن الريش دعيت عفن الريش يوم ادرج الحوم **** ابا لرخم وانا احسب انه نداوي طيرن بحزات الهدد يلحقه لوم **** اللي قنص به ضايع الفكر غاوي خسران والخسران من ينقل البوم **** يبشر بخيبات الرجا والبلاوي طيرن نقلته طالني منه مثلوم **** وبعض الطيور يضيعن الهقاوي انا احسب انه ساطي القلب ملحوم **** واثره على الصيدات مثل العماوي الناس في دنياك معطا ومحروم **** وكلن على طيب المعاني شفاوي الطيب لأهل الطيب والرزق مقسوم **** وطير السعد طير تعدا الحراوي هقيت به لا شك انا صرت منجوم **** وتوي دريت اني عن الدرب غاوي من المذله بارد الوجه ماسوم **** وقلبه على درب الرذيله مهاوي وعديت من جور العنا راس مزموم **** في راس مرقاب طويل المطاوي رجم طويل نايف كل مرجوم **** دربه عسير به عكاش وملاوي وهيضت من وسط الحشا كل مكتوم **** زفرات من يقوى لهن كل قاوي هاذي سوات اللي بالايام مكظوم **** وقلبه على صعب المراجل شقاوي وانا الوحيد وقومي اكثر من الروم **** وفي لمة العربان كني خلاوي حتى صديقي صار من حسبة القوم **** وضاعت عزوم مكثرين العزاوي الطيب من دونه نبا كل مزموم **** ايضا ترى دونه رفاع ومهاوي وانا اللي جاني من الناس مزحوم **** احل عنه الكايدت الدعاوي ارخص له النفس العزيزه بلا سوم **** وانا على فعل الجمايل رهاوي ازيح عنه الظلم وان صار مظلوم **** والقلب من بلواه يرحم وياوي يا شن بقلبي بين الاضلاع مضموم **** يعلم به اللي عن عباده غناوي من عاش في دنياه بالفعل مذموم **** عن الردا بالحيل مشيه نحاوي وعساك ياللي تنقل الكبر والزوم **** من المرض تصلا بحر المكاوي عيني يابو ماجد حريب لها النوم **** كنه يعالجها الطبيب المداوي شوف البغيض بنونها عمس وهزوم **** والقلب ناشه بالمعاليق لاوي انا رفيقي دايمن كل شغموم **** ولاني رفيق الكندره والضراوي من خلقت الدنيا الى يومنا اليوم **** صبح يفوت وليل يقفاه ضاوي والناس تفنا بين مذنب ومرحوم **** وهنيت من له عند ربه عراوي الله لا يسقيك يالواد ابو دوم **** وعساك صحصاح بك الذيب عاوي خمسين عام ما يقولون ماسوم **** يصحا سماك وكل ما نبت خاوي يجيك ما جا قوم صالح من الشوم **** والبوم باركانك يجر الحداوي يالله يا معبود يا فارض الصوم **** تقبل دعات اللي لجودك رجاوي موحد يطلبك في ثاني التوم **** يرجي العفو ورضاك وامرك سماوي من خلقت الدنيا الى يومنا اليوم **** صبح يفوت وليل يقفاه ضاوي والناس تفنا بين مذنب ومرحوم **** وهنيت من له عند ربه عراوي |
رد: ديوان الامير الشاعر محمد الاحمد السديري رحمه الله سلطان شفت الموت مره ومره سلطان شفت الموت مرة ومرة والثالثة شفته كشر لى بنابه ما بيه لكنه بلاني بشره زود على خيله يجمع ركابه لو ظهر لي في صحاصيح بره والله أنا يابوك لعطب صوابه |
رد: ديوان الامير الشاعر محمد الاحمد السديري رحمه الله سلمت يداك تقديرے وإحترامے ذكرے الغالے |
رد: ديوان الامير الشاعر محمد الاحمد السديري رحمه الله جـــهودك محل الثـــــناء والإجلال والتقدير ولك في نوافذ العطاءالمتميز وجود وتأثير وأتمنى من الجميع المساهمة من خلال إضافة القصائد غير المطروحة هنا ليكتمل الديوان |
رد: ديوان الامير الشاعر محمد الاحمد السديري رحمه الله |
رد: ديوان الامير الشاعر محمد الاحمد السديري رحمه الله جهود تستحق الثناء يعطيك العافية ودمت متألقا على الدوام هذا وتقبل مني أغلى تحية ... فيلسوف الكويت |
رد: ديوان الامير الشاعر محمد الاحمد السديري رحمه الله ديوان جميل تقبل مروري |
رد: ديوان الامير الشاعر محمد الاحمد السديري رحمه الله رحم الله الأمير محمد السديري |
| الساعة الآن 07:42 AM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011