|
ديوان الشاعر سعد بن جدلان الاكلبي الا ياالله ياللي تحت هيبة سلطنتك اسلمت الا ياالله ياللي تحت هيبة سلطنتك اسلمت لك المسلم يسبح لك بحمدك ولك الاسلامي احمدك واشكرك واثني عليك بما علي انعمت تزودني وفا قدر العشير ووصل الارحامي ولجك الفجر ياليل الذهول اللي علي اضلمت بعرضك واقع الماضي بعيني عرض الافلامي ولهتك يالنديم اللي على صافي وفاك اضرمت بصفحة ذكريات العام واللي من ورا العامي بعد تقرير مشوار التجارب نجحك واجزمت بان السيف سيفي والعصا والمحزم احزامي عطتني عزلة اخلاصي معك نسيان من نادمت كتبتك وانطوت صحفي عليك و جفت اقلامي اباهي لا ابالي واتبيسط كل ماقدمت اشب النار قدام العرب واشيد اخيامي نهاري حر شمسه يستحي منها لسان الشمت وليلي ترقب نجومه ملامة كل من لامي على ضو الكلام اللي كشف عنا ستار الصمت عرفت اني تحت برق الامل في روض الاحلامي احسب انك تيمم با اتجاهي وين ما يممت واثر ما انت بورايه في الطريق ولانت قدامي مصيبه لاتدنت قيمتك في عين من قيمت يشوفك بالسهل وانته تشوفه بالسما السامي كثر ماحن قلبي للونيس وكثر ما درهمت فجر صدري حنيني واتعب الاقدام درهامي عيون الصد وعيون التجافي حول مهما اكرمت تشوف المجتهد كسلان والبناي هدامي مدام ان جانبك شام لجنابي وانت عني شمت كثر خيرك وانا مانيب لاجايع ولاضامي اشوف انه علي واجب ليا مريتكم سلمت مرور اكرام تربطه الكرامه عند الاكرامي على شان الخفوق اللي على عرشه قعدت وقمت حجب عنك الدجى لين اشرقت لك بيض الايامي ختام السالفه ياطيب العشره كرمت ودمت هذا حقك علي وحق شرهاتي على اوهامي مصير الوقت يشرح لك دروسه وان غفلت ونمت يصحيك الزمان اللي يصحي كل من نامي تذكرني لامنها خابت اوهامك فمن وهمت وشفت الفرق في حب الخشوم وحب الاقدامي |
رد: ديوان الشاعر سعد بن جدلان الاكلبي من اجزل ماقال شاعرنا وهي في سمو سيدي الامير سلطان بن عبد العزيز حفظه الله ونصره علي اعدا الدين يالله ياللي بيدك الرزق وادراجه افتح لنا أبواب رزقك لا تخيبنا فاحت علينانسيم المسك زعّاجه والمسك جتنا ذعاذيعه وطيّبنا برق الحيا يجذب المسني تليعاجه وإلي جذب غيرنا للبرق جاذبنا جينا يا سلطان ابوخالد لناحاجه ولولا الرجا فيك مازاعت ركايبنا جينا إل ليثٍ يلوح الطيب بحجاجه نشكي على الله و نشكيله متاعبنا نلح بقعا بليا كور و حداجه حتى طويل المدى فضّا مزاهبنا نستربيوت الندا عن كل هرّاجه كنوزنا الصبر والشيمه رواتبنا حتى لحقنا ضعافة وقت حواجه ضعا فتٍ عند مثلك ما تعذربنا وجينالبيتٍ رفيع الساس وادراجه ما هو مباني زجاجٍ توها تبنا كلٍ يروح ويجي و يعد ما واجه واليوم حنّا عيالك وانت شايبنا وإسلم عدد مايهيج البحربامواجه وإقبل تحية ضيوفك يامعزبنا |
رد: ديوان الشاعر سعد بن جدلان الاكلبي القصيده الثالثه في سمو سيدي الامير سلمان بن عبدالعزيز حفظه الله بسم رحمن ٍ رحيم نعبده و نستعينه بالنوايا نيته تبطل حقايق كل نيّة بالربوبية و بالشان العظيم موحدينه الرقيب المطلع فالبينات و في الخفيّة لا مفرٍ من قضاه و لا هروبٍ من يقينه و لا حماية للحصون إلا حمايته القويّه يا بنات الفكر هاتي لي نوادرك الثمينة في نبا سلمان بن عبدالعزيز أمشي جريّه في سنام طويق يزرع لك من الياقوت عينه في زاد و فيه شرب و فيه كن و فيه فيّه جودته تغني الفقارى و ارجحٍ خطلاً يمينه لطمته تعمي عداه و نفح جوده مسفطيّه طول الله في بقاه و مدد الله في سنينه الخصال الطيبه في شيخ أهل نجد العذّيه شايل الحمل الثقيل و معتق النفس الرهينه بالدليل و طايع ربه و متبع نبيه يا ولد قايد مسيرتنا وربان السفينه الزعيم الفيصلي مرسي الحدود الفيصليه صبح المديون قبل الفجر ثم ارتد دينه قمته ست الركايب و ار بعين بوارديه لا يغدر و لا يخون و لا يحقر محاربينه يرفع البيرق على وضح النقا و الشمس حيّه بعد ما سيطر على الخزان و استولى الخزينه صوتوا بالحكم بين مقيبره و الناصريه كانت اقلوب أهلها شتى و كلٍ له ضغينه في جهل و أعمالهم سلب و نهب و عنصريه جاته الأسياد تعطيه الولا و مبايعنيه بعد شافوا ضرب أبو تركي و مركاض العبيّه كان في الشبه أربعين و كان به عشره بطينه فأشهد إن عبدالعزيز الفيصلي ما فيه زيّه سيدي قدام أجيك القلب ما يظهر كنينه أتلزا بالعزوم اليوم و الصبح و قفيّه و عندكم يا بو فهد تبدا الظواهر و البطينه انتوا اللي بعد رب البيت منصى للشكيّه سيدي ترك الحقوق اللازمه ما هيب زينه خص عند اللي يقول حقٍ علي و حق ليّه إن بغيت أصد لا الصده عن الماجوب شينه و إن بغيت أجود شحّن المصاري من يديّه في و جهك و وجه أبوك أو جاه مكه و المدينه و جاه من صام رمضان و جاه من حج الضحيّه من قيادٍ عند أخس الناس ورّانا الغبينه و الدهر يا كثر قشرانه و ياقل أجوديّه يا صلاة الله على من دين أهل الاسلام دينه و السلام و رحمة الله و بركاته و التحيّه |
رد: ديوان الشاعر سعد بن جدلان الاكلبي القصيده الرابعه في صاحب السمو الملكي الامير خالد الفيصل سلام عدة وبل مزن ٍ مراديف نو ٍ من المنشأ تزبر جويره يا سيفنا الدايم و يا دايم السيف ابن الملوك أحفاد صقر الجزيره أهل الجموع مفرقات المواليف و اهل المقصب و السيوف الشقيره حبيت أقدم عندكم باقة الصيف ي ملتقى السواح من كل ديره شمت هوا تونس و باريس و جنيف ي طلة أبها و الجنوب و عسيره خواطري مثل السبور المشاريف المغريات السرد المستذيره اللي تهاوي طيبين المواقيف و تهيم في مدح الاسامي الشهيره تقلط على فيصل ترز الغطاريف شعر يهيج داخله عبر أثيره فيصل ولد خالد مغيث الملاهيف فراج كرب المعضلات الكبيره المملكه ما رد جيزان لي طريف عاشت بخير الله بدي ثم خيره وفيصل سمي اللي فتح خط برليف يوم انعمت عند الرجال البصيره و فيصل تعشقه طيبات السواليف وتخرم لريحة مستكاه و عبيره عز الله انها تنلقى بهجة الضيف على كواكب حاجبيك المنيره يا الهيلع اللي ما تحسب التكاليف وهايبك تغني اليدين الفقيره كبر الوهايم للرجال الجوازيف اللي يشوفون الكبيره صغيره ولا ترى اللي دايم شبره ضعيف ما يبغي الا العافيه و الستيره يا سيفنا الدايم و يا دايم السيف المعذره كان القصيده قصيره |
رد: ديوان الشاعر سعد بن جدلان الاكلبي القصيده الخامسه في سموه ايضأ أبدا باسم من خضوعي له وتوحيدي والسبحنه والتشهد والتحياتي كرسي جلاله على عرشه مدا الميدي في وسع سبع الاراضي والسمواتي عسى عراه الوثق طوق على جيدي ولا يفرّح حساسيدي وشمّاتي إللي كتب في عبيده شقي واسعيدي ورفع بعضهم على بعضٍ درجاتي ويد ل منطق لساني في الأ ناشيدي ويزيدني مع هل العرف إعتباراتي إن ناشني من رجال العرف تأييدي حبّيت نشرالجرايد والمجلاتي وإذاجذ بني كلامي للمناقيدي قبل مآسي كلامي ياجب إسكاتي شرّد إبكار النشيد أجفل من الصيدي ومن القنانيص قدها مستذيراتي يقنص لهابالمحازم والبواريدي تنصاد مرّه وتسلم عشر مراتي الشعرصدقه على الأفعال تأكيدي وتقبل إشهوده دون صكوك واثباتي مجده يخلد إبيوتٍ للأجاويدي تبقى إضويه بعد الاسلاف حياتي وأكد بطبع العروبه والتقاليدي من لا نفع حيٍ مايفقد إليا ماتي ماهوب شعر المظاهر والمقاصيدي ياصاحبي رش خبزك من لبن شاتي الحر ياقع مع الحقب المجاليدي و يقول طيري وراي وسويّ سواتي قريحتي ميلت شعري وتمجيدي لمعانق الشرد في روس المنيفاتي حذرات الاشعارفي روضه مقاييدي إلشرد اللي مطاردهن عسيراتي إلقلّط ، إلمترفات،إلعنس ،الغيدي إللي عدمهن على إلشعارحسراتي شيخٍ قصيده قداوه للقواصيدي وشخصه قداوه واساليبه قداواتي إمخلدٍ في سنام المجد تخليدي أرسى من إطويق وجبال السراواتي ياحق الإنصاف لطّام الأضاديدي يالهيلع إللي تطيع له الصعيباتي ياسيدي خالد الفيصل ولد سيدي ياسيدي سيد قومي و سيد ساداتي كل الشكاوي على مجدك مسانيدي إلليا حداه من الايام صكّاتي يامحقق أهداف شرهين المقاصيدي في جانبك تكبرإشروهي وهقواتي عزمي يحط الثريا والقمر في يدي واسعى وعجزت جهودي عن طموحاتي أرهي على جمع زرع ٍ حصده بعيدي ولا أتحسف على الفايت إليافاتي عسى السعاده تجدد معك تجديدي وعطال سيري إمهندسه أنت بالذاتي ياسيدي خالد الفيصل ولد سيدي أهديك ياخالد الفيصل تحياتي |
رد: ديوان الشاعر سعد بن جدلان الاكلبي القصيده السادسه في صاحب السمو الملكي الامير فيصل بن خالد بن عبد العزيز شدوا يا النشاما فوق حمر ٍ حرار حيل منوة كل مشتاق على الهجن مترحّل نبّاي الفقار أجسامهن من اللحم نحيل أباهر غواربهن عن أكوارهن سحّل فج عضود كن زغونهن للسباع دحيل عنها نسع الأزوار ورقابهن نحّل سواد المدامع في بياض الخدود ذحيل تقول إنها تضرب مكاييج و تكحّل تنصا فيصل الخالد ربيع لكل محيل لا قلّت مزاهبنا أو ناب الدهر قحّل جناب الزحل لا منهم طروا الزحّيل شيخ في سنام المجد شايخ و متفحّل في فيصل خواطر خاطري تندفع بالحيل و أنا و الله إني في صنايعه متوحّل |
رد: ديوان الشاعر سعد بن جدلان الاكلبي القصيده السابعه في سمو ه ايضأ الأوله من الأولات عبادة المعبودي الله اللي يولج لياليه في الأيامي فاح ريح الجاوي من العود والكمبودي مع ذعاذيع الصبا لا هبت الأنسامي يا قريحة خاطري مع فوح ريح العودي في نحور الطرس الأبيض سجلي ياقلامي واكتبي سطر سواة اللولو المنضودي وابدعي قاف يغني في اليمن والشامي في نبا فيصل ولد خالد زعيم الجودي يا سلام الله على راعي المقام السامي يسمو الإبداع في السيد من المسيودي وفي سما الأسياد يوضي كوكب قدامي أهل عقال القصب والجوخ والحمودي واهل السيف الشقير مناصر الإسلامي حبنا آل سعود قاد المجد في ابن سعودي وأنت يا هداج تيماء بهجة للضامي جيت أهني جيت أبارك جيت لي مقصودي فيك تكبر شرهتي ويحققن أحلامي جيت أبي منك الفرج يا فزعة المضهودي و ابني آدم يرمي الأسهام والله الرامي والختام اسلم عدد مانسنس النودي من هجوس ما تساق إلا على الحكامي |
رد: ديوان الشاعر سعد بن جدلان الاكلبي القصيده الثامنه البارحه يوم الاوادم خواشيع البارحه يوم الاوادم خواشيع في نومها وناعلى الكوع واعي هم(ن)يمزع سترة القلب تمزيع تقول ينهش ثومة القلب افاعي خذت القلم من بين روس الاصابيع وحبيت اميز سيرتي وانطباعي عزلت من صدقان عطلةالاسابيع وعزلت من ضحك الوجيه الصناعي وعزلت من بنين بامالي مشاريع جميد برد ولانس الشمس ماعي وعزلت من زرع الخلي البلاقيع وعزلت من رفع الثنيه رباعي من نفعة اللي ماطلبني منافيع جميلة(ن)في غير اهلها ضياعي في اسواقها ماعاد لشري ولابيع لخطيت من رفقة طويل الذراعي اللي على الرفقه يسوقه دوافيع هذاك تشرى رفقته ماتباعي امايشجعني على الطيب تشجيع والايعلمني حميد المساعي والا ليامنه رمعني رواميع وضاقت على كل الفجوج الوساعي جيته ويسرلي عسير المواضيع وخلاخفايا خاطري له وساعي معرفته ماهي معرفة طماميع ماتنتج الاالغطرسه والضياعي |
رد: ديوان الشاعر سعد بن جدلان الاكلبي القصيده التاسعه الجهاله في ابن آدم توليه الدبور الجهاله في ابن آدم توليه الدبور لوطريقه غادي يحسب انه متجه عنده ان مامثل شوره مع الاشوارشور مادرى انه له مزاج وللناس امزجه يمكن ان تلقى مزاج يبادلك الشعور لو على فلم الشطاره وفلم الدبلجه واخر المشوار لا حصلت مافي الصدور كل زور فيه شوراليا فاق اهرجه القمر والشمس كنها تسلف منه نور والجبال اتصير تحته خيول مسرجه يحسب ان معه افضليه توليه العبور ان لقاءالملح ازعقه ون لقاءالحلواسمجه السماء عجزت تنوشه جناحين الطيور ماوصله الامحمد ابليلة معرجه يا ابن آدم يلعن الله مختال فخور من تواضع تحت ربه يعليه ادرجه لجل ماتدخل جهنم على شان الغرور للعرب حاول تواضع وتعطيهم وجه من لقا عذب المشارب ومثمرة الزهور ما قعديغرف من البحرويسوق احدجه |
رد: ديوان الشاعر سعد بن جدلان الاكلبي القصيده العاشره أنا وين أبلقى يالاجاويد فاعل خير أنا وين أبلقى يالاجاويد فاعل خير حريصٍ على سرّ المحبين لارسلته أناّ لوّ أبصبر عام مابان بي تأثير وهالحين حتّى الصبر يومين ما أحتلته أنا مثل صقارٍ تولّع بحبّ الطير ولف قلبه فروخ الصورايم وهبلته تولعّت في فرخٍ قضيبٍ يتلّ السير ابيّ نظرتٍ من لفتة الحرّ وسبلته صغيرٍ بسنّه غير عندي ماهو بصغير يامغلاه في قلبي وياكبر منزلته أجمعله سمان الهرج خوفٍ من التقصير والى جيت ابشرح له كلامي تهيزلته يجيني منّه هيبه . معزه . سحى . تقدير اقابله عندي علم وأروح ماقلته |
رد: ديوان الشاعر سعد بن جدلان الاكلبي القصيده الحاديه عشر ياعيون اللي على المرقب تعلاّ ياعيون اللي على المرقب تعلاّ مايرب الا المراقيب الطوالا طرتّك منها غثاء البال يتجلاّ نعسٍ مابينها بيضٍ تلالا تذهل إلّي في جواهرها تحلاّ واهني من ذاق من ريقك زلالا لا وجاه الله ومنّ زكّى وصلا ّمانبيك الاّ على السنّه حلالا مايرّد الجوع شخبٍ في المفلاّ ولا يخضّ السعن من ذوده هجالا أنت غالي ياوليفي لا تغلاّ يثبت الليّ بيننا ايامٍ طوالا واللهّ انّي ميسٍ من وصلك الاّ فزعةٍ من ربنا جلّ وتعالا أدخل الضولات من شان أتسلاّ كود جرح القلب يبرى ويتشالا والمجنّب من الأوادم مايخلاّ لا سلم من شرّ ذولا ..جوه ذولا |
رد: ديوان الشاعر سعد بن جدلان الاكلبي القصيده الثانيه عشر ياوليفي دمعكم في غيابي ردّ لي ياوليفي دمعكم في غيابي ردّ لي وأدري انّ دمعتك خوفٍ عليّ ومن غلاي أنت ممرضني وأشوف المرض فيكم وفيّ الهبوب البارده منّك هبّت في حشاي والله انّ كبدي عليكم عراويها أضميّ والمشارب غير هرجتك ماتقطع ضماي كيف تستغرب بطاي ومجييّ يوم أجي ّمنك اجيك أبدون رأيٍ وأروح ابدون رأي ليلي أسهر به والا جاء النهار أشلى شوّيمرتٍ أشلى ومرٍ يعاودني بلاي وأنت سبّة كلّ شي ولا داويت شيّ كيف ياقادر على داي ماتقدر دواي بعد ما شتتوّ الفكر وأخليتو يديّ كثرت أعلوم الشماميت وأفرحتو عداي مابعد جاني من يوم التقو بي والدي ّولابعد مرّ المحبين منّ حوّاء وجاي لوّ خبر به حيّ يبكي على فقدان حيّ كان يمدي من عرفني يشاركني عزاي جعل يسقى يوم كان الهوى ماغير غي ّفأول الرحله مثل مبتداك ومبتداي |
رد: ديوان الشاعر سعد بن جدلان الاكلبي القصيده الثالثه عشر ويش أسوي ياعيون الوحش عنق الغزال ويش أسوي ياعيون الوحش عنق الغزال لاحصل طاريك يفتح على قلبي أرواق لي ثلاث سنين بين الحقيقه والخيال وأخر اشهر ذالسنّه تكمل الرابع غلاق شبه وضحاّ فالمخاضير زاويها الحيال من غلاها عند أهلها تبارى ماتساق تيهّت من صغرها بين ثنتينٍ هجال مهتويها راعيّ البل وعاشقها عشاق عنديّ إنّك ماخذٍ تاج ربّات الجمال سلموّك الحسن من باب صنعاء للعراق |
رد: ديوان الشاعر سعد بن جدلان الاكلبي القصيده الرابعه عشر ياعيون مرقبٍ فعل الجداير ياعيون مرقبٍ فعل الجداير في صعانين الطوال المستديره صاحبك يعطي على شوفك بشاير ديرةٍ منتو بها ماهي بديره من خذا منكم خفيّات السراير والله انّ يبطي ولعكم في ضميره لبةٍ بين المعنّق والزراير مثل شمس الصبح قدّام السفيره ويتفرشها من الخمري ستاير ذيل شقراّ شعشعت قدم المغيره جوهرة قارون غالية التجاير أشهد انّك بهجة العمر الكبيره واحدٍ حضّك مع حضّه يساير شايفٍ القدر فالعشر الأخيره جعل أبو من لامني حمر المناير في محبّة واحدٍ مالي بغيره |
رد: ديوان الشاعر سعد بن جدلان الاكلبي القصيده السادسه عشر آه من قلبي اللي دايمٍ في ذهول آه من قلبي اللي دايمٍ في ذهول والله انه ثقيلٍ لين جوه الثقال ياقطاة العبيه ياهيام الذلول ياعيون النداوي يارقبة الغزال نور وجهك على من شاف منك القبول نور صبحٍ تبسم في رهاد الجبال كني اقرا على طُرّة جبينك تقول انا قلبي يحبك ياحبيبي تعال كان قدمي حدٍ فالحب راح مهبول والله انه خطيرٍ لايجيني هبال المحبه جملها مرسلٍ ومعقول نعنبو من يقول ان المحبه خبال والذي ليلة الاسراء عرج بالرسول ان حبك لحال وحب غيرك لحال |
رد: ديوان الشاعر سعد بن جدلان الاكلبي القصيده السابعه عشر نفوسنا في خشيم الذيب مجبوره نفوسنا في خشيم الذيب مجبوره والله نحبه محبتنا إلهيه ومحاسنك ياخشيم الذيب مدثوره بين عليك الشقاعقب الرفاهيه أنا احسب أن الشقامايخلف الصوره لين أضمحلت ملامحك الطبيعيه قنبه الذيب لين أنشق حنجوره ثم حول الذيب منه وشرف أوخيه حتى فروعه وشعبانه وشجوره ماعاد تعرف حيوده من قواطيه يوم إن محاجيه فيها تمرح سبوره وشعابته من لباس العز مكسيه في ظل طلح يرسن كل مذعوره وعلى حجاه الثميدي والفرنجيه متبوشن من عواجيه ومنفوره حكامنا قدم حكام السعوديه حراس نجد الحديري عند أخو نوره ونمرالسباياتقلطها العواجيه إخوان هيا ذرامن قاد مظهوره من أم ريشان إلى عرق المنينيه وراعي الجنينه عليها بانين سوره مذبح الترك وشيوخ الهلاليه شيخ تشيع رباط الخيل بقصوره متروشنِ بالمجوخ فوق عليه في حكمه الناس منهيه وماموره حق الجنينه عليه حقوق شرعيه واليوم سالم ولد حامد لعب دوره عز الله ا إنه جمع هذيك مع ذيه على جميع المراجل طالت شبوره هيبه ولينة جناب وقوشخصيه إن كان قصر رفيقه سامح قصوره وان طاب قال الجماعه طيبهم ليه عزالله إنه عليه البيض منشوره يستاهل البيض كل مجرب زيّه و اليوم الأوطان و الرعيان مكبوره أهل الرعايا كفاهم راعي رعيه ولاهي من ربعي الظفران مقصورة سقم الأعادي مزبنة الجلاويه كسابت النعم لا جا للدخن ثوره ورث لجدانهم ما هيب عاريه يفرح بها الشول لا ما لج مضهوره وترعا الهمل في حماهم تقل مرعيه |
رد: ديوان الشاعر سعد بن جدلان الاكلبي القصيده الثامنه عشر علموا اللي كل يوم ٍ يقابلنا بثوب علموا اللي كل يوم ٍ يقابلنا بثوب ما يخدرنا كلامه مع من خدّره إن لقينا اللعب نزحف مع جو ٍ لعوب و ان هبطنا سوق طيب ٍ خذينا ندّره العرب ما هيب تعلم مسدات الغيوب و وارد الما ما يدلّه يكود مصدّره و لا تجيك الحصبه إلا من فراش محصوب وحبة الجدري تجي من ف،راش مجدّره و المحب اذنيه ماهيب تسمع للعيوب و العدو لا درهمت به تجي متحدّره دامت الأخلاق يملك بها الواحد شعوب ياجب انها في جميع الامور مبدّره و ان لقيناها طويله و موخرها سحوب و المرض فيها فحوله تهيّج فدّره ان قدرنا نقفل الباب من دون الهبوب ولاّ جا درب لنا و القني مسدّره الأصايل كل يوم تلافح بالكعوب و الردي لا عيّن اللي يهينه قدّره ولا تعرف حسابك إلا ليا صرت محسوب وشرهة القادر على العالم المتقدره فالمقابل نفتح له دواليب القلوب و المقفي قلعة الوادرين تودّره |
رد: ديوان الشاعر سعد بن جدلان الاكلبي القصيده التاسعه عشر ياتل قلبي تلتين(ن )بنتله ياتل قلبي تلتين(ن )بنتله كنه من الأضلاع ينتل بسلسال من وضعي اللي شايف فيه شتله دنيا تخلي صاحي الفكر يهتال أحد(ن) توريه السعد واضحكت له وتخلي أزنوده قويات وعتال وأحد(ن) ليا منه مشى خطرشتله مر (ن) يطيح ومر للحمل يشتال يبغى يصافيها وهي ما صفتله لاكان وده يفعل الطيب ماحتال وضعه يسوقه والليالي أتختله ويصير بين أثنين ناقض وفتال ياحمود شف للوضع والا التفتله شرواك له فالطيب منهج ومبتال |
رد: ديوان الشاعر سعد بن جدلان الاكلبي القصيده العشرين ألا يالهبوب البارده عجلي هبي ألا يالهبوب البارده عجلي هبي على جاش من قامت هواجيسه أتلوبه أنا مرةٍ أصحى ومره يغيبي وأسرح مع كثر الطواري بغيبوبه ألا يادهر ماهوب حقٍ تلاعبي وخليتني لمقرد الخلق لعبوبه أعبادٍمغفلها الزمان وتعجبي يحسبون قل المال فالرجل عذروبه وأنا قانعٍ باللي علي كاتبه ربي ومؤمن بمقدوره وقانعٍ بمكتوبه ولا أبغى عماألرياء برايه يجربي وهو ماعرف ماجوب ربي وماجوبه هدور المجالس راعي المدح والسبي وهو بالخلاء لو جاه بنتٍ خذت ثوبه يقولون لي جز من تصرفك وتحبي وهي توبتي من مجتمعهم هي التوبه ديار الوباءمن طبها راح متوبي وقرابة الجرباء على الحول مجروبه أناعارفٍ منصاي ألامن بدا نبي وعارف طريقي والذي بالتجه صوبه وأنا أعرف من أعادي وأناأعرف من أحبي وبه ناس لاتعرف ولاهيب محبوبه |
رد: ديوان الشاعر سعد بن جدلان الاكلبي القصيده الواحد وعشرون عيد الله عليك يعود يالمستكا والعود عيد الله عليك يعود يالمستكا والعود هنيك جعل الله بشوفك يهنيني عيدية ضمير حط فية الفراق لهود أجامل على الأنظار والهم طاويني أجدد مع ذكراي عقب الغياب عهود وأناو الله اني داري ما انت ناسيني مواثيق خمس السنين ياناسع المردود ويجيبها جزيل الشك من بينك وبيني ولو كرهوا لحساد واهل القلوب السود معزتك في قلبي وقدرك على عيني محبتك عندي كل ليل ويوم تزود تزيد وتجدد دام انا وانت حييني ولو طولت فرقاك قلبي رعاة الدود فخطر علي ادخل شهار المجانيني |
رد: ديوان الشاعر سعد بن جدلان الاكلبي الفريده الاولي انا يوم اجيّ وأمركم ياوليفي حنج انا يوم اجيّ وأمركم ياوليفي حنج ولا وديّ أقرابك تلدّ النظر فيّه لعبّ بيّ غرامك فالخفا لعبة الشطرنج ليا دار لعبه بين الأعضاء السياسيه وسبح بي غرامك سبح موج البحر فاللنجّ غفلت وغدابي حبّك شويّه ..شوّيه لاشفت زولك قام يدخل أعظامي بنج أسولف مع العالم وقلبي له نحيّه |
رد: ديوان الشاعر سعد بن جدلان الاكلبي الفريده الثانيه ياكبديّ الليّ من الحرمان منهشمه ياكبديّ الليّ من الحرمان منهشمه فيها من العام نجارٍ بشاكوشه والليّ هشمها شفاتٍ دونها حشمه أرهى على الليّ تبي نفسي ولا أنوشه حجزٍ يرّد الرجاوي من ورى خشمه وأنّ رده الحجز والاّ ضاع فالطوشه عمّر بيوتٍ على بيبانها رشمه وبطونها بأفخم الشيراز مفروشه |
رد: ديوان الشاعر سعد بن جدلان الاكلبي الفريده الثالثه يا صاحبي خل قلبي يدله أحلا له يا صاحبي خل قلبي يدله أحلا له يمكن إليا سج من ذكراكم أريح لي أعرف ملامح عيونك و يش تعنا له لا صار مانته بصادق لا تلمح لي الوضع مزري ويؤسف له و يرثى له حاول على وضع يصلح لك و يصلح لي و اليا متآنا وحنّا على ذا الحاله تقودني للخطأ و أخطي و تسمح لي |
رد: ديوان الشاعر سعد بن جدلان الاكلبي الفريده الرابعه سبحان واليك ياليلٍ سرى برقه سبحان واليك ياليلٍ سرى برقه أراقبه والعرب في نومها غرقا ماصدّت من شوفك الاّ الهم والحرقه بعض الملاقا تعوّضني به الفرقا حبٍ مع حبّ غيري ماظهر فرقه غديتّ كنّي شفيع وحبّه الزرقا |
رد: ديوان الشاعر سعد بن جدلان الاكلبي الفريده الخامسه انا الليّ همومي صايراتٍ عليّ كدر انا الليّ همومي صايراتٍ عليّ كدر لوّ انها تحوّل فوق غيري فقد عقله لامنه اشتغل موضوعها داخل الصدر تقلّ فايزٍ وسطه فريقٍ يصفقّ له على الصاحب الليّ مانويناه بالغدر شفوقٍ عليّ وانا ماغير أتشفقّ له بنا بيت حبّه فالحشا واسس الجدر وخلاّ معاليق الضماير تخافق له |
رد: ديوان الشاعر سعد بن جدلان الاكلبي سلمت يداك تقديرے وإحترامے ذكرے الغالے |
رد: ديوان الشاعر سعد بن جدلان الاكلبي مجهود راائع لاهنت امير القوافي تحياتي |
رد: ديوان الشاعر سعد بن جدلان الاكلبي جـــهودك محل الثـــــناء والإجلال والتقدير ولك في نوافذ العطاءالمتميز وجود وتأثير وأتمنى من الجميع المساهمة من خلال إضافة القصائد غير المطروحة هنا ليكتمل الديوان |
رد: ديوان الشاعر سعد بن جدلان الاكلبي كل الشكر لك على الطرح الرائع |
رد: ديوان الشاعر سعد بن جدلان الاكلبي جهود تستحق الثناء يعطيك العافية ودمت متألقا على الدوام هذا وتقبل مني أغلى تحية ... فيلسوف الكويت |
رد: ديوان الشاعر سعد بن جدلان الاكلبي ديوان روعه يعطيك العافيه |
رد: ديوان الشاعر سعد بن جدلان الاكلبي يعطيك العافيه مشعل ما قصرت الله لا يحرمنا من تواصلك |
رد: ديوان الشاعر سعد بن جدلان الاكلبي |
| الساعة الآن 04:20 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011