|
ديوان الشاعر ناصر بن محمد القحطاني شاعر الأندلس الشاعر : ناصر بن محمد القحطاني ناصر بن محمد القحطاني شاعر يجيد التعامل مع المفرده بحرفنه الشاعر القادر على لي الاعناق الى قصائده كما له العديد من المشاركات في الصحف المحليه والخليجيه اذ اصبح محط اهتمام متلقي الشعر الشعبي في ارجاء الجزيره العربيه كما قام العديد من الامسيات الشعريه وكان وكان اهمها على الاطلاق أمسيه قصرالحمراء بأسبانيا وذلك بدعوه من جمعيه الثغره الاسلاميه هناك . وقد حققت هذه الامسيه بالذات نجاح فاق الوصف وكانت محطه هامه في حياته الشعريه . بألاضافه الى امسيه شعريه اخرى اقامها في عاصمه الضباب لندن ولا يقل نجاحها عن نجاح امسيته الأولى ليظل ناصر محمد القحطاني بقصائده شاعر الطراز الأول . تلمس في قصائده جراح امته واثبت موهبته في كتابه الشعر الجميل وله ديوان د مقروء بأسم الذاهبه ودواوين صوتيه (( ورود و بارود - شمس الغرام - همس الغمام )) ومن قصائده ˆ~*¤®(* الفزعة *)®¤*~ˆ كتب الشاعر ناصر القحطاني هذه القصيده عندما التقى بالشيخ احمد ياسين المجاهد الفلسطيني المعروف اثناء زيارته للملكه وشاهد آثار التعذيب على جسده المنهك في المعتقلات الاسرائيليه ليبدأ ناصر القحطاني باطلاق رصاص الكلمات تجاه العدو المحتل .. في قصيده اقل ما يقال عنها رائعه .. وذلك ليس بمستغرب على شاعر سخر قصائده لمحاكاه معاناة امته ورصيد الأمها في شكلا تتابعي لا يشعر به الا نا صر القحطاني او من هو في احساسه الشفيف . يا حلاوه صرختك والحر تكفيه الاشاره ما انت في غزه وحيد الا معك عشرين دوله يانهار كل ماله يسقي الليل المراره ماعليك من الفوازير الفوازير محلوله البطل "ياشيخ ياسين " ان شكى التاريخ عاره قوم الدنيا وطش بها وراه وقال قوله والبطوله تاره تشرق ضحى وتغيب تاره يابطل علمتنا كيف ابجديات البطوله انت لامن قلت "لا" صديت لك خمسين غاره وانت لا قلت "ايه" تشحن لك ميه صوله وجوله كل وسم بجلدك الصوان طير له شراره ياشموخ تنحني لك هامه الدنيا خجوله وان حنت ظهرك كرابيج تعز أسخف حضاره ماتذلك وانت شيخ ممتلي دين ورجوله بس حدثني حديث الماء لعشاق الطهاره عن بلاد صار للجغرافيا فيها الف صوله عن صمود مخيمات تنشد الفزعه زياره عن رجال لا خضعوع ولا نفاق ولا عموله عن جراد سبب الرعب اسمه "اطفال الحجاره" القدر بالحرب عوضهم مراجيع الطفوله عن "عروس" فجرت"عشرينها" لعيون حاره واذكروا سكانها ايام من الخنسا وخوله عن هذيك القبه اخر حلمنا وأول مناره بيلسان عزه الله واحتضن مسوي رسوله عن حماس الرايح اللي كل ماذعذع سماره لان وجه القاع واهتز البحر عرضه وطوله عن زغاريد البنادق هي تضاهر باالغزاره عن عصافير البيادر هي تحلق بالسهوله عن يسر مدري عسر مدري كسر مدري جباره هدنه لعيون عيد مادرينا عن حلوله جيلنا مل الجرايد مالقى فيها بشاره واكثر الاجراس خرسا والزمن هذي فعوله ما وعينا الا على النكسه وموال الخساره نحسب اللي وسط بال اجدادنا نقدر نطوله ياحرام الحر اجل ما عاد تكفيه الاشاره وش ورى خمسين عام بعثرت عشرين دوله |
رد: ديوان الشاعر ناصر بن محمد القحطاني شاعر الأندلس يــابــوي =يا بوي أنا من ضوّك أشعلت ضوي والله مــا تفـنـى ولــو كـنــت فـانــي شربـت علمـك فـي مـراحـل نـمـوي حتـى قـوى عـودي وغـنـى لسـانـي تذكـر ضنـاك الحالـم .. اللـي ينـوي صــار أكـبـر منـيّـة نـوايـا وأمـانـي ياليـت عمـرك طـوّل وعشـت جـوي وتشوف كيف أنجبت لك عمر ثانـي عشـقٍ علـى حبـل الـوريـد متـلـوي لهـوايـة التحلـيـق وحــدي خـذانــي ما ضقت كم باكـر وأنـا أقـول تـوي هـــذا زمـــان الـغـيـر ولا زمــانــي ودي تــحــدّت هـالـنـجـوم بـعــلــوي دام الـثـرى يـحـلـم بـحــزة طـمـانـي مـن لا دخـل بـيـن الـرجـال متـقـوي ما ظمنتي يصهل صهيـل الحصانـي واللي على جـال الضلـوع متطـوي تبـاشـري بمـفـارقـه يـــا المـحـانـي والله لا سوّي .. ثم أسوّي وأسـوّي ولا فــلا بـاسـمـي فـــلان الـفـلانـي ماتـوا عـداي وصـار وقتـي عـدوي لا بــو دقـايـق سـاعـتـه والـثـوانـي أنــا عـلــى ذاك الـمـكـان مـتــروي بــس الـوعـد لا قـلـت هــذا مكـانـي |
رد: ديوان الشاعر ناصر بن محمد القحطاني شاعر الأندلس غـــــادهـ جيت يا كثر السوالف والقصايد الدلال مبهره لعيون غاده جيت اسمرها واحط لها وسايد من شجون قتلها للبرد عاده جيت اغني والغلا كله ودايد عل ذيك النار ما تصبح رماده جيت ابي من وصلها جروح جدايد القديمه ملها الليل وسواده مثل ما ملت عتيقات القلايد وجيت البسها من اشعاري قلاده غيرها ما ابي رخا وقت الشدايد ولا تبي لحدن بعاشقها شهاده ان رظت ما اظن يرظي الناس كايد لو تظايق ظاع مفتاح السعاده كم لقيت اللي لقيت من النقايد من نصيب طولت كبوة جواده كم قظى ليلي وانا اطارد شرايط الدموع لحاف والهاجس وساده لا عند تحنان ولا الصبر فايد قلت اسوق الدرب يكفيني جلاده وجيت اصب الشوق يوم الشوق زايد عل خاطرها خذا منه مراده والا انا لي تالي اللقيا عوايد قهوة من جمرها سكر زياده |
رد: ديوان الشاعر ناصر بن محمد القحطاني شاعر الأندلس فلسفه =فضفضـت لـي عـن سواليـف امهـا اللـي كدرتهـا والحـزن مـثـل الحـسـن لامــر لازم ينـوقـف لــه . جــت تفلـسـف طفـلـةٍ مكياجـهـا مــن فلسفـتـهـا كمـلـت عشـريـن عــام ولاتــزال الـيــوم طـفـلـه . يشـبـع الخـلـخـال والسـلـسـال جـايــع برقبـتـهـا خـيـزران ليـنـهـا بـيــن انـتـبـاه وبـيــن غـفـلـه . ودي ادري لامشـت بشعـور الارض اللـي تحتهـا وانتثنـت قلـت ويـن اللـي يـقـول ان الـتـرف لــه . اه لــولا خصـرهـا قـلـت اسـرفـو فـــي تغديـتـهـا مـا افقـره بيـن النعيـم ولايبـي مـن ينتـصـف لــه . حـاجــةٍ تـطــري عـلـيـهـا جايـبـتـهـا جايـبـتـهـا نسـمـةٍ ماتعـتـرف بـالـبـاب والـحــارس وقـفـلـه . قلت وش ذا اللي خفق بين الضلـوع امـن اولتهـا قبل اقول الضيف جـاك اثـره فتـح كـل الغـرف لـه . يـــوم قـدمـتـه لـهــا لـيـلـة سـرتـبـي سلهمـتـهـا قالـت اتشـرف بقلبـك يافتـى قـلـت الـشـرف لــه . طرت مع سرب الحمام اللي سـرى مـن حنجرتهـا ساعتين وهي تسوق الرمش وابصم واعترف له . تجـدل انفـاسـي والـلـى حـسـت دفـاهـا كسرتـهـا وطلقتـهـا للهبــوب بـكـل طـيـشٍ تـنـجـرف لـــه . لـيـن بـاخـر طيشـهـا قصـيـت اظـافـر شيطنتـهـا لاتشـح بكيدهـا اللـي كيدهـا ابـن ادم ضـعـف لــه . نسنسـت عصريـة الجمـعـه وهــي تـقـرا بختـهـا بيـن جمـع مـن العـذارى كـل شــي منكـشـف لــه . كــل مـاجـن يمشـطـن شرطانـهـا الـلـي تعبـتـهـا سمعوهـا مـن قصايـد خلهـا اخـر مـا اتعـرف لــه . ولـــدت الـحـلـمٍ تــدورلــه وتـنـشــد منـظـرتـهـا لــدت الـبـرواز اســود دمـعـهـا يـامــاذرف لـــه . لــــدت تــوصــي مـكـاتـيـب قــبــل مـازرفـتـهـا ضمنتـهـا الغالـيـه دمـعــه وداع وعـطــر حـفـلـه . قـلـت ارضيـهـا وجـيـت وجــات والدنـيـا ملتـهـا والغـزل دار ولقـى المشتـاق مشتـاق يعـزف لــه . كـــل مـــازودت وردي الـسـوالـيـف اخلـجـتـهـا وكـل مـازاد الحيـا قلـت الحلـو وش ينكـسـف لــه . قـالـت امــي تفتـكـرنـي طـفـلـه وتـظـلـم بخـتـهـا صـح انـا مانـي بطفلـه صــح انــا مـانـي بطفـلـه |
رد: ديوان الشاعر ناصر بن محمد القحطاني شاعر الأندلس يمه اذنبت يمه اذنبت ونزحت مـن العشيـره وان تمنو توبتـي مانيـب تايـب مابي لدنيـا الغناديـر اي سيـره طايح من عام الاول في مصايـب يمه اللي حب لـه طفلـه صغيـره ويش يسوي لاغدا فيهـا طلايـب طفلـةٍ ماكانـت بحبـي جـديـره بس كانت غير عن كـل الحبايـب كنت اسميها العنـود المستذيـره ليت اهلها العام سموهـا عجايـب كنت اجيها مثل الامطـار الغزيـره كنت اضيع بجوها مثـل الهبايـب وادعي الله هي متى تصبح كبيـره تفهم اشلون المكان يصير ذايـب ان تغنت تصبح الطرقـه قصيـره وان تغلت تصبح جروحي عطايب صنتها مثل البحر لابعـد جزيـره ماتركت علومها لاهـل الركايـب ديرة ماهـي بهـا ماهيـب ديـره لو ثراها عشب واعلاها سحايـب يمه اتحبيـن طايلـة الضفيـره؟؟ اااه والله ياعليها اشقـر ذوايـب قالت ان جا الراس شايب فيه خيره قلت يابنت الحلال الـراس شايـب قالت الا الحب وشهو وش مصيره قلت انا استاهل وانا كل السبايـب ماجزا اللي حب له طفله صغيـره غير قبر و ضحكها فوقه نصايـب |
رد: ديوان الشاعر ناصر بن محمد القحطاني شاعر الأندلس الذااهبه المعذرهـ من الجميــع تم تعديل القصيدهــ الله اللي راد و العقده قضاها اللي عقدها لا على الدنيا السلام و لا لباقي العمر زينه الفضا ما كنّه إلا خيمةٍ طاحت عمدها و الفرح ما كنّه إلا شيخٍ انقصت يدينه و العمر قطعة زجاج انكسرت و لا طال أمدها و العرب في العيد بدموع اليتامى مستهينه و الشوارع لفّها ثوب الظلام اللي هجدها و البيوت أطلال من عقب المحبه والسكينه و الشتا و الليل و البرد و سما يصرخ رعدها والعيون اللي ورا الشبّاك مذعوره حزينه طوّلوا في الكهف الأصحاب و بقت روحي وحدها كنّها في كوكبٍ ثاني خلا من ساكنينه الوداع اللي بعلم .. لعيني أعبر من رمدها و الوداع اللي بلا علم .. لقفص صدري غبينه و الوداع اللي بلا رجعه .. عليّ أمّر و أدهى و الله إنّه غرغرة سمّ و سكاكينٍ سنينه و العنود اللي جفيت الناس و الدنيا بعدها مدّت الفرقا لغاليها و هي تعطي الثمينه وينها .. كيف تركتني .. ليه ماجت في وعدها و القمر لا طل خابرها تجي بيني وبينه رحت أنادي و أتلمّس في مهب الريح يدها كنّي حصانٍ بلا صاحب طوى البيدا حنينه رحت أصيح الصبح وينه و العرب ما رد أحدها ما سمعت إلا صدى صوتي يقول الصبح وينه كنّهم من يوم ذيك الشمس غابت عن بلدها طلعوني في النفود و صكوا أبواب المدينه كنّهم من يوم ذيك الذاهبه محدٍ وجدها كل رجالٍ من الشرهه قلع في الدرب عينه أثرها ماتت و ماتت كل فرحه في مهدها و الربيع أقفت به اللي كانت التاج لجبينه جاورت عقب الحدايق حفرةٍ ما أقسى لحدها حفرةٍ ماني مصدق كيف ضمّت ياسمينه للحزن فيني مثل ما للطهاره في جسدها ويش أسوي لا فتشت اللي لها وسط الخزينه زخرفت حلم و بنت له مسكن و سمّت ولدها آآه لو غرّد ولدها في خميلة والدينه عاهدتني و ظفرت بيمينٍ أقوى من عهدها و الصبي لا خير فيه إن كان ما نفّذ يمينه ما تتقى عن رثاها عرقٍ اكتظّ بشهدها و لا تبقّى خلف قضبان الجفن عذرا سجينه كيف عند العالم أيام العزاء محصى عددها و إلا أنا طالت شهوره و الله أعلم كم سنينه لا الثرى فيها نبات و لا المشي خفف نكدها لا السما فيها طيور و لا البحر يمّه سفينه لا القمر هذا مساه و لا العصي هذا رغدها لا الزهر هذا شذاه و لا الذهب هذا رنينه قالوا الشيخ الفلاني مرجع القوم و سندها قال يبشر بالعوض و العلم جينا ناقلينه ساق لك بدر البدور اللي نشدها من نشدها جادلٍ هزّت عروش و خيبت روسٍ ذهينه قسمها في رسمها في جسمها إلا في رشدها و إسمها إن جا للغضب قومه على الألسن رطينه إترك الناي و عطيّة شيخنا غنّ لسعدها و انبسط يا عم و إنسى اللي ورى التربه دفينه قلت و لصدري تناهيدٍ تروّع من شهدها آآه وا ويلاه من يجلب على قلبي ضنينه خلّوا أغلى ذاهبه ترعى ربيع اللي فقدها و العطا راعيه محدنٍ صوبه الله لا يهينه لو ضمنت الجنّه و تفاحة القلب و شهدها قلت من بكره عسا مجنونها تاقف سنينه = |
رد: ديوان الشاعر ناصر بن محمد القحطاني شاعر الأندلس (طـفــلــه) ..!! فضفضـت لـي عـن سواليـف امهـا اللـي كدرتهـا والحـزن مـثـل الحـسـن لامــر لازم ينـوقـف لــه . جــت تفلـسـف طفـلـةٍ مكياجـهـا مــن فلسفـتـهـا كمـلـت عشـريـن عــام ولاتــزال الـيــوم طـفـلـه . يشـبـع الخـلـخـال والسـلـسـال جـايــع برقبـتـهـا خـيـزران ليـنـهـا بـيــن انـتـبـاه وبـيــن غـفـلـه . ودي ادري لامشـت بشعـور الارض اللـي تحتهـا وانتثنـت قلـت ويـن اللـي يـقـول ان الـتـرف لــه . اه لــولا خصـرهـا قـلـت اسـرفـو فـــي تغديـتـهـا مـا افقـره بيـن النعيـم ولايبـي مـن ينتـصـف لــه . حـاجــةٍ تـطــري عـلـيـهـا جايـبـتـهـا جايـبـتـهـا نسـمـةٍ ماتعـتـرف بـالـبـاب والـحــارس وقـفـلـه . قلت وش ذا اللي خفق بين الضلـوع امـن اولتهـا قبل اقول الضيف جـاك اثـره فتـح كـل الغـرف لـه . يـــوم قـدمـتـه لـهــا لـيـلـة سـرتـبـي سلهمـتـهـا قالـت اتشـرف بقلبـك يافتـى قـلـت الـشـرف لــه . طرت مع سرب الحمام اللي سـرى مـن حنجرتهـا ساعتين وهي تسوق الرمش وابصم واعترف له . تجـدل انفـاسـي والـلـى حـسـت دفـاهـا كسرتـهـا وطلقتـهـا للهبــوب بـكـل طـيـشٍ تـنـجـرف لـــه . لـيـن بـاخـر طيشـهـا قصـيـت اظـافـر شيطنتـهـا لاتشـح بكيدهـا اللـي كيدهـا ابـن ادم ضـعـف لــه . نسنسـت عصريـة الجمـعـه وهــي تـقـرا بختـهـا بيـن جمـع مـن العـذارى كـل شــي منكـشـف لــه . كــل مـاجـن يمشـطـن شرطانـهـا الـلـي تعبـتـهـا سمعوهـا مـن قصايـد خلهـا اخـر مـا اتعـرف لــه . ولـــدت الـحـلـمٍ تــدورلــه وتـنـشــد منـظـرتـهـا لــدت الـبـرواز اســود دمـعـهـا يـامــاذرف لـــه . لــــدت تــوصــي مـكـاتـيـب قــبــل مـازرفـتـهـا ضمنتـهـا الغالـيـه دمـعــه وداع وعـطــر حـفـلـه . قـلـت ارضيـهـا وجـيـت وجــات والدنـيـا ملتـهـا والغـزل دار ولقـى المشتـاق مشتـاق يعـزف لــه . كـــل مـــازودت وردي الـسـوالـيـف اخلـجـتـهـا وكـل مـازاد الحيـا قلـت الحلـو وش ينكـسـف لــه . قـالـت امــي تفتـكـرنـي طـفـلـه وتـظـلـم بخـتـهـا صـح انـا مانـي بطفلـه صــح انــا مـانـي بطفـلـه |
رد: ديوان الشاعر ناصر بن محمد القحطاني شاعر الأندلس (سـقــا الله) ..!! حبـيـبـي طـــال مـــوّالٍ يـجـيـب الـهــم والتنـكـيـد عـسـى الله مـــا يخلّـيـلـي خـلـيـلٍ كـــان خلّـيـتـك . يبـو عـذرٍ يشابـه ضحكتـة الأطـفـال يــوم العـيـد أنا ابكيتك؟؟ حشـا واللـي فتنّـي فيـك مـا ابكيتـك . حـرام بعيـنـك الدمـعـه حــرام بـصـدرك التنهـيـد حــرام الـبـرد يمـضـغ راحتيـنـك مـــا ترضّـيـتـك . تعـال وكــل جــرحٍ فـدوتـك يـبـرد مــن التضمـيـد أشـوفـك مــن زمــان وقــدّر المـولـى وحبّـيـتـك . مـن اول مـرةٍ شفتـك .. تمنّيتـك وصـرت السّيـد وتمنّـيـت انّــي اصــلا يــوم شفـتـك مــا تمنّيـتـك . تخـيّـل كـيـف سكّنـتـك وخـلّـيـت الـقـريـب ابـعـيـد وروّح كــل عـاشـق يحـلـم افـبـيـتٍ مـثــل بـيـتـك . فـداه مـن البيـوت اللـي يـمـل ويعـشـق التجـديـد ياعمـري شـف وهـو قلبـي متانـي فيـه وصّيتـك . أسج وتنقلب ضوضا الشـوارع فـي عيونـي بيـد واجيـك ويرتعـش فـي خافقـي عصفـور لاجيـتـك . دخيـل الطلّـه اللـي كـل ماجـت فــوق ذاك الجـيـد دريــت انّــك طمـوحـي يــا طـمـوحٍ مــا تعـدّيـتـك . حشـا مـا مرّنـي يـومٍ صـبـوح الا انــت بالتحـديـد تـراك الصبـح فـي عينـي مـن اول مــا تهجّيـتـك . نسيت ان الرّسايـل كانـت مـن ايـدي تسافـر ليـد تعـطّـر لــك مـسـاك وعطـرهـا يحيـيـك ويميـتـك . نسـيـت انّــك ظـفـرت بـزفـرةٍ تستـاهـل التمجـيـد ولا تـلـحـق جـزاهــا لــــو تجـمّـعـلـي تنـاهـيـتـك . نسيت انّي وضعت الشمس في كفّك وعفت الغيد وحطّـيـت القـمـر فــي كـفّـك الـثـانـي وخـاويـتـك . انــا لــي ذنـبـك وللـذنـب عــذر ولـلـعـذر تمـهـيـد ولـك خيـل الرّضـا تصهـل بصوتـي يــوم ناديـتـك . تمـتّـع بالـغـلا يالـلـي يسمّـونـك عـنــود الـصّـيـد والا يـــا كـثــر ماغـرّتـنـي حـروفــي وسـمّـيـتـك . حبيبـي لا سقـا الله عرفـي اوّل قبـل اجيـب العيـد سقـا الله يـوم طشـت .. الا سقـا الله يـوم حبّيتـك |
رد: ديوان الشاعر ناصر بن محمد القحطاني شاعر الأندلس العروس - ناصر القحطاني خوية درب عمري ما خذاني دونها النسيان وأنا يهل الملامة ما رغبت العيش وحداني ابيلي مهرتاةٍ ما عسفة صغيرة وبنت أحصان أبوها إللي يفك المشكلة وزبن الجاني وأخوها لاتعزوى بسمها فزو لها العربان يحقلها الفخر في قولة آل فلان جداني أبيها في بحر عشرين لازود ولا نقصان أبي هقصاً طويلة والوصوفا أشكال والواني أبي الجبها كما الصبح وكما القوس السود الحجان وابيها ناعسات ونرجسيه سود الأعياني أبي رمشاً كما ريشاً يغطي الثلج في الاوجان وأبي جفنن يشيل الرمش طرباناً وكسلاني أبي خداًكما ورد تنما في طرف بستان وأبي خشم صغير مثل حد السف شاماني أبي البسمه كما البق وثناياها كما المرجان وشفاها جمرتين وفمها خاتم سلماني أبي شعر مثل ذيل الفرس لا طبت الميدان أو الشلال لا من بات ليله بين الأمتاني أبي جيدن سواة تبريك فضه لأتقن مليان وصدرن كنه مرايه عليه طلع رماني أبي ظهراً كما الجدول وقداً مثل غصن ألبان وخصراً مثل مجدول العنان وجسم روياني أبيها نابية ردباً وبطناً ظامرن جوعان أبيها مدمجت ساقن وقدمها السان ثعباني أبيها بنت عز من رغدها ينعم الفستان أبي الرقة وأبي الدقة لها بطرافها شاني أبي المشيى كملي طالع من المعركة كسبان وابيها ترش مع خطواتها مسك ور يحاني أبي صوت إلى مني سمعتة كن فيها الحان يدغدغ مسمعي ويثير كل السحر في اشجاني أبيها حب وخلاص و هواجيس وفرح واحزان أبيها مثل مادكتورهل العشق وصاني أبيها لوحة ما صورتها ريشة الفنان أبيها جوهره ما جابها قاصي ولاداني أبيها تنتصر لي من زمان حطني ليشان وتبشر بالغلا إلي مالفابه واحدأ ثاني مهرها قلباً و شعر يهز القلب و الاوجان والبسه القصيد وتصبح اوزاني وقيفاني أبي إلي فات والي فات صعب ومن لقا العنوان يرد العلم والأأفضل ابقى أعيش وحداني |
رد: ديوان الشاعر ناصر بن محمد القحطاني شاعر الأندلس بنات الريح - ناصر القحطاني تعلمنا الفروسية وشاقتنا بنات الريح إلى جت ماتقول إلا خلقها الله مختاله لها عشق قديم بعيون العرب ويطيح ولها عز نهار السبق كل وده يناله رماح تعبر المضمار بين الصوت والتلويح حشا ماكنها كل رمح يسابق ظلاله الى بان المذهب من يبين بحزة الترجيح وايادي من من اهل الخيل بعد شوي تشتاله ماهيب أية فرس من كثروا في فوزها الترشيح وحصان من نشد عنه لقاه من اطيب سلاله الى مرت نواصيها المنصة والجموع تصيح خطير يطوح الرجال بشماغه وبعقاله وش انعم بالبلد عقب الهجاد وكثرة التصبيح سوى حر وراه الصافنات تنومس رجاله على صهواتها كمل معزي دعوة التصيحيح مع قطعة حرار من هل التوحيد خياله وانا احب الفروسية وتغريني بنات الريح واشوف الخيل جات وفي ظهور الخيل خياله |
رد: ديوان الشاعر ناصر بن محمد القحطاني شاعر الأندلس عنود الصيد - ناصر القحطاني حبيبي طال موال يجيب الهم والتنكيد عسى الله ما يخلي لي خليل إن كان خليتك يا بو عذر يشابه ضحكة الأطفال يوم العيد أنا أبكيتك حشا واللي فتني فيك ما ابكيتك حرام بعينك الدمعة حرام بصدرك التنهيد حرام البرد يمضغ راحتينك ما ترضيتك تعال وكل جرح فدوتك يا اقرب من التضميد اشوفك من زمان وقدر المولى وحبيتك من اول مرة شفتك تمنيتك وكنت السيد وتمنيت أني أصلا يوم شفتك ما تمنيتك تخيل كيف سكنتك وخليت القريب بعيد وروح كل عاشق يحلم ببيت مثل بيتك فداه من البيوت اللي يمل ويعشق التجديد يا عمري شف وهو قلبي متاني فيه وصيتك أسج وتنقلب ضوضا الشوارع في عيوني بيد واجيك ويرتعش في خافقي عصفور لا جيتك دخيل الطلة اللي كل ما جت فوق ذاك الجيد دريت أنك طموحي يا طموح ما تعديتك حشا ما مرني يوم صبوح إلا أنت بالتحديد تراك الصبح في عيني من أول ما تهجيتك نسيت أن الرسايل من يدي كانت تسفر ليد تكحل لك مساك وعطرها يحييك ويميتك نسيت أنك ظفرت بزفرة تستاهل التمجيد ولا تلحق جزاها لو تجمع لي تناهيتك نسيت اني وضعت الشمس في كفك وعفت الغيد وحطيت القمر في كفك الثاني وخاويتك أنا لي ذنبك وللذنب عذر وللعذر تمهيد ولك خيل الرضا تصهل بصوتي يوم ناديتك تمتع بالغلا ياللي يسمونك عنود الصيد والا يا كثر ما غرتني حروفي وسميتك حبيبي لا سقا الله عرفي اول قبل أجيب العيد سقا الله يوم طشت الا سقا الله يوم حبيتك |
رد: ديوان الشاعر ناصر بن محمد القحطاني شاعر الأندلس الصوره الي جا عليها في الوداع علوم - ناصر القحطاني ( الصورة ) تراها الصورة اللي جا عليها في الوداع علوم فديتك ما سواها حرك الخفاق و اوجاعه عسى يا احلى هدايا الكون ما انتب من حلال القوم عسى يمي يجيبك من تركتك عنده وداعه معاك اضيع يا عمري .. و ابي لو ساعة من اليوم تضيعها معي .. و انسى وش اليوم وكم الساعه عشيرك من يد الترك ليد الفرس ليدين الروم هذا هو يعربي لانسى حلمك و لا باعه تعال الكل ينشد عنك و طيور الخيال تحوم و انا مما بين طيف وصوره ودفتر وسماعه من اول ما اصبح استفرد بنكهة سرك المكتوم و اهيم بكل شارع و اندهك و اخرج على الطاعه اطارد شمسك اللي لآخر الدنيا بدون غيوم و الى مني ذكرت عيونك و مغناي و شراعه اجي جنب البحر واحكي له اول ما عرفت العوم وفوق الشاطي ارسم وجهك اللي سافر شعاعه و الى جا الموج يمي ضمت ايدي وجهك المرسوم وطاحت نجمتين مرت الخدين مرتاعه و اعود للحدايق ما بقى من زادي الا اللوم افتش عن عبير كم و كم نسمه من ابتاعه اداعب وردها و الفل و الريحان و اليشموم ولا هو ملمس الورد الطبيعي يا اجمل أنواعه و انشد عنك اناشيد و عصافير وشجر و كروم وكرسي باهتٍ لونه وسبع خيوط لماعه و اشوفك في فساتين وذهب معلقٍ منظوم و اخبر بك سرايا كل سوق وغالي بضاعه واشيل اوراقك ام حروف وقلوب تشيل سهوم واغني ما طرى و اطبع عليها الطاري طباعه و اعود للوساده في مسا ما له قمر و نجوم اصحي صورتك من نومها و تفز فزاعه انام بحضنها لين الصباح يقول ( صح النوم ) وافيق بوجهٍ اجمل من ( صباح الخير ) مطلاعه |
رد: ديوان الشاعر ناصر بن محمد القحطاني شاعر الأندلس قصيدة في الشيخ بن باز - ناصر القحطاني ( إبن باز ) الموادع به من الحنظل ولون الشامه وارتحالات الزفير وذاريات الكنه والليالي كسب وآخرة المكاسب خامه والبن ادم بين ضحك وبين دمع وونه كيف نبكي لا فقدنا شيخنا العلامه كيف نزعل والصواب اللي فجعنا سنه الكفيف المبصر الشامخ قصير القامه بشروا به سندس الفردوس وأهل الجنه عالم يا كثر ما أبحر لامته وأيامه وأمته به كانت لباب السما ممتنه حالم ما كانت لنفسه جميع أحلامه وش خذا منا وحنا وش خذينا منه كم عنى للتايه اللي ما اهتدى لاسلامه كم ترك بالخلف قنطار الذهب له رنه كم جلس يقرا نفوس العالم اللوامة كم وقف للمستغيث اللي كبر به ضنه مرةٍ شفته و شفت قلوبنا قدامه كل ما افتى عود الجني لماكر جنه ما حلا حتى اعتدال الشيخ في هندامه يوم يقبل عطر يجهر به .. و عطر يكنه زعفرانٍ باذخٍ في مشلحٍ و عمامة كنه أطهر صبح و لا ما اعرف وش كنه الموادع شين و الشامخ قصير القامة بشروه بعشرة قد بشروا بالجنة |
رد: ديوان الشاعر ناصر بن محمد القحطاني شاعر الأندلس ماكفاني في الحضور الصوت والصورة - ناصر القحطاني حبيبي ماكفاني في الحضور الصوت والصوره ولاطفت لهيب الشووق ثنتين تحلاني سقى الله ليلة فيها القمر غاب وطفا نوره بعد ماسلمك يانور ليلي وجهه الثاني سقى الله يوم كان الحب غصن نقطف زهوره عسى الريح اللي اومت به تنام ويسعد الجاني حبيبي علها تكبر جروح منك مغمووره نصيب جابني لكباتجاه الشمس وداني ذخرت اغلى شعور وكل خفاق ومذخووره لعينك يالجريح المستريح القاصي الداني وشلتك داخل الوجدان حمل لذ لي جوره ولو اشغلتني واشغلت بي تفكير خلاني اب اولع لك الدنيا قصايد عشق منثوره واب اعزف لك نغم للحب ياقيثاره الحاني عليك عيون ناس وكل قلب ضاق بشعوره تمنتك العيون وجيت ياعيني تمناني احبككيف مااحبكوانا اللي لك بنى سوره على جمر يدفي بارد اشجانك من اشجاني حبيبي والمشاعر فيك مختاله ومغروره تدللوانت في ساعه غلاي اليوم وحداني واذا ملت خطاك الدرب مسموحه ومعذوره تناساني دخيل الحب لو تقدر تناساني |
رد: ديوان الشاعر ناصر بن محمد القحطاني شاعر الأندلس سلم على حايل وسلم على شمر - ناصر القحطاني الشمس غابت وكل دور سراجه والشوق جمر مااحر الشوق لاجمر دام إتجاهك شمال مودعك حاجه سلم على حايل وسلم على شمر قدامك الخافق اللي ينشد علاجه كنه معلق على برزان ومسمر وإنت تعرف يابعد حيي من تواجه بيضان الأفعال لامن الزمن سمر إن ضاقوا اعنف من البحر ومن أمواجه وإن راقوا أركد من الخرمان لاعمر كم صيت بيت عتق هالباب مزلاجه وكم شيخ إماره قبل تعيينه مومر وكم حاتمي تكفي فلة حجاجه وشلون للضيف لو عن ساعده شمر وإن مر تاريخهم متلبس تاجه كم عاشق كيف وكم حاسد زمر في جو أغلى على الرجلي إليا داجه من ديرة السادس ومن ديرة معمر كنه إلى أهدى له البراق ثجاجه طلة غرير ضحك ومن الخجل حمر توارثوا حرثه وتمتير ديباجه ركابة الجيب من ركابة الضمر الود لا غرس بدري صعب مخراجه والله ولا الذ وأحلى منه لا ثمر أدخل على اللي تطوف البيت حجاجه من ناقص عند مدح الغير يتذمر والمدح لو كان في الرديان للصاجه ويقال عمر بلد باالعون ماعمر والذم لو زاد في الطيب تولاجه لا أحرق ولا أغرق ولا عمر ولا دمر مانيب متحسف بشعري على حاجه إلا إني أروح ماغنيت في شمر |
رد: ديوان الشاعر ناصر بن محمد القحطاني شاعر الأندلس الرديه مع خالد عبدالرحمن - ناصر القحطاني الردية القصيده هاذي تعاون فيها الشاعر ناصر القحطاني مع الفنان والشاعر خالد عبدالرحمن وقامو بتصويرها فيديو كليب بطريقة فن المحاورة «الشيله».. كلمات الشاعر: ناصر القحطاني الحان الشاعر:خالد عبد الرحمن سلام و المركب عليه اثنين و الساعة تدور و الموج هادي و الوعد قدام و الرحلة ذهاب أن غابوا الأجواد ما غابوا من أقفاص الصدور دق الجرس و العلم عجل به بعد طول الغياب يا مرحبا يا صاحبي وأعبر بنا سبع البحور علّي أدير البوصلة و أنت الله الله فالزهاب أنا سمعت أنك تحديت الذيابة و النمور و العام لك قلب خضر و اليوم ما كنك شباب الوقت قاسي و الفتى يبقى على الشدة صبور و أن ما غدا الرجال ذيب يطيح بأنياب الذياب حتى الصديق الله وكيلك صار دمه ما يفور و أنا لقيت الأصدقاء معظمهم أشبه بالسراب لا تأمن الدنيا و لكن لا يجي قلبك فتور أحد يشوف أحلى البنات و لا يجي فيه انجذاب ما للحباري في القنص يا كود هدّات الصقور و أن ما كفخ طير الفضا معناته أن الراس شاب كلش و لا قطع الرجا في الطيبات من العطور لكن على شرع الله و سنة نبيه و الكتاب بيض العذارى عسجديات الجسد ضمر الخصور سود العيون مجدلات الروس تلعات الرقاب بالله قلي ما برى جرحك بعد بدر البدور ما عوضوك الفاتنات الذاهبة و الجرح طاب كم واحد لو مرته مزيونه بعمر الزهور ضاعت علومه و الصواب الله يجيبك يالصواب أحد على الدنيا وهو كنه من أصحاب القبور و احد يجي و يروح مع خله وهو تحت التراب ياللي نسيت أن الهوى يبقى على مر العصور بنشدك عن برقٍ سرابك و أنت من فوق السحاب معلّمك يا صاحبي بالسالفة و العلم نور وش بك تقول الشمع ذاب الشمع ما يمديه ذاب و البارق اللي مرني و أنا أدعي بقلب شكور هذاك خير طاح بأرض الغير و الرب أستجاب وش بينك و بين المدينة و الشوارع و القصور ما قد شبعت من الخلا الخالي و من روس الهضاب الناس ما تبطي ولو راحت مراويح الطيور ترمي تعبها في البيوت و تستريح من العذاب البر يشرح كل صدر و يقلب الضيقة سرور و أنا إلى جيته يمر الوقت ما أحسب له حساب يا ما حلا طوي الخبوت و سجة الخاطر شهور ولا معك غير النشامي اللي يعزون الجناب |
رد: ديوان الشاعر ناصر بن محمد القحطاني شاعر الأندلس راسي ولو شح الزمن ماحنيته - ناصر القحطاني :::]] راسي[[:::: راسي ولو شح الزمن ماحنيته ماباقي الا انتى توطين راسي رضيت بالهم وتعزبت بيته وصبري وعزة نفسي اهلى وناسي يا مرحبا بالجرح لو ماقويته الذل فى وجه عنيد وقاسي ان طاعنى الخفاق ولا عصيته ماخنت فى يوم من الايام باسي لعل قلبا مايثور لو نخيته تصبح ركونه للمواجع كراسي وان مرنى ليل الغرام وسريته لاتحسبين انى مع الوقت ناسي جرحا برا وان مابرا مانسيته لو يمتلى من مويه العذر كاسي تدرين راسي للبشر ماحنيته لاانتى ولا غيرك بيوطون راسي |
رد: ديوان الشاعر ناصر بن محمد القحطاني شاعر الأندلس يادارنا دام ابو متعب على الكرسي - ناصر القحطاني ((( يادارنا ))) يادارنا دام ابومتعب على الكرسي يقرا على اهلك واراضيك آية الكرسي لين السفينة على امواج البحر ترسي تشتد الايام .. والديره سعودية مافيه فارس بلا سيف وبلا هيبه ومافيه والد بلا قلب وبلا طيبه ومابه شرف مثل خدمة مكه وطيبه تشتد الايام .. والديره سعودي ياحلو قوله من اللي ماسمع قوله لاحدا يساوم على الدين وعلى الدوله وياحلو شوفة جموع الشعب من حوله تشتد الايام .. والديره سعودية ارواحنا رهن اشارة كفه الطايل وقلوبنا له سواة اعقاله المايل وأحلامنا تنتظر مجهوده الهايل تشتد الايام ,, والديره سعودية شعبه .. ونبغاه ونحبه ونحتاجه ونجيه ونصارحه ونمون ونواجه هذي معاريضنا فيها مية حاجه تشتد الايام ,, والديره سعودية ماتستقيم الديار ,, الا باهاليها وبلادنا .. تتبع ولاة أمرنا فيها بالروح والدم نفديهم ونفديها تشتد الايام ,, والديره سعودية |
رد: ديوان الشاعر ناصر بن محمد القحطاني شاعر الأندلس يسعد صباح الفقر ياللي تذمينه - ناصر القحطاني يسعد صباح الفقر ياللي تذمينه في ذمتي ما انتي من الفقر معذوره ماشلت هم الرغيف اللي تشيلينه كل الهموم لسواد العين مذخوره مانتي فقيره تقولين اليسر وينه ياقطعة السكر من الملح ميسوره من علم الجوري أنشودة بساتينه من هز ريش النعاس اللي كسا حوره من ذكر الخيزران اللي نسى لينه من جدل الليل لين اختال ديجوره سلسالك الفضي اصلا لو تزمينه ماراحت أكثر عقود الماس مغروره والأزرق الرث ياملحه ويازينه أبها من أرض نهار العيد ممطوره مستورة الحال بس القاف تغرينه ليه اتنحى واخلي الحال مستوره والله لأغني لفقر غنت سنينه لين أيسر المترفات تموت مقهوره قالوا لي إن الجديل اللي تربينه معه تربيت حلم فاحت عطوره قالوا بذاك الركن سر تخبينه ومراية من رداة الحظ مكسوره لاينكسر مثلها الخاطر وتشقينه تمنظري في المرايه حي هالصوره مذكور جرح ورى الأضلاع تخفينه وتحت المخده رسالة عشق مذكوره أثر الهوى جاي يسوق الشوق بإيدينه غصن جفاه اليباس وزف عصفوره يامن يكون الحبيب اللي تحبينه ياللي بوجه الليالي ثروره وثوره وقت مضى ملمس اللعبه تمنينه واليوم خضر القلوب ألعاب منثوره الحزن .. ليه العيون السود في عينه والبحه اللي ترد الروح مذعوره فقر ستير ولا ازكى من رياحينه ولا نعيم فضوح تغرق زهوره والميت اللي يبي دعوات حيينه كنتي وصاته ونزفه وآخر شعوره يازمة الغيم ورخاية هدب عينه ماقلت لك ماانتي من الفقر معذوره |
رد: ديوان الشاعر ناصر بن محمد القحطاني شاعر الأندلس يقصار الثياب - ناصر القحطاني اهل الأذكار تدعي والظلام انتحى والدعاوي تهز مشيدات القصور والخطاوي تعثر بين خوف وسحا والفتن تشتعل وانتم سواة البدور يا قصار الثياب ويا طوال اللحى لا تفيض العيون ولا تضيق الصدور دارت الأرض بالعالم ودار الرحا وانتم الشامخين وما تبقى يدور كل ما المح شموس وجيهكم في الضحى احمد اللي بعيني زود النور نور في الجباه السمار اللي ظهر ما انمحى ابشروا به وهو يشفع بيوم النشور السنتكم عطاها الله حديث فصحا وافئدتكم من الإيمان تنضح سرور قصر المسك يا حمالته واستحى يوم جاء يعطي اعطيتموه طيب وطهور يا تلاميذ عقد الصفوه اللي نحى يا حبايب صلاة الفجر واهل السحور يا رجال على يديكم صحى من صحى سعد روح تغذت من بصيرة غيور انتم لمعشر السالين خير نصحا وانتم لنصرة الدين اصدق اللي يثور ان دخل صفكم وجه كذب والتحى رده اللي يرد الكيد وسط النحور وان هرج زيد لعبيد بسوالف جحا لا لحقكم شكوك ولا لحقنا نفور واللي انزل تبارك والقلم والضحى انكم هدينا عن محدثات الأمور واصلوا يا بركتنا دون خوف وسحا ردوا نفوسنا اللوامه من القصور |
رد: ديوان الشاعر ناصر بن محمد القحطاني شاعر الأندلس يمه الغربة وفرقاك ملتمه - ناصر القحطاني يمه الغربة وفرقاك ملتمه دمعة العين هذي مالها داعي يابعد راسي انتي ليه مهتمه الوجع لي سواة الناي للراعي آخر أخباري الذمه هي الذمه والوصايا هذيك تقدي شراعي مابه الا السواد يحاود اليمه ولا به الا البياض اللي ورا أضلاعي وأشعل ما يفارق ليل حضن امه وأخضر كل صبح من أول أتباعي يتعب البرق ما أتعب النظر يمه وانشديهن بعد ما قلت أطماعي أنجبن لي عروسة حلم أضمه أو بعد توها تشرب عطش قاعي واذكري كيف كان العود ابو عمه ايتعلى صهيله وأرخي أسماعي امنياتي بدرب ودي أتمه آخره صعب وأصعب منه مرجاعي يوم كلن فزع له خاله وعمه يكفي اني وردت العد بذراعي أرفع الراس بين الروس ما همه وأتباهى وأنا الغرقان بأوجاعي يمه الحر طبعه يعشق القمة وأنتي اللي فطمتيني على أطباعي الهواء دام راسي حي ويشمه والله اني لاسوق هناك ذعذاعي غربة تلوي ذراع أشجع الخمه لا تخافينها لو تقلب أوضاعي يمكن تبعثر الرجال وتلمه بس بدري عليها تلوي ذراعي |
رد: ديوان الشاعر ناصر بن محمد القحطاني شاعر الأندلس المقابر - ناصر القحطاني في مكان تفاخر فيه روس النصايب و امتلت من عظام الناس فاضي قبوره كل شي يتراجف فيه حتى الهبايب والذهايب توارى والنصايب فخوره وقفت بي قدم رجلي وكلي عجايب والبكا حولي اسمع له تمرد و ثوره لين جاء واخجل عيون تودع حبايب مؤمن جفف الدمع بحديث و سوره عن يميني بيوت السابقين والذهايب وعن يساري بيوت اللاحقين محفوره اسمع اصغر ذنوبي كنه يصيح تايب والقدم ما نشدت بموقفه عن شعوره واذكر انه تشره لحظه وكان هايب قلت خل الطواري ما طلبتك مشوره دامها جت من الله مرحبا بالمصايب لو ثقل حمل نفس المسلم اللي صبوره جيت اشيل الجروح المشرقات العطايب طيب الله ثرى اللي فارق العين نوره ما ركزت النصيبه واعتلت راس شايب كود ابادّل ذاك القبر لا جيت ازوره عل ما تبخل بماها عليه السحايب كودها تستر اطراف النصيبه زهوره كل حزن ملا الدنيا على القلب ذايب وانقلي يالجروح الحمل لو زاد جوره كنت اعزي مجاريح بعاد وقرايب واترك الخاطر لعيني تجبر كسوره تغرف الحزن وتصب العباير صبايب وان خلص دمعها لعيون ابوي معذوره شايل صورته في البال لو كان غايب ليته اللي يشيل لشخصي اليوم صوره كان لي ظن في صغري ولا هو بصايب احسب ان القبور من الحياة مهجوره عل قبره نعيم وصالحاته سبايب هي عزاي بوادع مودّع جاه دوره |
رد: ديوان الشاعر ناصر بن محمد القحطاني شاعر الأندلس يمه اذنبت ونزحت من العشيره - ناصر القحطاني يمه اذنبت ونزحت من العشيره وان تمنو توبتي مانيب تايب مابي لدنيا الغنادير اي سيره طايح من عام الاول في مصايب يمه اللي حب له طفله صغيره ويش يسوي لاغدا فيها طلايب طفلة ماكانت بحبي جديره بس كانت غير عن كل الحبايب كنت اسميها العنود المستذيره ليت اهلها العام سموها عجايب كنت اجيها مثل الامطار الغزيره كنت اضيع بجوها مثل الهبايب وادعي الله هي متى تصبح كبيره تفهم اشلون المكان يصير ذايب ان تغنت تصبح الطرقه قصيره وان تغلت تصبح جروحي عطايب صنتها مثل البحر لابعد جزيره ماتركت علومها لاهل الركايب ديرة ماهي بها ماهيب ديره لو ثراها عشب واعلاها سحايب يمه اتحبين طايلة الضفيره اااه والله ياعليها اشقر ذوايب قالت ان جا الراس شايب فيه خيره قلت يابنت الحلال الراس شايب قالت الا الحب وشهو وش مصيره قلت انا استاهل وانا كل السبايب ماجزا اللي حب له طفله صغيره غير قبر و ضحكها فوقه نصايب |
رد: ديوان الشاعر ناصر بن محمد القحطاني شاعر الأندلس بغداد - ناصر القحطاني عساها فاتحة برد وسلام وخاتمة و قاد على دار السلام الله يروع من بروعها حضارة سومر وبابل قبل تشريفة الميلاد عروق الرسل والعلم واهل الشعر وروايعها هوى سيف الله المسلول يوم السيوف حداد مساري سربة كان المثنى في طلايعها عروس زفها المنصور والدنيا لها سجاد ودلعها الرشيد الله عليها يوم دلعها بدت بالسندس اللي يهوس الخلان والحساد وكثر ماهزها التاريخ ما اهتزت مرابعها بقت خضر مرابعها بقت تنجب لنا أمجاد بقت بيض صنايعها بقت سود وقايعها ورى ما تستميت اقلوبنا معها وهي بغداد ياكبر العار لو ما تستميت قلوبنا معها عليها الله وامان الله الى ذرات زين ابلاد هجد صوت القنابل جنب تهليلة جوامعها دهاها من ورى الحملات ليل لو نقص يزداد أهلنا في مدامعها واهلها في مطامعها هل الحرية اللي لا غشى اصحاب البيوت ارقاد تفرق بينها من دوية الهاون مضاجعها هل الحرية اللي بعدها صاروا بنات الضاد ينوش المعتدي حشمة ملابسهن ويرفعها هل الحرية اللي قصت أجنحة أكثر الأولاد مادام ايدينها ماترفع اثنين من أصابعها تعودنا على حرق النسل والحرث والأصفاد تعودنا على نار يطفيها مولعها يبس بكفوفها إلا غصن زيتون وكما المعتاد عناقيد الهدايا جاتنا من كف صانعها عسى المقبل مثل صيحة ثمود ومثل صرصر عاد عشان أهل البيوت الخاربه تبرى مواجعها ألا وين المراكب سايره في حضرة الرواد عساهم للدواير لين تدرجهم منافعها مصير امصار و اجيال وزمن وجموع بيد افراد لها التاريخ بالمرصاد وان خانت ودايعها محبتنا عداوه والقلوب قريبات بعاد بعد ما نصنع الكذبه نصدقها ونتبعها خذتنا العنتريات الله يبيح من ابن شداد وضعنا بالخطب ليت الخطب نقدر نضيعها تواعدنا مع الوحدة وصرنا نخلف الميعاد مذاهب وانظمه واحزاب من يقدر يجمعها تصهين دم ناس طايرين بعجة الأوغاد تصاغرنا مثل ماستصغر الكرسي مراجعها أخيرا : كم بقى طاغي وكم باغي وكم جلاد وكم لص وكم أصنام وكم أوهام نصارعها وكم صورة تظن الروح والدم أغنيه وانشاد وهي كل هناك يدوسها والا يقطعها لعل الليله اللي جابت الكابوس ماتنعاد وبسم الله على بغداد من شي يروعها |
رد: ديوان الشاعر ناصر بن محمد القحطاني شاعر الأندلس النســــاء - ناصر القحطاني النسا روح المسا والليل لو فكر يبات كان ما فيه أغنيات وكان ماله ذكريات وكان ما فينا عظيم ومال أمانينا حليف وما بنا قلب وليف ولا لنا قصد شريف النسا نصف الحياة الا النسا كل الحياة آه يا أسرار الخوات آه يا أحلام البنات آه يا الطيش الطفولي آه يالحسن الشفيف آه يالعشق العفيف آه يالجنس اللطيف علمن حتى المرايا والشبابيك اللغات والرسايل والدواة صارت أعذب مفردات كم بكن وانكف مبصر واضحكن وابصر كفيف ورمشن واهتز سيف وهمسن وامتد ريف كم غدن لاخوانهن عزوة صناديد عصاة بين صفق المرهفات وبين ضبح العاديات طاحت أشناب وكراسي وانطلق دمع ونزيف واعتلا الخف المنيف والمقابر تستضيف النسا ضلع عوج لولاه كل العدل مات مالهن عنا فوات ومالنا عنهن غناة تبرق الدنيا على يديهن ويغرينا القنيف نطمع بتكريم ضيف وناقف بيوم عصيف النسا بحر على موجه منايا وأمنيات والنسا مركب نجاة نسأل الله الثبات هن لباس وهن فراش وهن معاش وهن رغيف إن فتك جوع مخيف وإن حدا الرجال حيف النسا حتى شراب الجنه العذب الفرات تحت ماطى الأمهات يالهن من مكرمات كل ما عود بنا الكد أقبل ابن آدم ضعيف له ورا البيبان طيف مثل نسناس المصيف في بلادي يحسبون ان النسا متخلفات في الضحى مستعمرات وفي المسا مستوطنات ما دروا عن هالبيارق شمخ العرض النظيف فزعة الدين الحنيف شجرة العز الكثيف غادة وسجادة وكفين وحجاب وصلاة من صبايا محصنات من عروق طيبات أطهر من ألفين منظر كلها فتنة وزيف في رجا الصبح الكسيف واجرة الليل السخيف كم مكان يعرض أعراض آنسات وسيدات والهوى له بايعات والغلاف وله فتات والحسن تشبير عنق وطول وخصر نحيف وشي ما ينشاف شيف لاجل الأول والوصيف شهب تشابه رسوم الشاشة المتحركات مال زمتهن طرات و لا لهن ملح وحلاة لا ربيع فيه خير ولا به الا بروق صيف والشتا ما به رفيف يحيي أوراق الخريف لي مناحل لي خلايا كلها سكر نبات لي حصون ناعمات لي غصون شامخات لي قوارير ملاها العقل والدم الخفيف خلفها العمر الكليف ودونها الحد الرهيف يا زمن وش جاب حلوى غلفوها بالعباة جنب حلوى للمشاة وللغبار وللشتات شف بدل ما هي لواحد صارت لجمع لفيف كيف أنا اخبرك كيف شوفها فوق الرصيف |
رد: ديوان الشاعر ناصر بن محمد القحطاني شاعر الأندلس ليل العتــــــــب - ناصر القحطاني يا لله بعلم يسر ويبهج الخاطر طالت وطال الصبر لعيون خلاني ادري طراة الفتى عزام ومخاطر اما على شانهم والا على شاني ما احلي من الغيم لامنه نوى الماطر ما اعظم من الحب في تاريخ وجداني لا عاد ليل العتاب وغلطة الشاطر اقفى على وجهه الغالي ولا جاني كان اول يذوب كان لشوفتي ناطر كان يتحرى الغلا كان يتمناني يا حسرتي لا تهجيت اسمه العاطر دورتي بوقتها ما عاد تلقاني الى رجع ماله الا طيبة الخاطر لاشب نصف القصيد لنصفي الثاني |
رد: ديوان الشاعر ناصر بن محمد القحطاني شاعر الأندلس السوالف - ناصر القحطاني السوالف ياجنيني طاولنّي والعرب تالي نسوا حسن الضيافه والخوارج من تدني في تدني والبلد مليان تهريج وطرافه والحياه اكبر من اللي مس ظني واوسع من احلام الانذال التوافه والقصايد صنعتي والفن فني والقوافل ماتحسب الا المسافه ليه اعبّر غاديات عارضني وصك شحاذ على باب الصحافه ماخذيتك ياجنيني بالتبني ولاغذيتك الاحس له رهافه حط في بالك قبل ماتحتضني مانت باللي ينتقهوى باختطافه لك علي مادمت منك وانت مني ماتمرّك غير الانسام بلطافه وان دخل بك في ظلام الليل جني لاتخافه لاتخافه لاتخافه كلبوها سورتين وترجهني يطلع المعتوه ويجيك اعترافه والله اني والله اني والله اني من رجال في ملاقاهم حسافه حقهم ماياصله راع التمني وانتصافتهم ماهيب أي انتصافه اتفيّا في ظلال الغصن كني شايب رحّال شاف اللي يعافه قلت خلوني على ليلاي اغني وازعجوا موّالي دعاه السخافه عصبه الخناس عشاق التجني ملحقين اعمارهم ذل وكلافه وش يبون الخاربين بقلع سني آفة لابارك الله باي آفه لاسلام وكل نذل يحل عني مابعد ملّت يدي من النظافه والسفيه اللي من العام متعني ماترك حتى النعامه والزرافه ان مدح وان سب والله ماشحني اعتبرته تافه وستين تافه والقصايد صنعتي والفن فني والبلد مليان تهريج وطرافه |
رد: ديوان الشاعر ناصر بن محمد القحطاني شاعر الأندلس عنفوان الحــــب - ناصر القحطاني عنفوان الحب خـــــــلاص ابـتـرك كــل شـي مـكـــــــانـه الـعـشـق والـعــبـرات والحـســن والـتـيــه جـفـا .. مـلـل .. فـرقـا .. تـغـلي .. خـيـانـه هـــذا قـــــراري وسـمـــه الـلي تـســمـيــه مـاهـمـــــنـي ذاك الـمـكــــان وزمـــــــانـه اغــلـيـه والا عـلـنـي مـارجـــــــع اغـلـيـه يـاســـيـد الـمـــــــاضى وذيــك الـمـكــانـه انـا الـــــذي شــــوه بشــــرواك مـاضـيــه الـحـــــب عـــــرفـتـك عـلى عـنـفـــــوانـه والا انـت مـاتـسـتاهـل اصـغـــر مـعـانـيـه مـاشـفـت طـــرفـك في قــسـاه وحـنـــانـه يـرقى قـصـيـدي ويـتغـطـرس عـلى يـديـه مـاشـفــت عـــودك كـم وكـم خـيــــزرانـه سـمـيـتـها بـه .. وانـثـنـت مــــع تـثـنـيـه مـاشـفــت شـعـرك كيف عـلــيـت شـــانـه دلـيـتــه الــــريح وغـــــــدا وقــتـها فـيـه مـاشـفــت صـبحٍ جــاك تـضـحـك ثـمـانـه عـقـبـال مـاصـبح يــوم والـقـاك نـاســيـه قـل للعــــذر مـاعـــــاد للعـــــذر خـــــانـه لـو تـبـني بـدمعــك بـيـــوت الـمـشــاريـه قــل للـطــــواري لـو تـطـيــح الـمـيـــانـه لاهـنـت لـي صــــوتٍ ولااشـتـقـت لـبـيـه امـــانـه ان كـانـــك تـعـــــرف الامــــانـه لاتـذكـر انـه كـان لي عـــشـقٍ ارجـــــيـه جــاك الكــــلام وخـــل قـلـبـك مـكـــــانـه والعـشـق والـعـبرات والحـسـن والـتـيـه |
رد: ديوان الشاعر ناصر بن محمد القحطاني شاعر الأندلس جـــهودك محل الثـــــناء والإجلال والتقدير ولك في نوافذ العطاءالمتميز وجود وتأثير وأتمنى من الجميع المساهمة من خلال إضافة القصائد غير المطروحة هنا ليكتمل الديوان |
رد: ديوان الشاعر ناصر بن محمد القحطاني شاعر الأندلس |
رد: ديوان الشاعر ناصر بن محمد القحطاني شاعر الأندلس |
رد: ديوان الشاعر ناصر بن محمد القحطاني شاعر الأندلس جهود تستحق الثناء يعطيك العافية ودمت متألقا على الدوام هذا وتقبل مني أغلى تحية ... فيلسوف الكويت |
رد: ديوان الشاعر ناصر بن محمد القحطاني شاعر الأندلس |
| الساعة الآن 04:52 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011