ياقصيدي لانخيتك جُد بأبيات جزيله=وصل إحساسي رجيتك للوفي سمح الخصالي
عجزت حروفي تعبر يوم جيت اشكر جميله=واشهد انه ماتوفيه الدواوين الجزالي
شاعر بوحه بهرني في معانيه الجليله=والذي ينقد قصيده مالقى نقده مجالي
كل خصله في سموه من فضيله في فضيله=بين قومه له مكانه عاليه والصيت عالي
صعب اوصل إمتناني واجزي الطيب بمثيله=وكل طيب ماخذً منه صفاته بالكمالي
في ختام القول عذري كانت ابياتي قليله=والسموحه يافريد القاف ياذرب الفعالي