|
الاغتسال با الغفران حسبي الله ونعم الوكيل وخلال مسيرة هذا الشموخ تحدث للمرة الثانية ولكن بعزم الاوفياء يعود كل شئ0 | جيت لك يغسلني الغفران من كل الخطايا -----------------------ما دخل ذمتي ذنب ً ولا فيها خطيه لو تصورني لقيت الخافي بصدري مرايا ----------------كل ضلع ً من ضلوعي محتضن له مزهريه جيت اسوق الروح كل الروح من ضمن الهدايا -------------------ويش تظن بواحد ً والروح معطيها هديه جيت ماجيت اتلفت واتخفى با الزوايا ----------------جيت لك مضرب مثل كلي شموخ ً واريحيه جيت وانا با اعتزازي من حميدين السجايا ------------بأسمي اللي مايجي في المشتبه والمنقديه من مسافات الوله عطشان وحياضي ضمايا -----------ولاآل أمال النفس سقف في الحياة النرجسيه جيت مافي نيتي غير انت من بد البرايا ------------------رغبتي ماهيب نزوة طيش والا موسميه اسرج الاشواق لمصافحك قدامي سبايا -----------------------لين غطاك الوداد بغصن زيتونه نديه كأنك بصدري وطن موعود واشواقي مطايا ------------------واحسبك بوليسة التأمين من شر ومنيه جيت لك صدري شمالي من وسيعين النهايا ---------------وانت في وجهي ومكفول ً من اعيوب وزريه والله اني شيخ لوما قدت جيش ولا سرايا -------------------والله اني من نبيلين الطبيعه والسجيه لو توديني ثمن رديت تأخذني عطايا ------------------ولو تتوه انا دليلك في الدروب المهمهيه دام اشوفك حاكمي وتشوفني ضمن الرعايا -------------نادني حسب التسلسل با الحروف الابجديه وان فديتك ويش انا باصير من ضمن الفدايا ---------------------كل يوم ايزيد كثر المعجبين من اوليه ودام انا ما أفرض وجودي لك والا افرض مستوايا ---------------عاشقك واهيم فيك اهيام من نفس ً رضيه خلني في الصورة اللي حولها صدق النوايا ----------------------لا تخليني من البدون مجهول الهويه واتعوذ من حتوف تسبق اسهوم المنايا --------------------واتوسل من ذنوب ً تقتل النفس البريه واقسم انك فوق ماتحوى العقول من الحكايا -------------------وانك ابلغ من ثقافات الشعوب المخمليه |
صح السانك وعلى الرحمن شانك قصيده رائعه لك ارق التحايا http://www.ss1ss.com/albumsm/105747.gif مسيووو |
اسرج الاشواق لمصافحك قدامي سبايا -----------------------لين غطاك الوداد بغصن زيتونه نديه كأنك بصدري وطن موعود واشواقي مطايا ------------------واحسبك بوليسة التأمين من شر ومنيه بكل صراحه كل الابيات جميله احترنا بها من جمالها صح لسانك على هالشعر ولاهنت |
اقتباس:
مسيوبوتاميا ليتني اعرف الفرنسية او الايطالية من أجل خاطرك مسيو لكن ان الحرف يدل على صاحبه وحروفك كلها راقية مرسي بيكو مسيوبوتاميا |
الشاعر الرائع المهدي بن تركي لله درك ما أروعك صح لسانك وسلم بنانك قصيدة في منتهى الروعه كل الود والورد لك مع التقدير |
الرائع المهدي بن تركي قصيدة رائعه صح السانك واعتلى شانك تحيتي لك |
الرائع المهدي بن تركي ياهلا بك مليون ولايكفون صح لسانك واعتلى شانك تحياتي |
اقتباس:
المهدي بن تركي حياك الله وصح لسانك علي الرائعه وننتظر جديدك تحياتي لك |
| الساعة الآن 08:21 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011