الاصايل يجنّك مثل أهلهن أصايل

والوكاد إنّها منهن بليّا كلام



واجد الزين عند الحاضره والقبايل

شفت واجد ومرّنى مرور الكرام


بس هذى وصايفها علوم وهوايل

كنّها قطعةٍ من نور بدر التمام


ياكثر ملحها والا الحلا له دلايل

حورٍ عيونها والخشم سلّة حسام


كن ذيك الخدود بروق ماتنتخايل

لا كساهن شعرها شفت برق وظلام


تعسف الخيل ونفوس البشر تنتحايل

مير خيل القصايد مايطيق اللجام


انتحيت ولقيت القلب مأمن صما يل

كل ماذعذع الغربى من الشوق هام


ياكثر مانى من الشوق والحب شايل

من عشق مثلها وشلون بالله يلام


هذى اللى حلاها مايبى قول قايل

ماهى أول غلا لاشك مسك الختام



متعب التركي

على كف القدر نمشي ولا ندري عن المكتوب
....عبارة كنت أرددها صدق من صاغ معناها
مشينا دون لا ندري وشربـنا من بـلاهـا كـوب
....وهـذي حال الـدنـيـا رمـتـنـا مـا رمـيـنـاهـا
تضحكنا تبكـيـنـا تـمـشـيـنـا على المـطـلوب
....على كف القـدر نـمـشـي دروب ما عرفناها
من الكاسب من الخاسر من الفايز من المغلوب
....مع الأيام تـحـصـدنـا وحـنـا ما حصـدنـاهـا

قلت المـطر . . قالـت من اليـــوم ديمــــه
ما به رعـد . . لا بـرق . . ما غـير هـتان
عشـقٍ جـمع ما بيـن قاعٍ وغـيمه
فـيض على صدر الثـرى دمع الأمزان..!

قالوا حبيبك يسمع الشعر قلت أيـه
يقـراه بعيونـي قبـل تسمعونـه


لولاه حتى طاري الشعر ما ابيـه
مير أكتبه من شان خاطر عيونـه


متعب التركي