شبكة الشموخ الأدبية

يقول ابن لقفص طراله طواري
ومن حالته يا عرب شاب رأسه

وقلبي على صكة الوقت ضاري
وهم الليالي تعدا قياسه

ولو صحت ما صيحتي باختياري
لجرح الزمن في حياتي دراسة

تجدد خطايه وزاد اعتذاري
ومن عاش بين الفتن زاد بأسه

فهذا الزمن فيه بايع وشاري
وفيه الطهارة وفيه الدناسة

وفيه المسالم وفيه انتحاري
وفيه الجبانة وفيه الفراسة

وفيه المعاند وفيه المداري
وفيه الشقاوة وفيه الوناسة

وأنا خضت بحر الزمن باعتباري
مجرب دروب السعد والتعاسة

مشيته بليلي مشيت بنهاري
وعاشرت جنه وعاشرت ناسه

وخضت المعارك مع من يباري
وفوز النتيجة ظفرنا بكاسه

وهذا جوابي وهذا شعاري
وهذاك سيفي وهذا لباسه

وفي خاتمة قصتي والمساري
جعلت الوفاء في قصيدي حراسة

مع جولة الشعر جاكم قراري
قرار مزجته ببعض الحماسة