شبكة الشموخ الأدبية - والله إني احبك يالولوة كثره وأكثر

شبكة الشموخ الأدبية (http://www.alshmo5.com/vb/index.php)

- منتدى التراث والمنقول (http://www.alshmo5.com/vb/f10.html)

- - والله إني احبك يالولوة كثره وأكثر (http://www.alshmo5.com/vb/t19853.html)

والله إني احبك يالولوة كثره وأكثر

عجبني هذا الحب بين الاخ واخته وانا والله احب اختي لولوة مثله واكثر

هذا واحد كان يحب اخته وعلاقتهم قويه مع بعض

متعود على ضحكتها وفرفشتها وخفة دمها

بعد ماتزوجت اخته وراحت مع زوجها

اخوها سافر

واتصل عليها بعد فترة

ولاحظ اخته ماتضحك كأنها حزينة وصوتها مو طبيعي

وكل ما يسألها وش فيك تقوله مافي شي

عرف ان زوج اخته يهين اخته

ويسيئ معاملتها

كتب هذه القصيدة

لاتنثرين الدمـع قولـي لـي وش فيـك
تخالطت عبرات صوتـك وانـا اسمـع

تقطع خطوط الجو والصـوت مغريـك
ودمعك غدى نيـران بالجـوف واقشـع

ووقف شعر راسـي ودكـن دواكيـك
وضرب اخماس اسداس بالشك واجمـع

ويبسن عروق القلب وصـارن مهاليـك
مغيـر اغـص بخافـي الريـق وابلـع

وشلـون مابـه شـي يرحـم اهاليـك
تدريـن بغيـر الصـدق لايمكـن اقنـع

انا عهـدت الضحـك يعشـق اشافيـك
وعيـون ماخلقـت علـشـان تـدمـع

سلامـة الـي كـل ابوهـم عزاويـك
وليـا انتخـوا بالحيـز نيـران واشنـع

وليا وضح صوتـك باذانـي عزاويـك
(حيزا حيزا !)ساعـة الصفـر ترجـع

تكفـخ حرار(ن)ماسبقـوهـا ممالـيـك
وترسي جبال(ن)مانـوت يـوم تخضـع

وتـارد فهود(ن)ماتهـاب الشرابـيـك
وتهـوي نجوم(ن)لارمـت جـال تفنـع

من اقصى الجزيرة اعصار توحي اذانيك
مـن هيبتـه يرتـج حفـره ويـركـع

ومن اقصى الحساء بركان تونس اياديك
مـن هيبتـه صميـدع القلـب يـربـع

لا والله الا اجيك وشلـون مـا اجيـك
شفني عليه اقرب من الموت واسـرع

اللي ازعلك يمكـن نسـى انـي اخيـك
ولا تخيـل لاتغربـت مــا ارجــع

لاتنثريـن الدمـع حـيَّـن محاكـيـك
والله تخضع اشناب مـن شـان مدمـع

وانا والله نعم احب أختي لولوة مثله واكثر