يا كبر حلمي وإزدحام الأماني = ويا صغر نزوات الفرح والمسره
ويا نعن أبو جد الحكي في لساني= ينزف عبارات الوله كل مره
لا من تذكر وإستعاد الثواني = لي بلورة نقطة تحول مقره
إستنفر إجيوش الشغف والحناني =وإستنشط إحساس الموده وفره
"الحلم يكبر" والأماني مواني =والليل يحيي أمسيات التشره
والعمر يهوا ساميات المعاني= والقلب يعشق كل مسبوغ غُره
واللي لفاني بالوفاء ثم جفاني=وابعد عن إدروبي بخيره وشره
خلا هواجيسي وفكري يعاني=خلّف بوجداني مساحات مُره
ما عاد أبيه اللي حصل لي كفاني= ما عدت أبتحمل ولو ثقل ذره
لكن !! ما قلته ترا مو عشاني=ولا يوم طب قلبي ببحره وبره
رغم ان من يسمع ويشهد بياني = يظن اني عالقساوه مُصِره
ويظن يأسي وإمتعاضي خذاني=من محفل أفراحي وحبي وسره
وانا ما غير أروي شقاء حد ثاني = جايز تكون إمعادلاته تجره
مما جرا له من ظروف الزماني =مره تقف جنبه ومره تضره
ولاّ أنا فرحي يعطر كياني = حُره وراح أبقى على طول حُره
وكل من قراء حرفي ونوّر مكاني= أهديه زهرة ياسمينه ودرّه
وأزف له شكر وعظيم إمتناني= موصول بشموع الأمل ألف كره

يا كبر حلمي وإزدحـام الأمانـي

ويا صغر نزوات الفرح والمسره






السلطانه



يسعدني ان اكون اول من صافح هذه الرائعه




صح لسااانج



ويعطيج العافيه





تحيتي