شبكة الشموخ الأدبية - نايف أحمد دوجان الرويلي العنزي ...!!!

http://t1.gstatic.com/images?q=tbn:A...05zlqc_nftuWSM
بمناسبة زواج ابن عمي الغالي نايف كتبت هذه القصيدة المتواضعة ...!!!

مبروك يا نايـف وكـل التباريـك
مبروك ما سوّيت وانسرّت الحـال

مبروك ويا عسى المعـزّه تباريـك
ويزيدك ربك من جزيلات الآفضـال

كمّلت نص الدين بنـص ٍ يماريـك
عساها وجه ٍ للسعد حـل وترحـال

سبحان رب ٍ سدّدك فـي مقاريـك
منها العيال ومنك يالنشمـي المـال

كل ٍ شهد لـك والجـداره تجاريـك
ياللي المعالي مسكن ٍ لـك ومنـزال

عز الله من عطاك بنتـه وشاريـك
يعرف قِدَرْك اللي يساوي له رجـال

هذا النسيب اللي يتوسّـم بطاريـك
النظره عنده ثاقبه ~ الحـق ينقـال

يوم الفرح ~ علا على المجد ساريك
وكل ٍ فرح بك من عمام ٍ مع آخـوال

والعز ساري في عمـوم المداريـك
متوقعينـه فـي معـزه ومـدهـال

عساها ترقـى للمعالـي مذاريـك
وعسى الله يبعد كل ٍ هم ٍ وغربـال

بحر الموده ترتفـع بـه صواريـك
وعين ربك تحرسـك دون الآنـذال

لآجلك أنا بكتب قصيدي وآداريـك
ياللي قصيدي يفتخـر بـك ولا زال

وعساك في درب المعالي مشاريـك
وكل يوم ٍ فـي فـرح دوم منـوال

وعلى يديك اتحقق غايـة محاريـك
ونشوفك يا نايف على الخيـر دلاّل

حيثك فطين وناجح وذي جواريـك
لك منهج ٍ واضح ولك سيرة آبطال

نطلبك يا ربي يا منشي المطاريـك
تزيد من فضلك على راحـة البـال

وصلاة ربنا اللـي مالـه شواريـك
على نبيّه والصّحَـب وآيضـاً الآل