الشقا يارد على القلب الشقـاوي=قلبي الليله شقـا خلـف بدويـه
تلبس الابيض على اللون السماوي=اجذبتني بين طيب وبيـن سيـه
الوصايف دونهـا تلقـى مـلاوي=ماتوصـل للوصـوف اليوسفيـه
عينها السوداء كما عين النـداوي=لاتبين صيدتـه بارض(ن)خليـه
الهدب فيها كما الرمح الطنـاوي=لا وقع بالقلـب ولـع كالشضيـه
والجبين اللي كما البدر السنـاوي=يجذبك نـوره ونـوره جاذبيـه
خصرها مبري لا صار متساوي=وان تمايل كالنصي يلعب لخيـه
تارد وتروى من القلب الرهـاوي=بالوفاء والـود وأشواق(ن)نديـه
سال شوقي يمها سيل(ن) نحاوي=لا تحـدر مـن عـلاوي لدنيـه
قض ما قدمه على الملقاء شفاوي=يدفعـه زود الغـلا والعاطفـيـه
ذيب شوقي بالحنايا دوم عـاوي=زاد جوعه يومهـا تبعـد عليـه
ماتخـاف الله بالقلـب الهـواوي=تشعب قلوب الهواء شعب المطيه
وعلموها كانهـا ماهيـب تـاوي=تستحي وتخاف من رب البريـه
.
.
.
.
.
مــح ــــســـن الــع ـــصـــيــــمـــي
الإهداءات
بـدويـــه,,,بـعـد الــغ ــيــآب,,, 
العرض العادي
المواضيع المتشابهه الموضوع: بـدويـــه,,,بـعـد الــغ ــيــآب,,, 
