|
في خاطري اقول ................ اذا ودك فيه مايغلى عليك |
في خاطري أقول ....... لو انه 4g أطمع فيه بس 3gs ههههههههههههههه لا والله ماهو عقب راعيه ويقولون من قدم كأنه اعطى |
في خاطري اقول ................ تعبت من اليوم وانا في المنتدى شكلي بطلع بس ماودي اخليكم |
في خاطري أقول ....... الحال من بعضه حتى أنا تعبت |
في خاطري اقول .................... باقي 12 يا احمد وتوصل الالفيه الاولى كملها وروح نام |
في خاطري ألبي طلبك وأمري لله شدي حيلك معي |
في خاطري اقول ................ شاده حيلي معك لا تحاتي |
في خاطري اقول كل الشكر لجهودك |
في خاطري اقول ................. والشكر لك على جهودك الرائعه |
في خاطري يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى ال يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني |
في خاطري اقول ............... رائع ماجلبتي يالشوووق |
فــي خــاطري أكتـــب وأتســلى بينــكم |
في خاطري اقول ................. وهلا وغلا بوجودك نور العمر منوره يالغلا |
فــي خــاطري المكــان منور فيــك يا عهــود الحب والطيبة عساني ما انحرم من قلبك |
في خاطري اقول ................... ولا منك يالغلا |
فــي خــــــاطري أصف لكــم قلبــه الرائع الله يحفظه لي :) |
اللهم امين يانور في خاطري اقول ................. مشتاقه لك |
في خاطري اقول ................. لك حضور و وجود |
في خاطري اقول ...................... احبكم كلمة ماتفارق لساني |
في خاطري أقول ..... المحبة أساس المودة |
في خاطري اقول ......... صباحكم غلا وشوق ومحبه |
في خاطري كلمه أحبك لو تجافيني |
في خاطري اقول ...................... عساك بخير يالغالي |
في خاطري اقول ..بخير بوجودك |
في خاطري اقول ....................... ودي اعرف شمس ليش ما ترد على جوالها اتمنى تكون بخير |
في خاطري أقول .......... يمكن نايمة يالغلا |
في خاطري اقول ...................... ما اتوقع يومين وانا ادق وما ترد |
في خاطري أقول سعيد بتواجدي بمدينتي وبين محبيني |
في خاطري اقول ................ اتركم نص ساعه وراده لكم لا تروحون |
جذع ذوا عطشان لو ترفعه طاح تتعب معه لو ركيته .. ماهوب حي لو سقيته لاتنتظر رجعه ولا تطري صفاح ماقول حبك وطيته .. ماقول حبك نسيته ابعد عسى في دربك اليوم ترتاح انت الذي اهتويته .. لا بالغصيبه مشيته |
بخاطري اقول ما كـل خلـن بالمـوده يصافيـك كم واحـدن انكـر رفيقـه وباعـه خل الهـوى للـي يـودك ويغليـك ترى الغلا والود ما هـو بضاعـه |
اذكريني اذا حبيتي غيري اذكري المشتاق يانور عينه اذكري حب صفا لك من ضميري ارجوك لاينسيك من هو تبينه |
في خاطري اقول .................... لدهمشي مبروووووووووك تخطيك الالفية الثالثة |
في خاطري يستاهل دهمشي الف مبروك ياخوي |
يبارك فيكم خواتي الغاليات في خاطري أقول للشوووق لو عرفتي شكثر نحبك ونحترمك كأخت غالية كان استغنيتي عن كل حزنك لأننا معك نبيك مبتسمة دوم ربي يسعدك |
يسلمو يا دهمشي وشلي مصبرني غيركم بخاطري اقول قالوا تريح قلت مـاني بـمـرتاح= والنوم مالي به مع اللي يبـونه ناموا عسى نوم العوافي والافراح= قوموا ارقدوا مادامكم تشتهونـه وافوح صدري فوحة البن لا فــاح = بن على جمر الغضـى ينجــزونــه اضحك واجامل كوده الهم ينزاح = وادرىالحزن خوف الربع يلحظونه لاولله الا يالربع راح " وضـاح " = اقفى وانا نفسي عليه مغبونـه اقفى وخلى سد راعيه ينبــاح = اثره ولو هو وافي فيه خونــه عذاب الاصبح لاغدى كنه سبـاح= لاصفت فروخ الشواهيـــن دونـه اليا رقاله كنه البرق لا لاح = من سرعته خـطـر تصافق متـونه يفريه فري مايداويه جـراح = بمقوس ماهـي تداوى طعـونــه قاطع ويضرب في النحر ضرب سفاح = كنه شـجـاع لابـتـه ينـعتونه عليه الاحي نايح الورق لا ناح = واون له ونة طريح الصخونـه منهو يلوم مولع الطير لا صاح = عسى حزن شالح يفطر عيونــه ادعي واناظر له مع كل مسطاح = وانشد على العالم ولا يذكرونه وادوج والمسراح يقفاه مرواح = ومن التعب ينقال لي والمعونه واخر جداي بجاه قباض الارواح = تكفون يالاجواد لاتجحــدونــه |
|
في خاطري انا يا ناس لي قلب(ن)يعـاف الحـل والترحـال حنـون ولا شكـا مسلـم جـروح يشيلهـا عنـه يحب يقاسم أخوانـه عناهـم لـو عناهـم طـال ويبكي وقته الجايـر بحكمـه مـن صغـر سنـه اشيل اهموم هالعالم وانا لـي هـم مـا ينشـال واشوف الويل من ناسـي واذوق الغبـن والمنـه تعبتك يالحروف اللـي تجيـب الهـم والغربـال تعبت انظم بك ابيوت(ن)وشعري خاب بـه ظنـه تعبت اضحك وانا آجامل تعبت ابكي ردات الحال : تعبـت الهـم والوحـده تعبـت الضيـم والغبنـه ابد ما حول الواقع مصيري من سكن في البـال نعم راضـي بمـا يحكـم إلهـي طالـب الجنـه عنا الماضي يجرحني وهـم اليـوم بـي لا زال واخاف اليوم مـن بكـره يزيـد جروحهـا ونـه كذا طبعي كذا عايش ودمعي فوق خـدي سـال كـذا عشـت الالـم واتنفسـه واكتمـه وآكـنـه : يعين الله يـا وقت(ن)قضيتـه والهمـوم جبـال تزاحم داخلـي لا مـن زمانـي بـان لـي سنـه إلا من جتني اهمومي احس ان الليالـي طـوال واشوف الهم يهديني مـن جـروح الزمـن فنـه ترى ما يوم يا همي شكيـت علـوم مـا تنقـال ولا قد قلت لك قلبـي ليالـي العمـر مـا تحنـه : ولا غامرت لجل ابقى ولا آقابل جفـا بوصـال ولا اتمادى واسن بشـي رب الكـون مـا سنـه ولا اعشق عشق ما ينطاق ولا اوفي للوفى بهبال ولا اوصف دمعتي نهر(ن)ولا اوصف حالي بكنه : على رغم الالم بنهي معاناتـي علـى ذا الحـال واذا خالفنـي الواقـع فابـد مـا عنـي و عنه |
يمكن مع الأيام تآتي غبينه وأحتاج عينك والدموع ولضاها فإن كان عندك دمع لا تذرفينه عيني قضى من فقد الأحباب ماها ------------------------------------------- لو السنين تطول مع كل صدمه والله لا أعيش وتفني الخلق ما متّ ------------------------------------------------------------------------------------------------------------- اضحك وخل اللي يشوفك يقول انت مثل السحاب فرحك.. والامطار بسمتك |
-------------------------------------------------------------------------------- لا تحاول تختبرني الصّبر واصل لحدّه والغرام اللي سكني واصلٍٍ حدّ الجنوني ضايقٍ صدري حبيبي صار لي فاقدك مِدّه كل يوم آقول بكره تفرح بشوفك عيوني خذ شعوري في يدينك خله يبكي ثم هَدّه ودّي يستشعر حنانك / دمعٍ أتعب لي جفوني آتحرى كل ليله وصل يهدم فيّ سدّه ثم يفاجأني سكوتٍ بعثر الصمت بسكوني تدري إنّه كل ليله يبلل الدمع المخدّه وتدري الأحلام يمّك غصب عني ياخذوني شي طبيعي دام أودك ودّ مو أيّة مودّه حتى ما ودّي الثواني عن وجودك يبعدوني تدري إن الصبر منّك كنت من قبل آستمدّه بس أشوف الوقت يبخل والدقايق حيروني عطني بالأسبوع ساعه تكفى قلبي لاتردّه تكفى ملتني الزوايا والأماني عذبوني والحزن هاللي تشوفه واضعٍ يدي بيدّه قام يسحبني غصيبه .. لين يديه اجرحوني هذا قصرٍ لك بنيته كان ماتبغاه هِدّه وخذ عيوني لك هديه .. دون شوفك مايبوني |
| الساعة الآن 08:54 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011