العلم رده يابن الاجواد لاجاك=من مصدرٍ رمز الحقايق رصيده
علمن يعده رجل مثلك وشرواك=شروى الرجال أهل الصفات الحميده
علماً مثل ماهو هنيا هنياك= معناه واحد والعباره وحيده
علماً مثل دور الهبايب والافلاك=علماً متى ماقلت عيده اعيده
مايجهله رجلاً معه عقل وادراك=ماتجهله غير العقول البليده
علماً تعلابه وعلم يتعلاك=بالقير واليمنى تدور الحديده
ماهو سوالف عند ذولا وذولاك= اللي لهم وجهة نظر بالعقيده
اللي سوالفهم تشربك تشرباك=ناس تنقصبه وناس تزيده
والعلم واضح والحقايق ماتخفاك=لكن ماني عارفن ويش تريده
تعال فهمني عسى الروح تفداك=ان كان بالموضوع امورن جديده
اشرح لي المو ضوع وعطني به ارياك=لين الهدف بالرمي نقدر نصيده
ومهما علي اخطيت مسموح باخطاك=خطاك يعطيني دروسن مفيده
وكان الخطاء مني فانا ادور ارضاك=سيّد ولاينظر لغلطات سيده
وكان العذول بهرحته غير ارياك= راجع جميع اللي مضى واستعيده
وكثر الكلام وماحوى يربك ارباك=لكن نظرات النداوي بعيده
واللي جرح خاطرك مادور ادواك=مهما نظرت دواك في كف ييده
دار الخفوق اللي من الظيم يدراك=واصدق معه مدام ممشاه سيده
ودور عظيم الشأن ومدله يمناك=اللي دروب المعرفه ماتكيده
وخلك على هقوة رفيقك لياجاك=ابذل له المجهود وخلك عضيده
وخلك وسيع ابطان بادناك وقصاك=وخلك زبون للظروف الشديده
والضيف سره في ابتسامة محياك=بسمه وترحيب وحفاوه فريده
وأبصم على صفحات الامجاد ذكراك=وخللك بالتاريخ ذكرى مجيده