قصتي قصه عجيبه تذهل العقل الرزيني=كم لي اكتمها وضاق البال منها يافلانه
صدمتي في الحب طعنه آدمت القلب الحزيني=ياعسى من كان سبة لوعتي يلقى هوانه
فاضت جروح المشاعر والآسى زود آنيني=مادريت إن التنازل يابشر ولّى زمانه
جيت ابي روضة خفوقك بعدما ضاقت بعيني=فاسمعي من بوح قلبي اعترافه بالإدانه
وإقبلي مني اعتذاري إختلط شكي بيقيني=حرت اميز في دروبي إنخدع قلبي بحنانه
العشير إللي تنكر عقب ماضيع سنيني=مارحم حرقة فؤادي ماجبر كسري لعانه
إنحصر فكره بذاته مارحم ضعفي وليني=غرّ قلبي لين سلم له حياته بإمتنانه
خوفي العذال تشمت يظهر الحقد الدفيني=انشديه إن كان مؤمن بالمُهيمن جلّ شانه
ينصر المظلوم مهما طال ليل الظالميني=ليه ماراعى خفوقي ماحفظ عهده وصانه
هان قدره يوم حبه ولغلاه اصبح رهيني=ليه ماحكم ضميره واهو من نفس الديانه
ضحكته باقي صداها وعبق عطر الياسميني=والمكان إللي جمعنا غيبته هزت كيانه
اشهد إنه في فؤادي رآهن ويكسب ضنيني=من يسوي بي سواته لاحشا ماني جبانه
للوفا فيني علامه فارقه بينه وبيني=هذا من طيبي واصلي رغم تهميش الميانه

اختي الغاليه ذكري الغالي ياسلام عليك

وهذا النص المترجم للمعاناة والإحساس بشعور الآخرين



وهذا الحرف يلايم الجرح الدفيني صح لسانج وفكرج


لا شك أنه يلامس الجروح ويخدم شريحة من المجتمع

تقديري لج

المشاركة الأصلية كتبت بواسطة عبدالعزيز الفدغوش (المشاركة 258711) من حسن الطالع أن أكون أول من تقع عينيه على سمو الحرف وجمال الهدف ونبل المقصد وحتما سأعود لأرتوي شعرا

المشاركة الأصلية كتبت بواسطة عبدالعزيز الفدغوش (المشاركة 258712) إن الإنسان الفاهم المدرك الواعي يعرف أن الشعر رسالة والشاعر المقتدر من يؤديها حرفنة وأصولا وهذا النص المترجم للمعاناة والإحساس بشعور الآخرين لا شك أنه يلامس الجروح ويخدم شريحة من المجتمع طاب وقت وقلب المترجم والمجسد لجمال الحرف المدرك للظرف