شبكة الشموخ الأدبية - حتى المدينة......

حتى المدينة بعدها صدرها ضاق

ولا أنا ويش عاد لو ضــــاق بالي

كن هذي أول مره بعمري اشتاق
يعني لها صار اشتياقي خيــــــالي

قولوا لها لو في يدي ذبح الافراق
قمت اذبحه واحيي معاها وصالي

فديتها لو كان تحرقني إحراق
تمون لو تستمتــــــــــع بحرقها لي

لو تأمر بموتي وشفته لها راق
قلت الطلب راخص وهي كل غالي

لو تعتبر حبي لها قلة أخلاق
ببقى قليل أخلاق حتــــــــى زوالي

اللي لها فيني حشا ما هو أشواق
جنون حب وصار فوق احتــــمالي

يمكن تفكر بعدها شي ينطاق
ما تدري إنها روحي ورأس مالي

سالم الصقور