|
في رثاء سلطان بن عبدالعزيز ...!!! سلطان لو مات يبقى حي في كل قلب أمير .. والإبتسامه والعطآ سيرته ** هذاك أبو خالد اللي غيثه بْكل درب قلبه وطن شعب وآصبح حبنا ديرته ** نجمِه أفَلْ .. لا ما أفَلْ .. متربّع بْكل سرب أبو المكارم عسى الجنّات هي خيرته ** سلطان كل القلوب اللي كسب ..حب شعب أبو اليتامى .. ضياء الطيب تنويرته ** كم فك قيد .. وقضى دين .. وتصدى لْكرب كم أفرح انسان .. وأطلق للسعد حيرته ** أتعب وآنا آقول .. كم .. وكم .. لو جبت كتْب سيرة بطل تكبر لدينه كذا غيرته ** شعر / متعب آل حشيان الروقي |
رد: رثاء سلطان بن عبدالعزيز ...!!! رحم الله سمو الأمير سلطان بن عبد العزيز سلطان الإحسان والخير والعز والمجد وصح السان الشاعر والناقل |
رد: رثاء سلطان بن عبدالعزيز ...!!! رحم الله سمو الأمير سلطان بن عبد العزيز وغفر له جوهر الراوي يعطيك العافيه |
رد: رثاء سلطان بن عبدالعزيز ...!!! قصيدة رثاء في ولي العهد الامير سلطان بن عبد العزيز يرحمه الله سائلين المولى عز وجل أن يتغمده بواسع رحمته ومغفرته وأن يسكنه فسيح جناته، وأن يجزيه خير الجزاء لما قدمه لدينه ووطنه. إنا لله وإنا إليه راجعون. يفز الدمع من عيني واصيح بصرختي شفقان ابوي اليوم ودعني وداع زلزل الارضين ابوي اليوم ودعني وداع قدره سبحان وداع فجر احزاني يا ربي ارحمه امين يتيم اليوم انطقها قصيد يعزي بسلطان على مسرى جروح الصبح بكيت بدمعتي حرفين حروف تشبه النزعه وغصت طالب الغفران مراسيها على صدري بأسمه ناقش الكفين تألمنا من الدمعه واصبحنا بلا اوطان على أخباره ومات الاب لصيته متقن التلحين فلا افقه بما اكتب كسوف فجر البركان بلا معنى على معنى صرختك بالام اهين لاهاتي صدى صوت يركع بالحزن انسان الا الرحمه ورحماته اللهي خالق الثقلين الى اب بنى عرشه شموخه زلزل الاركان على حكمه تلا حنكه لعزة اخضعت بكين مفارقها على سبعه وسبع أحكمت لقمان سوادسها على خمس بربع والثلث تخمين نعانقها على اربع نعينا والدي سلطان سلاطين انحنت لاجله وفزت بالبكى للصين تراتيلي على روحه بسورة قاف والرحمان بتجويدي أبتلوها واختم ركعتي بياسين بأقلامي واحباري تناغم حزني العمران أقسمها على اوراقي وافسر حكمت التسنين بقول الله سبحانه عظيم الشأن والسلطان على فاهي الف حرف يباري برزخ البحرين جري فيني مثل دم وعودني على الكتمان لاجل اني كتبت الشعر بقلب يعشق التظمين فأنعوني الى المشرق وغرب ابتدى الطغيان صدى شاعر يغنيها قصيده تفقد التقنين فلا اقسم ولا اقسم وربي منزل الفرقان الا الرحمه ورحماته لامير جامع النورين الا نوره على نوره وعبرة مصحف وقرأن كما الاية ارددها (وحسبي مهدي النجدين) لذكراها على مولد نبي محمد العمران ربيع الاول (بأشهر)بيوم سمي الاثنين قصيدي كرر النقطه الى الجنات يا سلطان على مسرى قصيد الامس بكيت بدمعتي حرفين بضيقه افجرت صدري ودمعة اثنت الاغصان لعبرة اخنقت كلي ضرير بالقسى واللين لاختم ما ابتدى شعري وابدء قصة الانسان وأصلي عد ما كبر مساجد لصلا والدين للشاعــر .. ثامر بن جدعان |
رد: رثاء سلطان بن عبدالعزيز ...!!! أبو سعد بارك الله فيك جزاك الله خير |
رد: رثاء سلطان بن عبدالعزيز ...!!! غربة الروح بارك الله فيك جزاك الله خير كل الود والورد لك |
رد: رثاء سلطان بن عبدالعزيز ...!!! . . . احترت مادري ويـن اوجـه عزايـا للشعب .. للقايد .. للاحسان .. للناس والا ليتـمـانٍ بـكـل الـزوايــاا و هـو لطـلابٍ بلنـدن وتكسـاس يبيكيك بحـر الجـود ونهـر العطايـا وساحل كرم مدك ضرب خمس باسداس يعطـي بـلا مـنٍ بسـر وخفـايـا يمناه رطبـة دوم تعطـي بـلا قيـاس ماتجتمع في شخـص كـل السجايـا ماغير أبو خالد علـى الكـل نبـراس ياماخضعـت لريـاه كـل القضايـا حكيم راي وبالشدايـد قـوي بـاس غيّبـك مـوتٍ حـق كـل البرايـا وتبقى لنا ذكـراك عطـرٍ بالأنفـاس يالله طلبتـك وأنـت تسمـع ندايـا تجعل له الفـردوس منـزل ومجـلاس . |
رد: رثاء سلطان بن عبدالعزيز ...!!! جآنيَ خبر موتہ ؤضآقت بيّ آلدآر كن آلخخبر سكين بين آلمححآنيّ قآلوآ خذآه آليوم قصآف ( آلآعمآر مككتوبَ / وآلمكتوبّ مَ فيہ ثآنيي آلنفسَ ضآقت ؤآلحشآ يشتعل نآر يشهد عليَ آللہ غغغيب زمآنيّي .. آلعين هلتَ ؤآلعقل صآبہ أفقآر ؤالنفس ضآقت ؤآلفرح مآبغآنييَ يَ موتَ ردهہ لؤ علىَ ردهہ آعمآر آستغفر آللہ ل ؤين حزنيَ خذآنيّ تذكآر لآكنہ مآهؤ آيَ .. ( تذكآر مآكل شخص غآب ذكرآه لفآنيَ لكن ترآ(سلطان) لو صآر مآصآر فيَ ذمتيَ ذكرآه بين آلمحآني |
رد: رثاء سلطان بن عبدالعزيز ...!!! المجد من يوم سلطان إنطفى نوره
صار ايتقهوى الهموم ويقدع أحزانه وعيوننا لو تهل الدمع معذورة الشعب كله تقول أبناه وإخوانه على الوطن حط ليل الحزن ديجوره وألقى عباته على دوره وسكانه ساعات أحاول وأحث الشعر وبحوره يادوب جادت لي بحوره وقيفانه مات الكريم النبيل الفذ الاسطورة أكرم رجل في الزمن هذا وسلطانه فقيد الأمة . . حكيم العصر . . دكتوره بحر الكرم . . هامة التاريخ . . عنوانه سلطان من كثر ماينفق بميسوره للجود صارت علامة بين حجانه لو عدّوا أكثر عطا في كل معمورة الناس في خانة وسلطان في خانة سلطان فخر الزمن لو تكثر اعصوره كل الميادين ماجت ربع ميدانه أفعال سلطان بين الناس مذكورة والعالم ايعد أبو خالد من أركانه ومدات كفه ماهيب لناس محصورة في كل بقعة وشبر ايهل ودانه وأمجاد سلطان للأجيال مذخورة حر(ن) ينومس بمخلابه وجنحانه وإن غاب أبو خالد الإنسان أخو نورة ماغاب يبقى بمعروفه وبإحسانه له سيرة(ن) في قلوب الناس محفورة في كل موقف عظيم ايبين برهانه وفي كل مشروع خيري يتضح دوره يالله عسى جنة الفردوس مسكانه يحبر مع الأنبيا والروح مسرورة ويفوز في رحمة المولى وغفرانه وإن مات أبو خالد الإنسان الاسطورة مامات موجود بأفعاله وبإحسانه |
رد: رثاء سلطان بن عبدالعزيز ...!!! سلطان تبكيك القصايد والأشعار وتبكي على فرقاكك كل المدينه ماني مصدق يوم ذاعوا بالاخبار قمت أتلفت صدق ؟ سلطان وينه ؟ المملكة تبكي فراق ابنها البار يبكيه كل الشعب ربي يعينه سلطان عم الحزن في كل الاقطار الكون مظلم والأماكن حزينه مالوم من يبكيك يا مكرم الجار والله فراقك صعب والله غبينه ندعي لك الرحمن للذنب غفار ينزل عليك المغفرة والسكينه مني العزا ياصل طويلين الاعمار اللي على الأوطان أيدي أمينه سلطان تبكيك القصايد والاشعار الكون مظلم والأماكن حزينه |
رد: رثاء سلطان بن عبدالعزيز ...!!! و قد ترجم الشاعر إبن حصيّن الصندلي السبيعي مشاعره بهذه القصيدة . . أحسن الله عزاكم يا عيـال السعـود و أحسن الله عزانا في ولـيْ العهـد راح سلطان رمز الجيش رمز الجهود كل شعب السعوديـة بطيبـه شهـد ساطيٍ فاهمٍ حـلال صعـب العقـود كل يـومٍ مغامـر لجلنـا مـا قعـد زود الجيش راعي الجود من كل جود و كل برجٍ مشيّد ب/الشرف له صعـد رحمـة عليـه أنقـاذ كـل الحـدود و فرّش الله روحه جنة فـي اللحـد كلمة من ضمير فيـه حبـك يـزود من قديم اليالي حاضـرٍ فـي الوعـد و عن سبيع الجزالة عن سبيع الفهود أتقدم و أعـزي يـا طيـور السعـد أحسن الله عزاكم يا عيـال السعـود و أحسن الله عزانا في ولـي العهـد .. . . |
رد: رثاء سلطان بن عبدالعزيز ...!!! صبــاح يـــوم السبت زلــزل كيــانـي كـــن الصواعق وقــعت فوق راسـي أذاعــوا الأخبــار .. والــعلــم جــاني كـــلُ نعى سلطان مــا فيـــه باسي قـالوا : ترى سلطـان خلى المكانـي راح الكريم الــلي له المجد ساسي ريـــف الضعــوف اللــي بليّا عـاواني راع الــمكــارم فالشرف كان راسي وأن كبـــرت القالات حــد السنانــي وأيقض ضمير اللي للأنسان ناسي مرحـوم ياسلطان من غير شأنـــي وعسى المزون الغر لقبرك تماسي وعساك في الفردوس كل الزماني وعسى ولي العرش فيكم يواسي وأعــزي القــادة …. بلــيا تــوانـي وأنتــم ذراي وعز راسي وناســي مــن غيركــم للدين والــحق بانــي والكل منكم دوم فى العلم قاسي فــي حبكم تبلى الضلــوع الحواني ودرب الشريعة حق مابه مساسي وأنتــم حماة البيت قاصــي ودانــي و يانعم (أبو متعب) شديد المراسي ونايــف مــع القانــون مافيــه ثانــي نايـف منيف وسطوتــه ما تقاســي شعر :::::::::::: مسعد المطيري |
رد: في رثاء سلطان بن عبدالعزيز ...!!! صورتك بالشاشه وبعيوني دموع قآلوا توفى قلت هذي اشاعه >:/ لين الخبر اكد وبالشرح متبوع وضاق الفضاء بعد كبر اتساعه :( مرحوم ياسلطان والقلب موجوع ولي عهد المملكه ومركز شعاعه مرحوم ياسلطان والكل مفجوع :| ارثيك يابو اليتامى ذي الاستطاعه |
رد: في رثاء سلطان بن عبدالعزيز ...!!! مت ، يا ماسح بيديك دموع اليتامى ؟ و تركت خلفك مليون دمعة يتيمة خلاص مت ، وخليت البشر بإتباع طبعك حلامى لين حسينا بدونك حياة مالها قيمه أنا لو أقول سلطان ، هو سلطان سيد النشامى أنار الدنيا ببسماته بعد ما كانت عتيمه هو جيش ، فوق عرش جيشه تسامى يطفي نار كل مظلوم ، و الكيد يرده لظليمه كم من يتيم يضحك ، و اليوم جرحه تلامى و كم من لمسته جروح منثورة وصارت لميمه يرحمك رب الكون ، يا سلطان كل النشامى بعد موتك ، من يواسي مليون دمعة يتيمه ؟ |
رد: في رثاء سلطان بن عبدالعزيز ...!!! ياكم فرح من جود كفه مساكين وياكم عطى من فضل ربي بيمناه سلطان سلطان العطاء قولوا آمين يالله عساها جنة الخلد ملفاه يا ماسح دموع العجز واليتيمن يارافعن هامات ووجيه وجباه مواقفه تشهد لها هالملايين يطوي الفقر من هو ضحك له محياه الموت حق وماعلى الأرض باقين والحمد لله وكلنا نطلب رضاه منزله جنّه بين خير النبيين في جنة الفردوس يارب نلقاه شعور حزن وفاض لو كان بيتين لنجم ٍ أفل نوره عن الدار عزااه ’، عبدالله المعزي |
رد: في رثاء سلطان بن عبدالعزيز ...!!! الدم دمع المملكـه بعـد سلطـان يالله تجبـر شعبـنـا فأمتحـانـه فالصدر هم حالف اليوم الأحـزان حرق غصون القلب زود اغليانـه هذا القدر في جولته يرخي اعنـان تعجز بشرناكيـف تلـوي عنانـه نلبس ثياب الشكر في حمد و ايمان ونرجع غلى هدي النبي في بيانـه غيبة سراج المدح في كل ديـوان منها الكـرم زاد بنحيـب اهذيانـه صبرك وطنا لا طوى البين شامان باقي هل العوجاء سيـوفٍ مكانـه صقر العروبه والعزا معك سلـوان حنا دروع الشعـب وانتـم كيانـه يا شامخ الهامه على أحداث أزمان تخدم بيـوت الله سلـوك وأمانـه والشعب مده صبر نايف و سلمـان و خالد ولد سلطان في ثبات ورزانه حكامنا من دون عيبٍ و لا نقصان واللي يشهد بالصدق يطلق لسانـه والعمر يحسب عمل فضل احسـان ماهو بعد سنيـن مـن دون خانـه ’، ناصر العبيدي |
رد: في رثاء سلطان بن عبدالعزيز ...!!! ياراحل عنا ومازلت موجود ,, والله مانسفى اثرك السوافي ,, لومافقدنا قبلك أعمام وجدود ,, قلنا جرحنا البعد ياشيخ كافي ,, انا حزين الروح والطرف مسهود ,, لاعارف سقمي ولاني متعافي ,, ياالله يامحيي ورق يابس العود ,, وياعالم ماكان في النفس خافي ,, تجبر عزانا ف ((سلطان )) منهل الجود ,, ابو الجميع اللي له الشعب وافي ,, النائب اللي له على الشاهق بنود ,, واللي عمر وديانها والفيافي ,, لاثارت الأحداث وقف كما الطود وتصير بأمر اللي كتبها عوافي ,, لو القوافي دمع واوراقي خدود ماكان جفت في رثاه القوافي ,, اللهم ارحم سلطان بن عبد العزيز واسكنه فسيح جناتك ,, "اللهم ابعثه مبتسماً كما عهدناهـ وزده فرحا ونعيما وسرورا |
رد: في رثاء سلطان بن عبدالعزيز ...!!! |
رد: في رثاء سلطان بن عبدالعزيز ...!!! |
رد: في رثاء سلطان بن عبدالعزيز ...!!! قـم يانديبـي وانـت طلـق الحجاجيـن .................خابـرك لا جـا لازمــك مــا تـوانـا والله لــو ارسـلـك للهنــد والـصـيـن .................منته بعاصـي يـوم غيـرك عصانـا والحيـن قـم الحيـن الحـيـن الحـيـن ..............اخـذ الرسالـه بـعـد مــا العـلـم جـانـا ماهيب لحية جمس واصـب بنزيـن ...............واشيّـك الموتـر واشـوف اخويـانـا احـجـز عـلـى بويـنـق ام الجناحـيـن ................طيـارهـا كابـتـن نسـيـب قـصـرانـا وجهتك دار العز وارض الحرميـن ................علـى الريـاض العاصمـه وحــددانا واليا وصلت هناك سوق القدم زين ................علـى اليمامـه قصـر بيـض اليمـانـا قــدم تعـازيـنـا لـخـطـلان الايـديــن ..................ال الـسـعــود احـبـابـنـا واقـربــانــا وقــــدم تـعـازيـنـا لــكــل الـوفـيـيـن ..................شـعـب السـعـوديـه حـمـانـا ذرانـــا اللـي لهـم موقـف معانـا مـن سنـيـن ..................واللـي لهـم فـي مـاكـر الـعـز شـانـا هم ذخرنـا بالوقـت فالعسـر والليـن ..................مــن مسـتـواهـم ينـطـلـق مسـتـوانـا هـم درعنـا الواقـي وسقـم المعاديـن ..................يـامـا و يـامـا اقتـضـو مــن عـدانــا الله يـعـظــم اجــرهــم بـالـمـوازيــن .................والله خـذا مـن بـعـد مــا الله عطـانـا راحــو مقـاديـم الخـلـيـج المسـمـيـن ..................وسلطـان مـات ويجـبـر الله عــزانا يبكـيـه محـتـاجٍ عـلـى عاتـقـه ديــن ...................ويبكيـه رجــالٍ مــن الضـيـم عـانـا ويبكيـه مقهـورٍ لحـق حالـه الشـيـن ..................ويبكيـه مـن هـو فـوقـه البـيـن بـانـا يبكيـه قصـره والحـجـا والـدواويـن ..................ويبكيـه كرسيّـه فـي هــاك المكـانـا ويبكيـه ربعـه والرجـال العزيزيـن ..................ويبكـيـه كــل الـلـي سـمـع بالبـيـانـا ويبكـيـه حـكــام الخـلـيـج العفيـفـيـن ...................ويبكـيـه حـكــام الـعــرب وحلـفـانـا و يبكيـه شعبـه والفقـارا المساكـيـن ...................ونبكيـه حـنـا مــن عمـايـق حشـانـا لكـن لـو نبكـي مــن القـلـب والعـيـن ....................مايـرجـع الـلـي راح كـثــرة بـكـانـا مـالـه ســوا دعــوة عـبـادٍ مصلـيـن ...................نرجـي عزيـز الـجـاه يقـبـل دعـانـا سقي ثرا قبره مـن المـزن شهريـن ..................ستـيـن ليـلـه والمـطـر فــي حـمـانـا وينبـت علـى قبـره ورود وبساتيـن ..................وندعي عسا مثـواه روض الجنانـا لـوكـان ودي ســد حفـرتـه كوهـيـن ..................والا الخبـيـث البعـثـي الـلـي بـلانــا راحــو مقـاديـم الخـلـيـج المسـمـيـن ...................وسلطـان مـات ويجـبـر الله عـزانـا صحيح نبكـي مـن فـراق الكريميـن ...................والـدمـع سـايـل لـيــن بـلــل لـحـانـا هـذا القـدر مكتـوب واحنـا مطيعيـن .....................نـصـبـر وعـنــد الله نـلـقـى جـزانــا والامـــــر لله والاوادم ضـعـيـفـيـن ...................يالله عسـا الرحـمـن يـدمـح خطـانـا والختـم صلـوّ عـد ماترمـش العـيـن ...................علـى الرسـول الهـادي اللـي هـدانـا ،: شاعر كويتي ؟؟ |
رد: في رثاء سلطان بن عبدالعزيز ...!!! سعود الشطيطي و قصيدة (رثاء في سلطان بن عبدالعزيز) http://ftll.cc/wp-content/uploads/20...طي-150x150.png يالله عطفك ولطفك يالعليم الخبير معاد فينا على الاحزان باقي جهد اللي قضيته وقدرته بحكمك يصير واللي بنيته من أمرك يالولي مايُهد نسئلك رحمتك في يوم النشور الكبير يآهازم الظالمين وناصر المضطهد مادايم إلا أنت ولا الموت طير ويطير يصيد مخلابه الشايب ومن فـ المهد من امس واحس كن الارض بي تستدير فالعين دمعه وفي كبدي طعون ولهد اللي سمعنا صباح السبت عبر الاثير بيان فيه الخبر ينعي ولَي العهد سلطان الامجاد مغني من عطاه الفقير اليا زهد غيره بماله عطا مازهد سلطان عن كل سلطانً على الارض غير مافيه مشروع خيري بوقفته ماشهد إنقاد من موتته حزن يفَج الضمير في ذمتي حزن كنه حزن موتتة فهد الله يجبر عزانا في وفاة الامير اللي بتبطي ماجابت مثله أم النهد |
رد: في رثاء سلطان بن عبدالعزيز ...!!! الحمد لله على قضائه وقدره وإنا لفقده لمحزونون ( رحم الله ابا خالد وأسكنه فسيح جناته ) الصبح يالله بان من غابـشٍ فيـه ياللـي تعاتـب غابشـه لا تلومـه خل العتب, والعذر . لا صرت ترجيه طالع بوجه الشعب قبـل الحكومـه راح الصباح وملّـه اللـي شكاويـه والآم صدره عزلـت عنـه نومـه كان يتلحف حلم مـا كـان يعطيـه اعز شخص معـه يقسـم احلومـه والحلم راح وراح بالحلـم راعيـه اللي تصليـه الحشـود وتصومـه مات الكبير اللـي علينـا هقاويـه واحمايـة الله منـه ليلـه ويومـه نبكي بحر صدره وخيـره ونبكيـه ونشكي سبب فقده وفقـدان حومـه الحزن بـان وبـان فينـا مواريـه وبانـت مفاهيمـه وبانـت أثلومـه لو نهرق الدمع الدمـع مـا يكفيـه والقلب دمعه صـار فـوره وقومـه يالله تجبرنـا بمـوتـه وتعفـيـه من كل ذرة ذنب داسـت اهدومـه وتجبر عزا الدولـه وآلـه وباكيـه واخوه قايد شعبـه اللـي اعلومـه تنومس الشعب السعـودي وتغنيـه ماحي كدر شعبه وجالـي اهمومـه وتجبر عزانا فيـه وتعوضنـا فيـه وتعوَض أهل الدار شعب وحكومـه ’، سلطان العطاوي |
رد: في رثاء سلطان بن عبدالعزيز ...!!! ( 1 ) مآ مآت سلطآن .. قولوآ غيرهآ .. تكفون ! [ قولوآ إشآعه ] .. وقولوآ أي شي .. رآضي مآ مآت .. لـ الحين عآيش .. إيه أنآ مجنون لـ جنَّة الخلد .. [ وبـ رحمتك يـ القآضي ] ! [ مآني مصَّدق ] .. ولآ نآقص .. دموع إعيون مآني بـ نآقص .. [ حزِن أكثر من المآضي ] شفت الخلآيق .. بـ كثر إدموعهم .. يبكون ! عرفت / دمع السعودي .. مو على / الفآضي ! عرفت / دمع السعودي .. مو على / الفآضي ! عرفت / دمع السعودي .. مو على / الفآضي ! عرفت / دمع السعودي .. مو على / الفآضي ! عرفت / دمع السعودي .. مو على / الفآضي ! ( 2 ) قآلوآ : توفَّى .. قلت : [ يآرب إشآعه ] ! قآلوآ لي : صدَّق .. قلت : مآني مصدَّق ! قآلوآ لي : .. روح وأسمعه / فـ الإذآعه رحت .. وسمعت .. وعقبهآ .. مو مروَّق يآ ضيق هذآ الكون .. رغم إتسآعه ! يآ فقدة .. الغآلين .. [ جدَّآ تضيَّق ] ! ( 3 ) مآ ضآقت إعيوني .. ولآ ضآق حآلي ! الكون كلَّه .. ضآق في .. فقدة إنسآن [ لو الدموع ] .. إترجَّع إنسآن غآلي ! كآني .. بكيت الدهر كلَّه .. لـ سلطآن كآني .. بكيت الدهر كلَّه .. لـ سلطآن كآني .. بكيت الدهر كلَّه .. لـ سلطآن كآني .. بكيت الدهر كلَّه .. لـ سلطآن كآني .. بكيت الدهر كلَّه .. لـ سلطآن ( 4 ) يآ ربَّي إرحمه .. وأسكن روحه الجنَّه ! وثبَّته وقت السوآل .. وكون في عونه ! [ رآح وتوفَّى ] .. من الدنيآ .. ولكنَّه ! سلطآن حيَّ .. بـ قلوب اللي يحبونه ! سلطآن حيَّ .. بـ قلوب اللي يحبونه ! سلطآن حيَّ .. بـ قلوب اللي يحبونه ! سلطآن حيَّ .. بـ قلوب اللي يحبونه ! إي والله حيَّ .. بـ قلوب اللي يحبونه ! وهذه الأخيرة .. لـ الملك عبدالله .. الله يحفظه لنآ ..!! رغم الألم .. والمرَض .. والكبْر في سنَّه ! [ وفرآق سلطآن ] .. وهموم الشعَب كلَّه ورغم الظروف .. [ وألمهآ اليوم ] .. لكنَّه ! صآبر .. عسى الله .. يطوَّل عمْر .. عبدالله صآبر .. عسى الله .. يطوَّل عمْر .. عبدالله صآبر .. عسى الله .. يطوَّل عمْر .. عبدالله صآبر .. عسى الله .. يطوَّل عمْر .. عبدالله صآبر .. عسى الله .. يطوَّل عمْر .. عبدالله المعذرة لو أطلت .. كآنت جميعهآ فضفضة الأمس 24 / 11 / 1432هـ أخوكم / عبآدي الزهرآني ..! |
رد: في رثاء سلطان بن عبدالعزيز ...!!! البدع/نايف بن حكمان أحسن الله عزانا مات سلطان بـن عبدالعزيـز راح أبو الخير راح الطيب اللي عهدناة الجمايل روح تحزن وعين تدمع وقلـب يمـلاه الحـزن في صبيحة نهار السبت ضاقت بنا الدنيا الوساعه واحتدنا المشاعر بالحزن من شمال ومن جنوب أتقوا الله يا عالم وحيدوا عن دروب العصاتـي راح يمشي على رجوله وجنـا بنعشـاً وكفنـى الرد/الحديبي يالله الطف وديم الفضل وارحم لنا العبد العزيـز بعد موته تحن اجبال حتى تشوف العـرج مايـل تحزن القمة الصمـا ولا لمـت قلبـي لا حـزن في مماته نشوف الناس تبغي تقف لو كان ساعـة والحديبي نوى يوقف على العظم لو عظم الجنوب بعدما راح ابو خالد بكى الطفل واللي له عصاتي يالله انـك تجيـره واكفـه النـار يالله واكفـنا |
رد: في رثاء سلطان بن عبدالعزيز ...!!! سلمت يداااكـ تقديرے واحترامے لشخے ـصكـ وطرح ـكـ الراقے ذكرے الغالے |
رد: في رثاء سلطان بن عبدالعزيز ...!!! |
رد: في رثاء سلطان بن عبدالعزيز ...!!! |
رد: في رثاء سلطان بن عبدالعزيز ...!!! |
رد: في رثاء سلطان بن عبدالعزيز ...!!! أشجان التميمي أسعدني مرورك العاطر بارك الله فيك كل الود والورد لك |
رد: في رثاء سلطان بن عبدالعزيز ...!!! الشاعرة الجفوول أسعدني مرورك العاطر بارك الله فيك كل الود والورد لك |
| الساعة الآن 11:33 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011