http://www.qzal.net/01/2011-12/13229016351.jpg

صوت .!
’،

يا الله ياعلام غيب الخفيات =يا عدل يا رحمن تلطف بحالي
يا باسط ٍ سبع وسبع ٍ عليات = افرج لمهموم ٍ يعد الليالي
يطري عليّه طاري في كل الاوقات = مادمت مهموم ٍ فلاني بسالي
الناس في ضحك ٍ وبسط ٍ وسجات = وانا طواني همّي طيّ الحبالي
كل من يراني يقول خير وسلامات = عسى ما شر وصار يرأف بحالي
عزالله ان الوقت خافيه ميلات =دنيا تغيّر جوّها ما صفى لي
ذي عادة الدنيا تجيب المصيبات =والصبر محمود ٍ على كل حالي
عقب الضياق افراج ربي قريبات = لابــــد يفرجها رفيع الجلالي
يقولها اللــي جر صوت ٍ وونات =هنـــيّ من قلبه من الهم خـالي
وعلى النبي صلــوا وثنّوا التحيات =عــد الشــجر واعداد وبل الخيالي

’،
شيري الخليفه

http://t3.gstatic.com/images?q=tbn:A...vnVeagkhZ1FyRA
صدى .!
’،

سبحان رب الكون رب المجرات=هو ربنا الخالق عظيم الجلالي
سبحانه مرات ٍ ومرات كرات=طول الدهر ومقبلات الليالي
أسبّحه والعين تذرف بعبرات=من خشيته والفكر صافي وخالي
دنياك يالصاحب ولو فيها كدرات=ما غيره ربي للمصيبات جالي
مع الصبر ظفر ولا فيه حسرات=يفرجها ربنا على كل حالي
والصبر حكمه مع دروس ٍ وخبرات=تاليه والله مثل ما قيل حالي
والحزن متبوع ٍ بالآخر مسرات=جوابي واضح ما يبي له سؤالي
بعض العرب يرسم على الوجه كشرات=وبعض العرب يضحك ولا هو يبالي
ودرب الصبر وان اعترت فيه عثرات=فيه البشاره وفيه حظ ٍ وفالي
وصلاة ربي مع جميل العبارات=على نبيّه في ختام المقالي

’،
جوهر الراوي

أحلام الماضي

لله درك ما أروعك

مرورك العاطر الزاهر يسعدني دائما

كل الود والورد لك مع التقدير

الصاحب السامي

لله درك ما أروعك

مرورك العاطر الماطر يسعدني دائما

كل الود والورد لك مع التقدير