شبكة الشموخ الأدبية - جديدي .. مسموع ..ومقروء

شبكة الشموخ الأدبية (http://www.alshmo5.com/vb/index.php)

- منتدى الشعر الشعبي (http://www.alshmo5.com/vb/f7.html)

- - جديدي .. مسموع ..ومقروء (http://www.alshmo5.com/vb/t33290.html)

جديدي .. مسموع ..ومقروء

http://www.youtube.com/watch?v=9AklgRvnGtw&feature=related

قلبي اللي طار من صدري تناساني وجاك

قال أنا برحل إلى شمعة حياتي بآي .. بآي

قلت يا قلبي كذا ترحل وتتــــــركني وراك !؟

قال أنا مقدر أعيش إلا قريبٍ من هــــواي

قلت له طيب متى ترجع وكم مدة جــــفاك

قال لين أمــــوت ما فارقت يا سالم غلاي

إيه شوفي ويش صار ووين وصلني غلاك

كيف حبي لك تطور لين جاوز بي مداي

وانتي اللي ما وصلت لحل في وضعي معاك

رغم صدك كل ما اقفيتــي اردد لك نداي

آه لو الحب هذا اللي وطا فيني وطـــــــــــاك

ما هنا لك عيشةٍ في ها لحياة إلا معاي

ما دريتي بان ما به حـــــــــد في دمي سواك

وان ما شخصٍ تجنن فيك بالدنيا ســــواي

كن هرجي بالهوى لا جاك ترمينه وراك

يوم أنا حتى جروحي منك ما رميها وراي

صرت كلي أعشقك واعشق معك كثرة خطاك

تكرم عيونك إذا يرضيك يا عمري شقاي

بس قولي ليه غير الجرح ما يمكن عطاك

في زمانٍ به جزيل الود لك مني عطــــاي

كنت أظن ان جيتي لمواصلك غاية منــاك

غير خيبتي معك ظني وخيبتي رجــــــاي

لو نويت اجمع حياتي اليوم وابعد عن سماك

كنت بالواقع مفارق منتهاي لمــــــــنتهاي

هيه ياقلبي تراجع لا يضحـــــــي بك وفاك
خلني وياك نصرخ للمــــــحبة بآي .. بآي

سالم الصقور