يا أبو سعد خريطتي مفتره = ماني على ما تذكره والله إني
أحفظ مرة مار أضيّع مره = مدري مرض وإلا تقدم سني
نوبات من كيفي تجيني عره = تنقد علي تقول ما هو مني
نوب ٍ خطيب ونوب عالم ذره = ونوب يتخيل لي بدربي جني
إليا غفلت شوي قلت الجره = ما كل مره يا صل المتعني
من إتكل على الزمان وغره = وش فايدة يا ليتني لو إني
ضاق الفضا بي ديرته مع بره = ومن خرعتي رجليّ ما شالني
يقوله اللي ميل وقته ضره = كلام عود ٍ بارك ٍ متثني
كم واحد ٍ وقت ٍ مضى ما سره = لو كان لا جاني ولا متجني
أشوف تفكيري خطأ وأكره = لو أن تفكيري يخالف ظني
جار الزمان الله يكافي شره = وقامن هواجيس الضحى يردني
وأحس كل أجواء العرب مغبره = ما هو نصيح الوضع رده عني
بعض العرب من وضعها محتره = والبعض الآخر داله ٍ متهني
هذي حقيقة والحقيقة مره = ما شفت غيري شايفه لا كني
أقول لك خريطتي مفتره = ماني على ما تذكره والله إني

الشاعر القدير

مبارك الطومي

صح إلسانك و فكرك

وجملت في حرفك وشعرك