يالآدمي صحصح وفتح عيونك= وفرق مابين المخطيه والصحيحه
اهل الغدر والبوق لايغدرونك= اهل القشر واهل الردا والفضيحه
خلك لحالك وانتبه لايجونك= انصحك كانك تستمع للنصيحه
عندك مصالح كلهم يتبعونك= اهل النوايا والوجيه القبيحه
قدام وجهك كلهم يمدحونك= وإن غبت والله ماتشوف المديحه
خلك مع اهل الطيب مايتركونك= لاحتجتهم وقت الليال الشحيحه
اليا بغيت اهل الوفا يخدمونك= خلك صريح مع الرجال الصريحه
قدر رجال الطيب ويقدرونك=ترتاح واصحابك معك مستريحه
انحش عني اللي ياولد مايبونك= انحش وسرك ياولد لاتبيحه
احيان ابه رجل )ن( لايمكن يخونك= في خوته تشفى الجروح الجريحه
واحيان ابه رجل) ن( يخيب ضنونك= حرام من شانه تذكى ذبيحه