الظن

الادمي دائم بدنياه طمـــــــــاع=وكلاً يعرف ان القدر مايزله
احدن يطيع ويسمع الشور ويطاع=واحدن عما اموره وعلته علـه
واحدن صبورن للمشاكل والاوجاع=يكنها واللي يجي يحتمله
لوجاه ابوه وقال له كيف الاوضاع=يبشره بالخير مايستضله
خوفه يعلمه الحقيقه ويلتــــاع=ويضربه دربن ماهو حاسبلـه
واحدن من ميلات الايام جـــزاع=يقول لك ويقول من جاك قلـــه
في كل لحظه ينتظر صوت فــزاع=يصيح بعلا الصوت دمعه يهله
والرجل له مبنى وعنوان لمــــاع=وكلا على العنوان يعرف محله
واللي سأل عن راعي العرف ماضاع=راع الوفاء كلا محله يدلـه
واللي يحسب الوزن بالمتر والباع=قله مقاييس الوزن مستقلـــه
الوزن بالكيلو وبالمد والصــــاع=وجرامها معروف كثره وقلـه
والخوف درب مالنا معه مطــلاع=وعقدن قوين بالحبل مانحلـه
والا النوايا خافيه بين الاضــلاع=ولااحدن يعرف اللي بخاطرك للـه
والعين ترسل بالنظر صورة شعـاع=وترجم الواقع وتعطيك ظلــه
وتطبع لك الصوره على اشكال وانـواع=وعلى المدقق يصعبن الادله
والرجل بالهقوات يشرى وينبــــاع=وتعرف مقادير الرجل من سجلــه
والظن نوب يصيب وامرار خــــداع=تنهى شريعتنا عن الظن كلـــه