جديدي (( ياسيف عطني من التنباك تعميره))

[راشد ابن شهلان]

ياسيف عطني من التنباك تعميره=دميره الحال والتنباك دامرها ياهاجسي وين بدعك وين تصويره=اليوم يومك وابي تجفف محابرها الجزل هاته وانا باعطيه تاشيره=خابرك لامن طلبتك جبت نادرها الصدر يغلي وهمي نافخن كيره=وادموع عيني تغرغر في محاجرها تجمّعت ويش اسوي يالله الخيره=يمنى ويسرى بلتني ويش باخرها صبرت مير الصبر طالت مشاويره=وسود الليالي تطول بعين ساهرها من عادتي هالزمن ماحسب مخاسيره=ادوس نفسي على الصعبات جابرها وعزي لمنهو تشتت ضاع تفكيره=حاير مابين السما والارض خابرها حلمت حلم " ولاادري ويش تفسيره=وبعض المواقف تبيّن من بوادرها لضاق صدري رفعت الصوت تكبيره=اركع لربي واصلي في منابرها اشكي همومي لربي ماشكي لغيره=ومن يشتكي للبشر يلقى مصاخرها يارب عطني من الايمان تصبيره=وعند المصايب يقين ان هل ماطرها ياعبيد ياخوك مافـ الوقت تدويره=الدرب ماشي وناظر في مقابرها ارتك علي واحتزم ياطيب السيره=وروحي على شانكم ماني بــذاخرها امشي في درب الخطر واذبح مغاويره=وان قاله الله لاترسي لي بواخرها ياجعل روحي فدا روحك ياخو منيره=ياكاسب الطيب والانذال قاهرها والله لو ينجبن من روسهن غيره=مثلك لايمكن يجي باعطيك قاصرها اخوكم راشد ابن شهلان

[جوهر الراوي]

كم أنت مبدع يا راشد

لله درك

صح لسانك وسلم بنانك

قصيدة في منتهى الروعة

كل الود والورد لك

[عبدالعزيز الفدغوش]

الرائع راشد بن شهلان

صح الله لسانك وأجـدت في بيانك

وبقي التمـــيز والاقتدار عنوانك

وأعلى الرحمــن شــأنك وكيانك

ونص متكامل ورائع بكل معنى الكلمة

[وهج]

الشاعر راشد بن شهلان

صح إلسانك ولا فض فوك

وهلك أعداؤك وحاسدوك

ولله درك للقصيدة الرائعة

وتقبل تحياتي
وهج

[وديان العجمي]

قصيدة تسـتحق التصفيــق

إعجابا واستحسانا واحتفاء

لله درك وصح قلبك ولسانك

[أنوار الخفجي]

الشاعر القدير
راشد بن شهلان
أجــدت الطــــرح وابـــدعت
وفي سمـــو الكلمة تميزت
لله درك وصح فكرك و قلبك

[مبارك الطومي]

صح السانك وقصيدة طيبة

والله يعطيـــــك العافــــــية

وليت الله يفكك من التنباك وتعميرته

[وضحى المطيري]

قصيدة جميله وإحساس رائع

ومشـــــاعر صادقة ومعبرة

صح إلسانك واعتلى شانك