|
الرسالة السلام عليكم ورحمة الله وبركاته يسرني ويسعدني ان اهدي هذه القصيدة لمحبي منتدى شموخ المحبة والوفا قم يانديبي حاربت عيني النوم تسامر نجوم اليالي سهيره والقلب دكت به هواجيس وهموم لين اشعلت بالجوف نار السعيره وكفخ بجنحان السعد ودرج الحوم لاشافك الصقار ماهد طيره وسرج عنان الخيل واستنذر القوم واضرب دروبن كايداتن عسيره ورهبهم بسيفن مهند ومسموم سيفن تهيض سلته من جفيره وخلك على هقوات صاحبك زيزوم لاتهاب من دربن طويلن مسيره ويالله ياللي فارض الحج والصوم يالله من عثر الليالي تجيره والوقت ضيق والخبر سر مكتوم ويتيه به راعي الفكر والبصيره وحمل معك خطن مظرف ومختوم منصاه راعي الاوله والاخيره منصاه رجالن عسى راسه يدوم منصى الرجال اهل الوجيه السفيره وحمل سلامن ريح كادي ويشموم بالمسك والكادي شذاه وعبيره ومادمت في وصل المكاتيب ملزوم احذر تسلم خطي انسان غيره وان فك مكتوبي ولد الك بعلوم لد له بعلومن تسر السريره اساله وش الفرق بين امس واليوم واساله عن قصة نجوم الظهيره واساله عن عودن مقدر ومحشوم عودن مخيب الهقاوي الكبيره واساله عن نورنبت دونه حزوم وضحت متاهات العقول الخبيره واساله ليه الامن بالبحر معدوم واساله عن غب البحور الغزيره واساله عن حقن للاثنين مهضوم حقن كبيرن للغني والفقره واساله ليه تبدل هدوم بهدوم وترمى هدوم الضافيات الستيره واساله ليه العز مبناه مهدوم كيف هدموه اهل النفوس الحقيره واساله عن اعظم حدث صار لروم وشلون تنسى حادثته الشهيره واساله عن عقدن مرتب ومنظوم عقدن زهى جيد الفتاه الصغيره واساله وين احفاد نطاحت القوم احفاد قومن ينطحون المغيره واساله عن همال ماهو من غيوم همال غيثن نابعن من حجيره واساله عن كسرن بلاضلاع ملوم كسرن عطيبن مايشل الجبيره واساله عن بيتن من الناس مزحوم بيتن توافد له جموعن غفيره واساله عن سجنن سجن فيه مظلموم سجنن على المسجون خيرن وخيره واساله عن هيكل مضيع ومزعوم فيه اليهود مع النصاره خشيره واساله عن جاهل على الصدر مزموم يبيري الأكمه والعيون الضريره واساله كيف اشعيل للحمل زيزوم ان ماسمعت رغاه تسمع هديره واساله عن دار بها اثار رسوم وش تعني الاثار في كل ديره واساله عن روسن تعلا لها نجوم من فوقها مثل الرحى المستديره واساله ليه البل على ارقابها وسوم ومن الوسم معروف منهو بعيره واساله عن رجلن مؤمر بمرسوم امير لكنه يخضع لوزيره وان جاء جوابه غير واضح ومفهوم لاتقاطعه خله يكمل مسيره وقبل الخاتم وقبل من عنده تقوم استاذنه في كلمتينن اخيره الاوله خذها مثل فارق السوم ماينقص المثقال حبة شعيره الحق مهما فيه يلحقني اللوم من سبته لو يزعلون العشيره ماكتم شهادة تنهي مجالس خصوم وطمس حقايق واقعن مستنيره والثانيه لنا مفاهيم وسلوم وأداب تمنعنا عن اشياء كثيره وحدود تجبرنا على العز وندوم ونفوسنا فيها على العز غيره ونطيب في وقتن بها الطيب معدوم والحكم عند اللي يحكم ضميره واطلب منه رده على شي معلوم رده على علوم العشير وعشيره الشاعر عواض معوض |
رد: الرسالة الرائع عواض معوض صح الله لسانك وأجـدت في بيانك وبقي التمـــيز والاقتدار عنوانك وأعلى الرحمــن شــأنك وكيانك |
رد: الرسالة عواض مثل هذه القصائد يحتفظ بها الشِعر تقليديه ولكن بها من الشِعر كل الشِعر صح لسانك جزال وأكثر لا هنت على هذه الرائعه |
رد: الرسالة سلمت يداك التي تصوغ الرواائع صــح لســانك حتى ترضى لك من الاعماق إمتناناً جم ومن التقدير ما للحرف يلجم ذكرى الغالي |
رد: الرسالة الشاعر عواض معوض صح لسانك وسلم بنانك قصيدة رائعة كل الود والورد لك |
رد: الرسالة الشاعر القدير عواض معوض صح إلسانك و فكرك وجملت في حرفك وشعرك |
رد: الرسالة صح السانك وعلا شانك والله يعطيك العافية على القصيدة الرائعة |
رد: الرسالة أحب قراءة الشــعر الممــــيز الذي يمثل الســــهل الممتنع ونصك من هذا القبيل لله درك |
| الساعة الآن 04:52 AM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011