سويت لك موقع ولا بالمواقع = سويت لك بالقلب مثل الحديقه
فيها الورود اللي لها لون فاقع = متخالطٍ فيها حمار الشقيقه
شقايق النعمان فيها تصاقع = لاهب نسناس الغرام برحيقه

صدق احبك حب لو عدّا على صحرا النفود = أنبتت صحرا النفود بفصل صيف الديدحان
وانبتت كل الزهور العاطفيه والورود = وارسلت ريح الخزامى والنفل والقحويان

اعيش مصارعة حالة تجـاذب =امـورٍ ثقلهـا يضغـط عليـه
كما اللـي واردٍ مـارد ذبـاذب =وزت الدلـو وانعاجـت مليـه
جذبها بس ماتطـاوع لجـاذب =وجلس ماحوله الا المهمهيـه
يشوف ازوال بس الشوف كاذب =دريك من الضمى برضٍ خليـه

بعض السوالف بطعم التمره بزبده = لها طعم ذوق لامن جت بمنطوقه
ترقص بقلب المولع وتغسل كبده = لاقالها عاشق ومعشوق معشوقه
من الغلا والحيا تطلع كما العبده = تمشي شويه شوي شوي من ذوقه
أحيان مايبدي اشعوره واقول ابده = خله يرش الفؤاد وينعش عروقه

عسى الله يشافي من حدث وسط قلبه فتق =قبل ثقب واحـد بـس زاد وكبـر فتقـه
سبب ضغط من ضيقٍ متى منه ياتي عتق =الهـي الهـي أرزق المبتـلـى عتـقـه
قديرٍ فتق سبع السمـاوات بعـد الرتـق =فتقها بعد كانـت مـع الأرض منرتقـه
انا احس صدري به مسامير تنتق نتـق =على قـوة سقوفـه تهـاوت ومنهتقـه
الهي فـؤادي مايتحمـل يصيبـه هتـق =الهـي لجالـك انجـه وأنقـذه واتـقـه

المشاركة الأصلية كتبت بواسطة عبدالعزيز الفدغوش (المشاركة 294747) مقتطفات رائعة وحتما ساتابعها

المشاركة الأصلية كتبت بواسطة سارا (المشاركة 294838) ليست إلا قصـائـد طيّبــة لهـذا جِئنــاهـا فــارغيـن و مضينــا عنهـا طيبـون جــداً شكـراً لك .

المشاركة الأصلية كتبت بواسطة ذكرى الغالي (المشاركة 294849) http://kll2.com/upfiles/SAb44797.png إنها رواااائع أيها الرآقي لك من الاعماق احترام جم ومن التقدير ما للحرف يلجم ذكرى الغاليܓܨ

يكم جمرةٍ من موق عيني تحدرت = لها حرها لوهم يشوفونها دمعه
بعد سجنها تحولت ثم تكورت = وطاحت على وجهٍ سموحٍ لها لمعه
كما سبحة اللولو اليامن تنثرت = قطع خيطها من بعد ماهي بمجتمعه
كذا شكلها من بعد ماهي تحررت = وتتابع نواقطها مثل سايح الشمعه

مدام إنك لبست أغلى المناظر = أكيد تشوفها : غير . المناظر
نبي تقرير دامك للما ناظر = على ضوه نكمل للبقيه

مطرنا فيّضت منه المناقع = وقال الطير اوقف إلمن آقع
مطر فوقه وتحته الما ناقع= وتحّير كيف ياصل للوطيه

تناديني وانا مانيب راسي = سبب هوجاس يلعب وسط راسي
انا يمين وانت بعكس راسي = تحمّل لينها نعدّي عليّه

للخير يالمنزل اللي مرتفع من فوق ذروة سنام الطايله = وافي وسواك لضيوفك أهلك سواتك الوافيه من وفاهم
سواتهم فيك لضيوفك تعدت فوق طبع الكرام الهايله = يارب تيسر عليهم واعساهم دوم في عافيه لا واعساهم

للخير يالمنزل اللي مرتفع من فوق ذروة سنام الطايله = وافي وسواك لضيوفك أهلك سواتك الوافيه من وفاهم
هم فيك لضيوفك تعدت فوق طبع الكرام الهايله = يارب تيسر عليهم واعساهم دوم في عافيه لاواعساهم

المشاركة الأصلية كتبت بواسطة جوهر الراوي (المشاركة 299471) لله درك يا بليهد مقتطفات زاهيه من حديقتك الشعرية الغناء صح لسانك وسلم بنانك كل الود والورد لك

سلام ياديرةٍ تعرف بواد النفاخ = ديرة كرم سطر التاريخ تاريخها
في ماضي الوقت اهلها تعتني بالمناخ = هل الركايب عليهم بس تنويخها
ولانوخو يبشرون بطيب كله طناخ = قدوعهم بالصياني من شماريخها
والبن الاشقر دوا راسٍ من العمس داخ = يجلي تعبهم والاضرامه وتدويخها
وعلى الكرامه معزبهم كثير ادّواخ = حفاوةٍ تكرم الضيفان وتشيخها