قالت تمنى قلت الصدر واعلى مكانة=قالت وإن ما عطيتك
قلت القبر وأعذب كفانة = قالت لي حاشاك روحي فديتك
قالت تذلل قلت ما أرضى المهانة = بالعز أحبك ما بذلن هويتك
قالت وتخشى من رجال معانا = قلت الخشى لو هزني ما نقيتك
قالت بتتعب عل تهنا لقانا = قلت التعب ينزاح لامن لقيتك
قالت وش الحب؟قلت لحظة هنانا = اللي أتى بي لا دروبك وجيتك
قالت وش الوصل ؟ قلت يشفي لظانا = قالت حلالن قلت بالشرع ليتك
قالت لي والنبع قلت يروي ضمانا = قالت وفا قلت وافي أتيتك
قالت وقدرك قلت يعلاك شانه = تعرف مضاربنا؟ قالت هقيتك
قالت مشاعر في عيونك مبانة = والغالب إحنا قد سمعنا بصيتك
قالت حبيبن حط قدر عشانه = إن قال يالله التلاقي ببيتك
قلت الثريا قدرها والمكانة = في عرش قلبي قدر عالي عطيتك
قالت زمن من شيب الرأس شانه = قلت العهود تدوم والعمر مابين أديتك
قالت لي ضامي؟ قلت ضامي زمانه = قالت تفضل نبع حبي هديتك
أوفيت وأكفيت المعاني وزانة = مثلك فداه الروح والروح بيتك
أبشر تدلل خذ حياتي أمانة = عمري معك بادي وأنا اللي شريتك
مالي بحاسدنا ولا من وشانا = يالله ياللي من فؤادي دعيتك
حقق منى القلبين وسدد خطانا = وأحرس حبيب الروح يالله دعيتك