|
رد: ........ يُحكى أن ..... لثرثرة مساء الخير يحكى ان اول يوم كنّا صغار اهالينا لا قالوا من يروح الخباز ونعطيه ريال قمنا نتهاوش على الروحه من اجل الريال اليوم اعيالنا تقول لهم من يروح الخباز ونعطيه ريال ما احد كن يسمع طيب 5 ريال ولا كن في احد حولك طيب عشر ريال يتناحشون من جنبك و اخرتها يطلع لك اصغر واحد توه ما نبتله ريش يقول لو تدفع مليون ريال ما اروح الخباز اييييييييه راحوا الطيبين |
رد: ........ يُحكى أن ..... لثرثرة هههههههههههههههه هاذي آثار غلاء الأسعار يا بو أحمد والحمد لله للحين الخبز بريال .! : يحكى أن هناك رجل كان يريد شراء ثوب جديد للعيد من السوق فذهب إلى السوق وعندما وصل إلى السوق وجد السوق مغلق فعاد إلى بيته من السوق دون أن يشتري ثوب العيد من السوق وفكر أن يعود إلى السوق عله يجد السوق مفتوحا فذهب إلى السوق فوجد السوق مفتوحا ولكنه لم يشتر ِ الثوب من السوق بحجة أن ثوبه ما زال جديدا .! : كم ورد السوق في الحكايه :)؟ |
رد: ........ يُحكى أن ..... لثرثرة :) على طاري الخبز ذكرتني بالذي مضى اذكر وانا صغير عمري تقريبا 6-7 سنين قال لي الوالد رح اشتر لنا خبز وكان الخباز في راس الشارع وذاك الوقت تعرف حواشين العوايل تلاقيها في البيوت .. اللي يربي دجاج واللي يربي بقره واللي يربي غنمتين .. وفي بعض الوقت يتركونهم يرعون بالشارع طبعا تحت مراقبة بزارينهم .. واذكر ان في عيله عندهم تيس كبير ويهدونه بالحاره وبزارين اكبر مني سننا بالحاره حاطينه لعبه .. يا هو يسوون فيه حركات المهم وانا رايح للخباز لازم من وقفه ونظره للبزارين اللي يلعبون بالتيس وكنت اضحك من جد .. التيس جلس يناظرني من بعيد وده ينطحني منقهر مني لاني اضحك عليه المهم واصلت السير متجها الى خباز الحاره لاتمام المهم المكلف بها من قبل والدي حفظه الله وكلها اربع خبزات وانا راجع .. التيس لازال حاطني في باله بس هالمره شايل خبز يحبه قلبك ريحته تضرب الشارع طول وعرض .. حسيت ان التيس لا يزال يكن في قلبه القهر وبدا ياخذ خطوات الهجوم علي وانا بدات اخذ خطوات الهروب احاول الوصول الي البيت ولكن التيس كان اكثر مني خبره في المعارك ولقد اتقن حصاري الى ان انتابني الخوف والياس ولم اجد اي وسيله غير التضحيه بما لدي ف رميت له الخبز ورجعت البيت بدونه والى اليوم الوالد والوالدة يذكروني بهذا الموقف خصوصا لصاروا اعيالي موجودين J ابو احمد |
رد: ........ يُحكى أن ..... لثرثرة يحكى أن أستاذنا بو أحمد رجع بالذاكرة إلى سالفة الحارة والخبز ربي يحفظ لك الوالد والوالدة وآبائنا وأمهاتنا جميعا . |
رد: ........ يُحكى أن ..... لثرثرة يحكى أن ؟ يحكى أن نور العمر لها من أسمها بشقيه النصيب الأوفر ! |
رد: ........ يُحكى أن ..... لثرثرة يحكى أن نور العمر أصبحت إدارية هلاليه :) |
رد: ........ يُحكى أن ..... لثرثرة يحكى أن أستاذي الغالي جدا عبدالعزيز الفدغوش أخجلني اليوم جدا بكل هذه الطيبة، ويحكى أن مشاكسة جوهر الراوي لا بد لها من بصمة، سوف أصدمك نور العمر ليس لها علاقة بالأندية أو كرة القدم بين قوسين " حدي كأس الخليج " (: |
رد: ........ يُحكى أن ..... لثرثرة مساء الخير يحكى ان البعض يناقش في طريقة إدارة الدولة وهو عاجز يدير ثلاثة بزارين وأمهم وبيت مساحته ٣٠٠ متر لمبة المطبخ ما تشتغل والدينمو خربان له سنة ومايشتغل الا بحقن ومكيف مجلس الحريم ما يبرّد .. وأبو الشباب مسوي سعود الفيصل باﻹستراحة ويتكلم عن المفروض والواقع وليش مايصلحون ياخوي صلح لمبة المطبخ وبعدين ناقشهم ابو احمد |
| الساعة الآن 05:12 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011