|
رد: وطن الحرف والحلم ... مرسى الأحلام آآلو وينك .. واجاوب ناظر عيونك خلي المراية تدلّـك ياالغلا ويني تلقي مكاني مبين اهدابك ونوونك مثله مكانك عليم الله في عيني ويقول جعلي مبين ايديك آيفونك دايم بجنبك واذا دقيت .. شلتيني واقول بحذف أسامي الناس لعيونك اسمك حبيبي عن الباقين يكفيني ---------- لا تعوّدنـي على الوصل وتغيـب وحبـل ودك بيننـا .... لاتقطعـه تدري ان اللي فقد وصل الحبيب يفقد شعوره .. وأحاسيسه معـه عايش بلا روح مجرووح وغريـب نـوح قلبـه ... كل حيٍ يسمعـه --------- تبغا كلام الجد ياصاحبي هو قلبي لقا باحضان قلبك بلاده عهدن عليّ آصون مابيننا لو بالممملكة مليار شخص وزيادة ماهمني هالناس راحوا ولا جو اللي يهم نعيش دووم بسعاده ------- أحلام مؤجلة سنابي وانستغرام - ahlaami2 تويتر - ahlaami |
رد: وطن الحرف والحلم ... مرسى الأحلام يتنفس الصبـح وانا اشتاق انفاسـك من غاب حسك ماعاد الصبح يغريني ياحظ منهو غفااااا بأحضانك وباسك ويقول ... نـااار الوله بالحيل تكـويني يمة فقدتـك فقدت الصبح بإحساسـك من يوم حـال القدر ... مابينك وبينـي أحلام مؤجلة |
رد: وطن الحرف والحلم ... مرسى الأحلام بغداد ضاعت واليمن تبكي الشام والقدس صارت عـ المنابـر قضيـٌه باسم العدالة وفزعه لدين الاسلام ضحوا براس العز فجر الضحيـّه والله ثم والله .. من مات "صدام " ماتت معاه المرجلـه ... والحميـّه أحلام مؤجلة |
رد: وطن الحرف والحلم ... مرسى الأحلام وش فيك تفرك في يسارك يمينك ندمان ... او خيبتك زادت لهيبك يكفيك ذابيت في يدينك يدينك محدن نشد وش فيك حتى حبيبك مجفيك روّح مايردّه ونينك والا بكيفه راح ... مو من تصيبك -------- للحينَ بك شدة على النبض للحين للحينَ تشرق بـ الدمـوع وتقاوم يعني تكابر ع المواجع وبعدين شف حتى وجهك مابقا به معالم ماعاد باقي غير دمعك وعينين عين اذرفته وعين طارف ووالم -------- دمعي واعرفه يروي الجرح لاطاح بينه وبيني ... جروح قلبي ميانه عادته دايم يحضن القلب ياصاح ويقول خلِ الضعف ماهو زمااانه وش عاد لو هو راح شف عمرنا راح وش ضاع يعني لو فقدنا حنانه --------- ناظر عيوني .. لو بنظرة عجوولة عشان تقرا ماانكتب داخل العين بعض الحكي أحيان نعجز نقوله تشرحه نظرة دافية بين قلبين تقراااه عين اللي تمنا ... ينوله دايم كلام العشق مافيه بعدين أحلام مؤجلة سنابي وانستغرام - ahlaami2 تويتر - ahlaami |
رد: وطن الحرف والحلم ... مرسى الأحلام ياميمتي ياليت بالحال تدرين عقبك وسيع الكون ضاق وتكدر كن الفرح بعيون غيري سكاكين تقطع وريدي والمدامع تنَثـّر الناس حولي يذكرونك مهنين وأنا يتيمة أم .. ماابغا اتذكر منهو فقد له ام بالعون مسكين لكن بعيد الام كيف ايتصبـّر أحلام مؤجلة سنابي وانستغرام - ahlaami2 تويتر - ahlaami |
رد: وطن الحرف والحلم ... مرسى الأحلام دايم اشوفك في خيااالي واناديك واقوول ليه البعد ... الله حسيبك ياصاحبي من كثر ماني بأحاتيك !! حتى النفس بالصدر اصبح حبيبك وآصير انا وانفاس صدري وطاريك اعذب قصيدة حب .. دايم تجيبك --------- اناااا عادي بخير وطيب ومرتاح ولكني .. ف بعض أحياااان اتأثر بسبة طيفك الغاااالي الى من لاح يضيق الكووون .. بعيوني واتكدر وأحس الدمع دون ادراك مني طاح وأحس بخافقي ينبض بك .. تصور ----------- آآفز من نومي وانا اقول جاثوم وآعوذ بالله من هجوسن طرالي يانوم وشبك خانك الليل يانوم وإلا انكويت بنار .. فقد الغوالي مالوم نومي لو جفا العين مالوم فز .. ايتحرا طيف حيً .. غدا لي -------- ماتدري ان الشوق واجد ولازال يحضن طيوفك لين تولد قصيدة تعال لحظة مابقا شي ينقال كل الكلام انقال وش له نعيده ماعاد شفي غير ملقاك ووصال يكتب بصدر العمر قصة جديدة ياحلم طال ولكن الليل ماطال هاتك حياة لقلب تملك وريده --------- حبيبي والسهـر منهِـك وانا عيني بدا شيب الرموش السود يفضحها كثر ماتبكي وتسأل .. " تخليني" يـرد الحزن بي .... يالله تصلحها ياحلم وكان يصبح بي ويمسّـيني غدا يمسي مع الدمعة ويصبّحها أحلام مؤجلة سنابي وانستغرام - ahlaami2 تويتر - ahlaami |
رد: وطن الحرف والحلم ... مرسى الأحلام لآخر " محطات الأماني " تزهبت شلت الامل والشوق عاني وجيتك . ماهمني بالدرب ياماااا .. تعذبت همي وش اللي يصير لو مالقيتك!! ----- أجمل اماني العمر شوفة عيونك واغلى الهدايا يختصرها وجودك الله يخليك يكفي السالفة طالت !! ماعدت اقوا على غيبتك صدقني وديان شوقي رفدها دمعي وسالت وحسرة رحيلك تتل الروح تخنقني اما تجيني غلا وحظوظ مامالت والا طلبتك ... لوجه الله تعتقني ---------- من اول الذكرى الى اخر الشوق يكبر بصدري احتياجي وشوقي لو قلت لك مشتاق ترتاح وتروق ولو قلت لي مشتاق ولع خفوقي بيني وبينك .. عمر ودروب وفروق انا غيوم وريح وانتا شروقي --------- لو كان فيها عدل دنيا الاحبة مانفترق وتغيب عنا ثواني ماننجرح بإيدين شخصن نحبه ماينكسر محبوب والا يعاني ولا كان جمر الحزن دايم تشبه إية شرارة شوق بين المحاني -------- كثير اكره غيابك ... لاتواخذني اذا دقيت ابوابك وانا مشتااااق وكثير احلم بليل الشوق ياخذني ويرميني على صدرك دفا وعناق حبيبي آسفة .. لو كنت ماخذني معك مني ترجعني شبعت فراق ------ انتهينا ياالقصيد ومو بذنبك ... لاانتهينا لاتبيحين الكنين لخاطري .. خلينا نسري وانتهت كل السوالف ياالله تعوض علينا لاتثيرين المواجع ببن عيني وبين صدري هات ياقلبي يديك ويلا ياالذكرى سرينا ماتت الاحلام فينا ومابقا بالعمر بدري ------- للحينَ بك شدة على النبض للحين للحينَ تشرق بـ الدمـوع وتقاوم يعني تكابر ع المواجع وبعدين شف حتى وجهك مابقا به معالم ماعاد باقي غير دمعك وعينين عين اذرفته وعين طارف ووالم -------- أحلام مؤجلة سنابي وانستغرام - ahlaami2 تويتر - ahlaami |
رد: وطن الحرف والحلم ... مرسى الأحلام آآآكذب الناس لو قالولي عشقانه باين فظ° عينك جنون الروح لاهامت وآقول "أبْدَن" قضيت الليل سهرانه وأشرق صباحي وعيني تو مانامت ------- âپ§في خاطري بعض السوالف والعتاب قـرّب ابهمس لك ... ولا حد يدري ودي بعـَد طوووول المفارق والغيـاب أحضنك لين تذوب أضلاع صدري ------- ان جيت والا رحت لاتشغل البااال دايم مكاااانك في خفوقي فديتك واللي يغير الناس من حال الى حال مهما آتغير ... داخل القلب بيتك -------- إلا على طاري ... السهر بانام لي ساعـه وان جيت بأحلام الهوا لاتصحي عيوني مشتاق حلمي لو تجي يحضنك بآضلاعه ملهوف ويقول بخجل .. لاتنام من دووني ---- أنا بدعي بكل لحظة يارب يدوم لي حبك وانت بلهفة العشاق ردد من وراي آمين وبدعي اقضي الباقي من سنيني وانا بقربك حبيبي ليه نتفارق ونقضي العمر محرومين ------- ياحظ رمشك إلى منه حضن خيّه غطا عيونك عسا تغفى وتحلم بي وتقول لي بالحلم يامرحب وحيّه آروووح فدوة غلا منهو يرحب بي ------ احبك قبل ميلادي وغيب منكتب بكتاب كتبك الله لي موطن اعيش العمر برحابك اشوفك في تفاصيل الوجوه ولمة الأحباب واعيشك حلم لو عيا عليظ“ الحظ ماجابك ------- أحلام مؤجلة سنابي وانستغرام - ahlaami2 تويتر - ahlaami |
| الساعة الآن 11:47 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011