الحياة دروس والعلم ارتجال =ومن خطأ غيرك تعلّم يالفهيم
وكل مقام بهالوجود وله مقال =والشقأ ماهو على أبن آدم مقيم
والرجل قوله تبرهنه الفعال=والكرم ما يحمله غير الحشيم
وللهدية قدربعيون الرجال =ولا يرد أهل الكرم غير اللئيم
وأنتبه ما كل ما يسمع يقال =خذ جزيل الحكي واترك مايظيم
وخذ نصيحة شايباً جرّب وقال =ومن تجارب دنيته أصبح حكيم
ومن يضيّع صحته من شان مال =ضاع ماله لأجل ما يبقى سقيم
والتواضع والعدل مضرب مثال =والزعامه للزعيم ابن الزعيم
واتجاه البوصله دايم شمال =سير دربك بالطريق المستقيم
والفروض الخمس والرزق الحلال =وحج بيت الله وإطعام اليتيم
والزكاه ودعوه لرب الجلال =من حفظهن فاز في جنة نعيم
وللشعر عندي بدون أدنى أحتمال =كلمة ً لا قلتها جت بالصميم