يعني عشاني حضنت الصمت غلطانة = ولاعشاني أجي دايم , , , على فالي
شف ساعتي من ثمان شهور عطلانه = ماوقف الوقت معها / , وانعقد حالي
وشفني على نفس درب العمر سهرانه = موشرط أكون الحزين المنشغل بالي
ماكنت آخر خريف بعمر هجرانه =هو كان أول ربيع بموطن وصالي
أخيط فتق الظنون إن قال زعلانه = وأضحك وأنا كل جرحٍ يبكي إهمالي
أصبح على صوت ذكرني بخذلانه =وأمسي على حلم مبطي ماتهيالي
ياكثر ماقمت من هالحلم عطشانه = وياكثر ماقلت لي : من وردك جالي
كئيب شعري كثير وتبكي أوزانه = واللي قراني : يقول شفيك من تالي
غربة لو القلب ينبض داخل أوطانه = والناي مبطي يغص بصوت موالي
أجفيت باب المعاتب مو على شانه = لكن على شان عشرتنا وهو غالي,,!