ليل الربوع اللي مضى كن الأيام = صارت مع الأحزان يا بوي ضدي

وكني تجرعت البلا بأول العام = وحملت ضيم سنين ما هيب قدي

يا ليتهم جابوا كفني أبيض الخام = ولا أنتظر توقيع منهم إيمدي

تبخرت بالأربعاء كل الأحلام = من يوم وقعت لزواجي بيدي

الدمع من عيني كشف رفضي التام = وراء نقابي بان جرحه بخدي

تحطمت كل المشاعر بالأوهام = وآهات قلبي بيّحت كل سدي

لو صارلي فرصة بأقول يا إسلام = روفوا بقلب ٍ من فرحكم أيهدي

ماني سعيدة ضامري حيل منضام = عيّت مزامير الحزن لا تعدّي

أحس كني لاجية من هل الشام = ما كن لي عزوة من أهلي وجدي

الجفن يا بويه جفا النوم ما نام = والجسم بيّن به هزال وتردي

أبكي وأنا لو أبكي الدهر ما إنلام = دمع العيون المتعبة وش يردي