شبكة الشموخ الأدبية

هـمّ السنيـن

مابكيت وقلت متعب الا من هم السنين
................... ولا ارتكيت بثقل همي الا ابغى لي متـن
وين راحوا من نبيهم .. صدق مات الطيبين
................. هو صحيح ان الـ مشاعر جفت بفعل الزمن
ياشبابيك الاماني تفتحي الدرفة لـ مين
.................. اسدلي كل الستاير واعلني الدعوة حـزن
وياالغيوم البيض مرّي وامطرينا دمع لين
..................... نغرق بشبر المواجع في كفوفه ننطحـن
ابكي .. نبكي فالنهاية انتِ عين وحنا عين
...................... لو تشاركنا سوا كثر الوجع يمكن يكـن
عاتبيهم والطريق اللي رحل فيهم لـ وين
................... يقطع اوهام المسافة بهقوة يجوز ونظـن
وأوقفي كنـّك يتيمة تدقّ باب المحسنين
................... واحرقي اعواد كبريت الامل قبل الوسـن
يمكن بنوره تلاقي حـلم ضايـع من سنين
........................ويمكن بناره تدفي ضلع من برده يـون
متعبيـن وكل خطوة تصيح فينا متعبيـن
...................... والوجيه الشاحبة تستهلك البسمة غبـن
ضاقت صدور الاوادم من صدود الراحلين
................... مثل ما صدور المباني ضاقت بغدر المـدن
والشوارع كم شكت من ثقل ارصفة الحنين
...................... كم عبر فيها غريب مضيّع دروب الوطـن
والحمام اللي بنى بـ هام المآذن عش طين
.................... هاجر يدور لـ حلمه ارض خضرا ما تمـن
كان لي خاطر بـ قلبـك يالأماني لاتجين
....................... مابقا بصدري مكان الا بكفيكِ انطعـن
كم سألتي تذكرين .. وتذكرين وتذكرين
....................... إيـه أذكر إيـه أحلم إيـه أشتاق وأحـن
إيه أَصرخ ... وين راحوا كل لحظة وكل حين
...................... والصدى يدوي وتصبح كل اجزائي اذن
إيه أَبكي ... لين تنبت من عيوني لي يدين
.................. تحضن الباقي بروحي بعد ماخان الـ حضـن

نشرت بصحيفة نجوم الشعر
http://www.njoomalsher.net/poems/917...-19-31-44.html

احلام مؤجلة