قصيد أبو برجس وإن سمعه الخفوق ارتاح = وتصغى له الخمس الحواس بجوارحها

مفتاح الحكم عنده إذا ما لها مفتاح = أقوله وأنا لا أديب الأمة ولا أفصحها

لكن أنبسط لا من قريت البيوت اصحاح = بوزن ٍ ومعنى ما تخامل جوانحها

أقول إن مبارك صار دكتورها الجراح = عوج المعاني تنعسف له ويسمحها

على مستوى جيلي وجيله وجيل ٍ راح = أبيوته من أجمل واحة الشعر وأشرحها

أرى الشعر يا مبارك على ضجة ٍ وصياح = سبايب بشر وجعل الولي ما يسامحها

كل ٍ دخل في الشعر من فارس وفلاح = ودخل به مهابيل ٍ تفرّك مسابحها

عثوبة وكل ٍ قال أنا الماهر السبّاح = هذا جابها عوجا وهذا مشلّحها

ما عاد البلالي وابن هذال والقرقاح = وكثير من الشعّار تعرف مرابحها

وسلام وتحية عد ّ برّاق ليل ٍ لاح = خياله على الديرة وسيله مسنحها

بيوتك يا أبو راكان مثل الذهب واصحاح = عن النقص ذربات المعاني منقحها

أنا أحس في معنى مثايلك عطر ٍ فاح = مثل فوح بكر ٍ صاحب الصنف فايحها

شذى عطرها يقعد خواء الرأس بالمرواح = تزيل التعب والروح تنعش جوارحها

تعيش وسلمت ودمت بالعز ّ والأفراح = أديب ٍ معانيك الجزيلة تملحها

تصيب الهدف لا صار لك بالهدف ميلاح = توضح مواضيعك وتشرح ملامحها

أثنيت ومدحت وزدت في حقي الأمداح = وحنّا مثل شرواك نقبل مدايحها

وحكمت الكلام المعتبر ما طلبت أرباح = وأنا أثني عليك بسبكها يا موضحها

تبي من بعض شعارنا الجد ّ والإصلاح = لعل وعسى جملة معانيه يصلحها

وأنا أشوف بعض أربوعنا ناتجه ضحضاح = ولو تنصحه ما يطيع توجيه ناصحها

عنيد ٍ على رأيه ولا يقبل النصّاح = ومعه شلة ٍ مثله بيوته إترشحها

ترى بعضهم لو ترفعه للثريا طاح = ما ينفع كلام النصح في قلب طايحها

وأنا شايف ٍ ما شفت واضح بدون إيضاح = وأغض النظر بأسلوب وأضحك وأصافحها

الشاعرالقديرمبارك الطومي
أجــدت الطــــرح وابـــدعت
وفي سمـــو الكلمة تميزت
لله درك وصح فكرك و قلبك
وصح لسان الشاعر علي العجمي

الشاعر القدير مبارك الطومي

لا نســتغرب الذهب من معادنه

ولا الإبــــداع من أربابه وأهله

صح السانك وعلا قدرك وشأنك

الشاعر مبارك الطومي

نـص جمــــيل وطرح رائع وأصــيل

لله درك والله يعطـــــيك العافــية

وبانتظار جديد فكرك وإبداع شعرك

صح السانك مليوووووووووووووون
ولا يكفووووووووووووووووووون
وأبدعت وجــــــــملت بشعرك وأمتعت

نص فـــي غــاية الــروعـــة والجمال
وفــي منــــــتهى التـميز والكــــمـــال
لله درك شاعرنا المبدع في نظم الأمثال

قصائد روعـــــــــــــــة

قصيدة في غاية الجمال

صح لسانك ملاييييييين