شبكة الشموخ الأدبية - أوراق قديمة ...!!!

http://www.mekshat.com/pix/upload02/.../mk26590_d.jpg
قم سو مايصبغ على الصين ياعيد
واستدْن اللي مثل البْطوط الهْدافي

إحمس وزيّنها على كيف ما آريد
بدلال ماعنهن سنآ النار طافي

ودق النّجِر حِسّه يجيب الملابيد
يجلي نواد اللي من النوم غافي

تآتيك دقلات القروم الآواليد
ويكثر علينا قوّكم والعوافي

إدغث لها حفنه من الهيل لاتْزيد
والزعفران وروّكه يا السنافي

وسقها لذربين الرجال الآجاويد
وصبه لمن يثني خلاف المقافي

اللي يروّي حربته بالمطاريد
اعيون من قرنه على المتن ضافي

بنت الشيوخ مخضبين البواليد
حريبهم لوهو بعيد ٍ يخافي

واثنِه على اللي وان لفّوه المعاويد
ريف النشاما والركَاب الهجافي

يضحك حجاجه لالفوه المسانيد
لا يا بعد خطو الكذوب الهلافي

وحنّا ليا صرقع ضجيج البواريد
عدوّنا تسفي عليه السوافي

وان لِبّس المركب بريش الهداهيد
وصار المقامع دون حم الشعافي

نآخذ على جمع المعادي ملاكيد
ونمشي على وضح النقآ بالكشَافي

وان درهم الصابور مامن تصاديد
كم فارسٍ صارت عظامه تلافي

مركاضنا يشبع به الضبع ويعيد
والنسر اللي بطنه من الجوع هافي
:

للأمير / النوري بن هزاع الشعلان الرويلي
رحمة الله عليه .!