أورد اللغز الزميل حسن العنزي

يا الشاعر اللي بالقصايد ترنم
جاك الخبر مني وفكري مقـره

بنشدك عن عودٍ عمى لاتكلـم
يكشف ستر عذراه للي يجـره

عودٍ على كشف الحقايق معلـم
علمه يفرح شخص واخر يضره

هات الخبر وارسل جوابك معمم
باربع بيوتٍ من قراها تسـره

وأجاب عليه الإجابة الصحيحة: الأديب الكبير عبد العزيز الفدغوش.

الحل هو عيار زيت المكينة.

أورد اللغز الزميل حسن العنزي

انشدك عن رجلٍ يجيب العلم من بطن السواد
لو ماتحط اصبعك في عينه ما يعطيك العلوم

جالس بطن امه لكنـه هايـمٍ فـي كـل واد
ناس ٍ تشوفه فالسفر وناسٍ تشوفه كل يـوم

وأجاب عليه الإجابة الصحيحة: الأديب الكبير عبد العزيز الفدغوش.

الحل هو عيار زيت المكينة.

أورد اللغز الزميل حسن العنزي

الله على الثلاث ليا صرت ماشي
يحمنك من طعن الظهر والخديعه

ماينقلن كـلام كـاذب وواشـي
ياتنك بالاخبار كنهـا الطبيعـه

وأجاب عليه الإجابة الصحيحة: الأديب الكبير عبد العزيز الفدغوش.

الحل هو مرايا السيارة.

أورد اللغز الزميل حسن العنزي

انشدك عن خمس تقابل مع خمس
صوب السماء ترقاوتنزل وترقـا

تنشاف شوف العين ماتلمس لمس
الشكل واحد والفعـل فيـه فرقـا

ان غيبن من عقبهن خاطرك عمس
كنك تحس بداخل القلـب حرقـا


وأجاب عليه الإجابة الصحيحة: حسن العنزي بالخطأ.

الحل هو الإرسال والشحن حق الجوال.

أورد اللغز الزميل حسن العنزي

يا ويش بنتن ماقعدت مقعد العيب
الله خلقهـا يالنشامـا شريفـه

من فوقها ما تطلع الشمس وتغيب
ومنزالها فوق الجبال المنيفة

تهدم وتبني بيت ما به عذاريـب
ثقيلتن ساعة وساعة خفيفة

وأجاب عليه الإجابة الصحيحة: الأديب الكبير عبد العزيز الفدغوش.

الحل هو شهادة الحق.

أورد اللغز الزميل حسن العنزي

ويش الثلاث اللي يحفضن الأسرار
الاسم واحد والشبه بين ثنتين

متقاربات وفيهن صغار وكبار
عند الفقير وعند راع الملايين

وأجاب عليه الإجابة الصحيحة: مشعل الفدغوش.

الحل هو مخابي الثوب.

أورد اللغز الزميل حسن العنزي

أنشدك عن بنت خذت صيت رجال
فازت بصيته واقتنـع بالمهونـه

من عقب ما هو للمشاكيل حـلال
اليوم يا كثر البشر يجهلونـه

وأجاب عليه الإجابة الصحيحة: الأديب الكبير عبد العزيز الفدغوش

الحل هو مطحنة القهوة أخذت صيت النجر.

أورد اللغز الزميل حسن العنزي

أسـألك عن ثلاث أخـوان مـتتالـين
مــتشابهين وفرقهم بالبناتي

بـناتـهـم وحــده وثـلاثـه وثـنـتـيـن
سته عددهن بالعدد كاملاتي

وبناتهم معهم على الزين والشين
وبناتهم معهم بطول الحياتي

وأجاب عليه الإجابة الصحيحة: الأديب الكبير عبد العزيز الفدغوش

الحل هو حروف - الباء والتاء والثاء.

أورد اللغز الأديب الكبير عبد العزيز الفدغوش

بعنوان لغز رجّال الأفعال ؟
الألغاز رياضة فكرية وفيها قدح لزناد الفكر من خلال
شحذ الذاكرة والبحث عن الحل،
وإليكم هذا اللغز وهو من نظمي :

يا ويش رجّالٍ طلع رأس ما طال
ومتمـيّـزٍ بـرمـوز نــور وتنافـيـل

ما ينحني رغم الحوادث والأهوال
وغيره يجيه بدهم الأحداث تبديـل

وأجاب عليه الإجابة الصحيحة : بليهيد العتيبي.

الحل هو العلم السعودي.

أورد اللغز الأديب الكبير عبد العزيز الفدغوش

بعنوان لغز بنت الإنصاف ؟
الألغاز رياضة فكرية وفيها قدح لزناد الفكر من خلال
شحذ الذاكرة والبحث عن الحل،
وإليكم هذا اللغز وهو من نظمي :

يا ويـش بنـتٍ عنـد الأعـراب تنشـاف
ولا تنذكر فـي زحمـة المـدن والسيـف

بيـن البـوادي حققـت بعـض الإنصـاف
وفيها عجب وأسرار عرف وتصاريف

وأجاب عليه الإجابة الصحيحة : بليهيد العتيبي.

الحل هو البشعة.

أورد اللغز الزميل جوهر الراوي وهو من إنتاجه

أبـدأ علـى مـا قيـل بجمـلـه مفـيـده
معروفـه مـن قديـم وعنـدي دليلـي

من وقت آبونا آدم ولا هـي جديـده
ومذكوره في وحي العزيز الجليلي

والجملـه المقصـوده لغـز ونـريـده
محلول من آهـل النقـض والفتيلـي

فكّـر أيـا الشامـخ وفـك عنْـه قـيـده
ترى هو آسهل لغز في عهد جيلي

واللـي يحـلـه يرسـلـه مــن بـريـده
عـلـى إيمـيـل المنـتـدى أو إيميـلـي

والا يخـطـه عـلــى نـظــمٍ يـجـيـده
أو رد عضـوٍ شامـخٍ مــا يعيـلـي

وأجاب عليه الإجابة الصحيحة : الأديب الكبير عبد العزيز الفدغوش.

الحل هو قول - الحمد لله- عندما عطس.

أورد اللغز الزميل مبارك الطومي
مراقب النصوص في ديوانية شعراء النبط

يا ويش واد ٍ محكم التقفيله
ولو سالن الوديان ما يسيل

مشفر ٍ ومفتاحه بتدبير خالقه
يفتح بحكم الواحد الجليل

وأجاب عليه الإجابة الصحيحة : الأديب الكبير عبد العزيز الفدغوش.

الحل هو وادي ويل - نسأل الله السلامة.